|
حسبي الله على من زعّــل( خالد) ولدالجيــــران... دائماً اقابل ولد جيراننا الصغير(خالد ) ماشاء الله عليه دمه خفيف والإبتسامه دائماً على وجهه ،، وهو سنه اولى إبتدائي ،، الله يحفظه لأهله من تشوف هالولد تحبه وبيني وبينكم احبه حيل وياويل من يزعله ويخليه يصيح ،،،، اليوم قابلته الصباح وهو بيروح المدرسه وهو لام البوز شبرين يعني زعلان بالمره .. كان اجيه واقوله (خلّود) حبيبي وش فيك ؟ مارد على .... خلّود انت تعبان ؟ مارد على . كان اقول لأبوه وش فيه خالد ؟ قال هو يقولك ... أسأله قلت لأبوه سألته مايرد على قال : أسأله مره ثانيه خالد حبيبي مين زعلك قولي وضميته على صدري وقلتله قولي حبيبي مين زعلك قبل ماتروح المدرسة ،،، كان اتفاجأ باللي قاله خالد واللي مزعل خالد تدرون وش قال ... . . . قال : كوزمين راح قلت : وين راح قال : راح عن الهلال افااااااااااا ياخالد هذا اللي مزعلك واشوف ابوه يضحك... ويقول حتى الصغير زعلان على كوزمين وقلت لخالد وابوه يسمعني... دائم اللي يزعلوك اقدر عليهم لكن هذي المره مااقدر على اللي تسبب في زعلك واللي ماتقدر عليه حيل الله عليه وما اقول إلا حسبي الله ونعم الوكيل على من تسبب في زعل خالد وخلى كوزمين يرحل من امس ابي انسى قراررحيل كوزمين لكن خالد زاد الطين بله,, ، ، ، ،، وقفه ،، الأمير عبدالرحمن بن مساعد الأمير نواف بن سعد جمهور الزعيم معاكم لايهموكم |
قل له بكرة يلعب الهلال ويفوز بدون مدرب وتشوف هالتكشيرة إن شاءالله تنتقل على وجوه كارهي الهلال بيبقى الهلال كبير بكوزمين, ولسه خالد مايعرف الهلال زين واذا عرفه بيفرح بمثل هذه القرارات, لأنها وإن عطلت الهلال فترة فهي سلاح قوة يصنع مستقبل بطولاتي حافل سلم لي على خلود مستقبل الهلال |
موبس خالد اللي ماد بوزه شبرينمن شمال المملكه لغربها ومن جنوبها لشرقهاتقول ( وداعا كوزمين لن ننساك )حسبي الله ونعم الوكيل |
حسبي الله عليهم الله لايوفقهم ولايبحيهم ولايحللهم |
حسبنا الله والنعم الوكيل اقسم بالله كنت جاي من الرياض معاي الوالده وجاني اتصال اقسم بالله تعرف اللي كنه صاعقة على الجسم حتى الوالده ماكنت اسولف معها من ضيقة الصدر ما اقول الا حسبي الله عليك ياسرطان الرياضه والله يضيق صدوركم بمنتخبكم اتمنى مقاطعة المنتخب وبالتوفيق لكوريا وايران |
يالبى قلب خالد :smilie47: تصدق حبيته وأنا ماشفته :d قله دامك هلالي ماعليك خوف إن شاء الله بوجود كوزمين او رحيله سلملي على خلود :rose: |
إقتباس:
الله يطول في عمر والدتك والله انهم ضيقوا صدور كثير حسبي الله عليهم |
يالبى قلبه وزي ما قال هلالي ثنياني باذن الله تشوف الابتسامه على وجه بعد المباراه القادمه والتكشيره في وجه عدوينه .. لاهنت على الطرح :) |
حسبي الله عليهم زعلوك وزعلوا خالد وزعلوا قلبي وزعلوا حتى كاس البطولة الله يصبرنا ويصبر كل هلالي ==================== تخيلوا احبتي انا كوزمين تم اختياره للمنتخب وسوف يستلم المنتخب بعد النهائي هل سيتم طردهـ من قبل سلطان ام سيتم تكريمه 00000سؤال للعقلاء000؟؟؟ ==================== تحياتي لك عزيزي |
إقتباس:
|
اي والله كلنا زعلنا موب بس خلود الله يعين بس ما نقول الاا حسبنا الله ونعم الوكيل |
اجل خلود زعلان علي كوزمين يوم راح ياحليله بس قله لايزعل الهلال هو من صنع كوزمين وهذه الابيااااااااااااااااااااااات أهداء لعشاق الزعيم ولـــ خالد ما هي غريبة هلالــــــــنا يأخــــــــــذ الكأس اللي غريـــــــب ليــــا خســـــرنا البــــطولة لـــــنا تعودنا علي الذهب و المــــاس وأصل الذهب من غير الأزرق يطوله وجمهورنا معــــــــود علي رفعــــــة الرأس ومبروك في كل الملاعب نقــــــــــــــــوله ما هو فريقاً كل يوميــــــن منـــــــــحاس يســــــــتقبل الأهداف في كل جوله |
| الوقت المعتمد في المنتدى بتوقيت جرينتش +3.
الوقت الان » 02:51 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd