السلام عليكم ورحمة الله وبركاته
بسم الله الرحمن الرحيم
والصلاه والسلام على اشرف الأنبياء والمرسلين نبينا محمد وعلى اله وصحبه اجمعين
أولا,, ألف مبرووووووووك لجميع الزعماء بالبطوله المستحقه والظفر بكأس ولي العهد وإنشاء الله تكون فاتحة خير لجميع البطولات ولن يستطيع احد بالوقوف في وجهه الزعيم
>الـــٍِـُزعًٍِـيـًٌََم ثٍِابًٍِت< وألٍِبًٌقٍِـيًُه مٍِـتحًٌركًٌون<
طبعا كلنا تفاجئنا بإقالة المدرب القدير (كوزمن) وكان الخبر بالمفاجئ والصاعق
على جمهور الزعـــيـــم لأكن الخبر كان بالنسبة لي متوقع لوجود
عدة أسباب
السبب الأول,,
دائما مكان السيد كوزمن ينتقد الإتحاد السعودي وطريقة عمله
بتنظيم جدول المسابقات وتداخل المباريات والتي قال عنها
السيد كوزمن لم اشاهد في حياتي مثل ذالك طبعا سلطان
ونائبه أزعجهم هالكلام ولا تعودو عليه تدرون ليش لانه
ماسبق لأي احد تجرا ولا راح يكون فيه اي شخص يقول لهم
انتم على خطاء ولي تسويه ياسلطان راح يكون له ضرر كبير
على لاعيبة المنتخب وضررعلى الانديه واصابة لاعبينها
وهذا مايحدث الان لو لاحضتم في جميع الانديه كل العيبه
مصابين والسيد كوزمن هو الشخص الوحيد الذي تجرا وقال
الي يصيرفي مسابقاتكم شي لايصدق كذا هم زعلو ولا تعودو
على هالاسلوب الجديد معذورين لانه ماقد احد خالفهم ولا فيه
من يحاسبهم وش ترجوون من أشخاص عايشين على
المجاملات والترفيع وكل كلمه يسمعونها من هالجبناء انتم
الصح و انتم القيادة الحكيمه
السبب الثاني,,
تتذكرون عندما أقيل المدرب الفلته ناصر الجوهر كل الاصوات
جاءت بترشيح كوزمن مو حب للمنتخب بل كرهـ للهلال
وصرح في ذاك الوقت الأمير عبدالله بن مساعد وقال لو كنت
في مكان الامير عبدالرحمن واخذو مدربي لاقدمت استقالتي
اعتقد انه فقع قلوبهم بهالكلام
السبب الثالث ,, ووقت الترصد لسيد كوزمن
مشكلة كوزمن انه مدرب حماسي وعنده فكر اوربي ولا يقبل
الهزيمه من أي فريق كان ودايم نشوفه واقف ويوجهه الفريق
ويعطيهم الحماس داخل الملعب طبعا هالشي مايعجب الفريق
الاخر لانه هالطريقه تتسبب في هزيمتهم واقرب مثال عندما
خرج النصر من البطوله مذلول وكان طلال الرشيد يتابع
جميع تحركات كوزمن انا بصراحه ماادري هل هو مشرف على
الفريق النصراوي والا مشرف على كوزمن يترصد كل
تحركاته داخل الملعب طبعا هم يتضايقون ويقولون ليش
يعترض على الحكام المفروض يتوقف والمشكله انه صرنا
وتعودنا بعد كل مباراه تكون لنا ضربتين جزاء وحالات طرد
للفريق الأخر وكل هذا يقولون ليش يعترض ولازم يوقفونه
وش تتوقعون من مدرب اذاقهم الهزيمه ثلاث مرات بثلاثة
مدربين في موسم واحد 
ويصرح ويقول فريقهم ضعيف ومتهالك ولا اعتبر مباراتي معهم مباراة ديربي والمصيبه
انهم كل ماقالو فريقنا تطور ولا راح يكون فيه فريق يوقف
مسيرتنا يجي كوزمن كالعاده ويقولهم لا وقف انت وياه توكم
مابعد تطورتو(تظلون صغار) يبغالكم اكثر من كذا ينقصكم لاعبين مميزين
ومحترفين علىمستوى عالي و اداره واعيه تعرف توجهه
لاعبينها صح مواداره متخلفه بقيادة المتعجرف خبيلان
واعضاءه المنحطون الي كل همهم النيل من شي اسمه ازرق
اداره همجيه تبحث عن التصاريح والترزز بعد كل مباراهـ
الكل شاهد قبل مباراتنا مع النصر كيف تصاريح الاداره
النصراويه عبر الصحف والبرامج العيون كانت كلها على كوزمن
كانو ناويينه بتصاريح وشماته وماخفي كان أعضم بس للاسف
افسدت (الخطه الكوزمنيه
) هذا المخطط وعلى نياتكم ترزقون أعتقد انه مافيه احد دخلت مزاجه او مجرد التفكيرإنه سبب اقالة كوزمن هو خلع التي شرت ورميه على المنصه لانه سبب مضحك وعن جد مايدخل المزاج اعتقد واجزم انه لو سمع عن هالحادثه من هو خارج السعوديه لاضحك وتعجب من اتحادنا المنحط..!!
كلكم تابعتم الجوله بعد المباراه عندما اتصل الاهبل دليخان
وقال لازم يكون فيه تدخل من الرئاسه العامه لرعاية الشباب
لرمي التي شيرت على الأرض والمشكله انهو كل الي شاهدو
المدرب انه وضع الفنيله على الطاوله انا مدري وش يبغونه
يسوي بالفنيله هل ينتظرون منه أن يقبلها ويبحث عن علاقيه
ويعلق الفنيله ويقول بعد اذنكم تكفون اسمحو لي انا مصدع
وبطلع هل هذا شي يعقل وش هالعقليه لهدرجه وصلنا لها
الحاله لهدرجه تحسبون الجمهور مايستوعب لاكن مااقول الا
حسبي الله عليكم وعلى رياضتكم المنحطه رياضه لاتستحق
أن نتشرف بها
الاشخاص الذين كانو خلف ابعاد كوزمن عن الزعــــــــــيم
هي المنظومه الحقيره
صغار النصر بقيادة (امير الشوق+ وخبيلان )
كلنا معك ياأبن همام
كل مااتذكر ابن همام تبرد تسبدي لانه هو الشخص الي راح
يجيب اجلهم هو الشخص الي بعد كوزمن قعد بحلوقهم ووجهه
لهم رسالة تلميحيه عن طريق برنامج العربيه لو مارستو عاداتكم
القذره المتعارف عليها بالرشاوي راح الجاء لاعلى سلطة
رياضية (كفيت ووفيت ياابن همام ونشاء الله قربت ساعة الصف
وتكون رئيس الاتحاد العربي والاسيوي )
كل الظلم الي عانينا منه في الفتره الي راحت من قرارات سلط الله
عليهم ابن همام عشان يذلهم ويكسر خشومهم .. عاد الي كاسر
خاطري انه بن همام قطري يعني ماتقدر تقوله انت ماتربيت
وماتفهم 
راح نشوف الفتره الجايه من هو الي راح يتربى ياسلطان وخلي شلةعلي بابا تنفعك لاطحت ياخبرة 37 سنه 
ابن همام نحن لسنا اعضاء بلجان الفيفا لكي نعطيك اصواتنا
لاكن تأكد انه جمهور الزعيم يشكل في المملكه 80 بالمئه من
الشعب السعودي راح تكون قلوبنا كلها معك وبدعاء انشاء الله
والظلم الذي تعرض له هذا الجمهور
راح تكسب الجوله
معليش ياأخضر كنت أتمنى اكون احد المشجين لك بس الأجواء
ماتأهل
رئيسك ظالم ولجانك منحطه بكل اسف راح أكون في كل مباراهـ
يلعبها المنتخب مشجع للمنتخب الأخر واتلذذ واستمتع بحالة
الخساره للمنتخب السعودي وبأذن الواحد الاحد تسقطون في
ايران واكون انا اول الشامتين بكم وقفنا معكم في كل المناسبات
ولم نقصر معكم والكل يعلم أن من يحضر الملعب هم جمهور
الزعيم ومع كل هذا مانفع فيكم (وهل جزاء الأحسان الاا الاحسان)
<ملاحظه >لايجيني شخص طاق على صدره ويقولي وطنيه لاني
بقوله الوطنيه مالها علاقه بالرياضه ومايحتاج اجلس اعطي
دروس عن الوطنيه اتوقع الكل درسها بمرحلة المتوسط يعني
ماتبي شرح
# تم ايقاف لاعب الاتفاق عقال للبصق ثلاث شهوروكالعاده تم تجاهل حسام رخيص للبصق والرفس للعيبة المنتخب ..!!
#عندما اقيل مدرب المنتخب صرح خبيلان في صدى الملاعب انه يتمنى كوزمن للمنتخب وليس حب للمنتخب ووالكل يعلم ماهو الهدف وراء ذالك هل انتم الان اكثر وطنيين من صاحب السمو..!!
#ذهب كوزمن وسوف يأتي كوزمن اخر الهلال كيان كبير
لايتوقف على ايأ كان
#اذا كان الخبر الي سمعناه صحيح عن مداهمة كوزمن لبيته وسجنه فهذهي كارثه لايجب السكوت عنها ولا يردك ياكوزمن الا الفيفا
#جمهور النصر جمهور متخلف وسفيه وهذا شي غير مستغرب على هذا الجمهورهل يعقل بمنتدى كل اعضاءه مواضيعهم كلها عن فريق لايخصهم
#عندما اقالو كوزمن وادعو انه السبب هو لرميه لتي شيرت الذي يحمل صورة سمو العهد وقومو الدنياولا قعدوها جاء على بالي انه هالامير شخص مقدس اتمنى تأخذكم العصبيه والغيره على دينكم يااصحاب السمو وتقاطعون الدنمارك على اساءاتهم لااشرف الانبياء والمرسلين نبينا محمد عليه افضل الصلاه والتسليم
اسف على الاطاله بس هذي من الحره ولا تحرمونا من ردودكم
دمتم بووووود وفالكم جمـــيع البطولات وقاعدين على قلوووبهم 
سبحان الله وبحمده عدد خلقه ورضاء نفسه وزنة عرشه ومداد كلماته
الوضع العادي
