نادي الهلال السعودي - شبكة الزعيم - الموقع الرسمي - ((قطوة الحارة طاقه لثام وعباية مخصرة)) هع هع هع

عسى ماتاخرنا عليكم ياجماعه ؟؟<===الكلام هذا موب لكم هاذي القطوة توها داخله ديوانية القطاوة:D

قال زعيم القطاوة كل خرخيرة فيها ديرة :D

قالت وانت الصادق كل تاخيرة فيها وحدة بغت تمسكها مكافحة التسول:p

قال ليش سلامات يا ام مناحي (( ام مناحي هاذي القطوة اللي لابسه عبايه مخصرة ولثام:D ))

قالت طال عمرك انا طلعت اخذ لفة على الاشاراة كالعاده

قال ايه اسلمي

قالت واشوف ذيك القطوة السوداء الله لايوفقها

قال ليش وش صار

قالت ابد والله مسكتني هالقطوة السمرمدية وقالت لي ترى اذا ماتركتي المكان هذا باعلن حالة الطوارى:D

قلت لها اي حالة طوارى وانا وخيتك ترى الدنيا ارزاق واللي كاتبه الله بيصير

قالت اقول لك يا ام مناحي اتركي المكان هذا لي

والا قسمن بالله ادق الحين على مكافحة التسول يضفونك

قلت واللة وضاعت علوم القطاوة

قالت بلا علوم بلا تونة بتمشين ولا كيف:D

قلت لها خلاص ولا يهمك وتركت لها المكان

وهذاني جيتكم بالدوانيه عشان تشوفون لي حل

قال زعيم القطاوة يامرخان قال هلا واللة (مرخان هذا البودي جارد حق زعيم القطاوة):D

روح خذ لك كم واحد من ربعك وافتح راس القطوة السوداء اللي عند اشارة تقاطع العليا العام:D

قال ابشر واللة..

المهم ويروح مرخان ...

قام زعيم القطاوة وقال هذا اعلان لازم تسمعونه كلكم

نحن زعيم قطاوة الدخل المحدود نعلن البيان التالي:

على جميع قطط الدخل المحدود عدم التحرش في قطاوة الجرادية واعتبارهم من الان اخوان لنا

اما قطاوة طقني والحقني الخكاري اللي في التخصصي على كل قطو من الدخل المحدود اول مايشوف قطو من التخصصي يصنه بمخمس على جبهتة:D

وعلى جميع القطاوة المراهقين امثال القطو صعرور والقطو مرواس عدم التحرش في بنات الحارة نهائيا واللي يبغي بنات يروح يغازل في زبايل الفيصلية ولا شارع المطاعم:D

انتهاء البيان وعلى الجميع الانصراف وان اي شخص لن يطبق المتفق عليه سيعرض نفسه للتمحيط والتشويت امام جميع قطاوة الدخل المحدود:D