اقتحام للمنتديات الرومانيه - نادي الهلال السعودي - شبكة الزعيم

عاشق روزيسكي · #1 02/03/2009, 12:29 AM

السلام عليكم

مساء الخير على الجميع

اخواني جميعنا يعلم ماحدث بعد اقالة كوزمين من قبل اتحادنا الفاشل لكرة القدم من اتهامات وكلام وتعدي على الدين الاسلامي الحنيف من قبل الصحافه الرومانيه

فاتمنى من الشعب الهلالي اقتحام المنتديات الرومانيه وكتابة مواضيع تغير نظرة الاسلام لهم

لعل وعسى ان يهدي الله منهم مايشاء للاسلام

اكتبوا عن الدين الاسلامي وانه ينهى عن الظلم وان العاملين على الاتحاد السعودي اخطأوا وعليكم نسيان مامضى .... الخ << يعني كل واحد واسلوبه

بس الله الله باللين

طبعاً يجيني واحد ويقول ماعرف للغه الرومانيه

اقول الله يخلي مترجم قوقل

كل ماعليك انك تفتح صفحه قوقل وتختار خيارات اللغه وتختار الترجمه تكون من اللغه العربيه للغه الرومانيه وتنسخ الكلام وتلصقه بالمنتدى الروماني بعد ماتسجل فيه

معليش حولت من اللغه العربيه الفصحى للهجه العاميه

بس حسيت انها احسن

المهم ماعلينا انا اليوم سجلت بمنتدى ستيوا بوخارست ونزلت موضوع

عن كوزمين وقرار اقالته

واتمنى من الجميع انه يسوي كذا

واتمنى انكم تطالبون من الرومان انهم يساعدوننا في الشكوى ضد اتحاد الكره السعودي

عشان يلقى الموضوع اهميه عند الاتحاد الدولي فيفا

الله يوفق الجميع لما فيه الخير والصلاح

كريسMالمجنون · #2 02/03/2009, 12:41 AM

نحن معك لكن اتمنى انك تزودنا باسماء المنتديات الرومانيه

عاشق روزيسكي · #3 02/03/2009, 01:26 AM

ان شاء الله اخوي باحضر اسماء بعض المنتديات الرومانيه

ولكن اتمنى من المشرفين نقل الموضوع لقسم الجمهور الهلالي

مشكووورين

WAW 879 · #4 02/03/2009, 01:30 AM

يصير رادوي كابتن في مباراة الهلال والشباب القادمه هذا ابلغ رساله ممكن ايصالها لرومانيا

واصلاح ماافسده سلطان

عاشق روزيسكي · #5 02/03/2009, 01:33 AM

http://www.suportersteaua.net/index.php

هذا رابط لمنتدى نادي ستيوا بوخارست

اللي كان يلعب فيه رادوي وكان يدربه كوزمين

ساكب العبرات · #6 02/03/2009, 01:40 AM

نحاااااااااااااااو لـــــــــــــعل وعسى

BLUE SOUL · #7 02/03/2009, 01:47 AM

والله ياليت حتى يعرفون ان الي صار مخافة صريحة لديننا الاسلامي !!

خاصة مسألة تعظيم الصور والظلم الذي تعرض له كوزمين

حربي والهلال حبي · #8 02/03/2009, 01:51 AM

الحين بسجل فيه وانزل موضوع

only Hilali · #9 02/03/2009, 01:51 AM

ياعالم ترجمه قوقل مو دقيقه فيمكن تغلط غلط كبير بسبب هذي الترجمه ... انا اقول نكتب بالانجليزي احسن واحوط عن الغلط ... اللي عنده احد يدبرها بالانجليزي ..
الله يعافيكم لا تخلونا نغلط غلط كبير بترجمه قوقل

بنت الزعيـــــم · #10 02/03/2009, 01:57 AM

صح كلآم only hilaly

ترجمه قوقل مو مضبوطهـ مررهـ آللي يعرف آنجلش صح ينزل موضوع آحسن

خلودي919 · #11 02/03/2009, 01:59 AM

يااخوي الاتحاد السعودي هو شوه صوره السعوديين الله يفشلهم
وان شاء الله الاقاله قريبه باذن الله

.. زرقاوي .. · #12 02/03/2009, 02:01 AM

تكفووووووووووون

لا أحد يسويها

صدقوني راح نكون مسخرة لهم

الله فاهم وعنده أسلوب ويعرف كيف يصحح الصورة عن الهلال والسعودية والاسلام ويبن ان ماحدث ماهو الا بسبب جهل وظلم من جهة لا ثمثل الاسلام وتكون باللغة الانجليزية هذه هو اللي راح يفيد

ترجمة قوقل راح تسوي مهازل

هذه غير الكلام اللي راح يُكتب ومهب كل الناس عندهم اسلوب وتميز بالكتابة

جمهور بن أزرق · #13 02/03/2009, 02:04 AM

اتحاد الكرة الأصفر هو من شوه الإسلام

عاشق روزيسكي · #14 02/03/2009, 02:07 AM

صدقتوا ان قوقل مو دقيق ولكن الشكوى لله الا اذا احد منكم عنده مترجم غير قوقل

يتوكل على الله ويحسن النيه ويبدأ بالكتابه

شاكر لكم جميعاً مروركم

F.C.H · #15 02/03/2009, 02:08 AM

إقتباس

الرسالة الأصلية كتبت بواسطة .. زرقاوي ..


	تكفووووووووووون لا أحد يسويها صدقوني راح نكون مسخرة لهم الله فاهم وعنده أسلوب ويعرف كيف يصحح الصورة عن الهلال والسعودية والاسلام ويبن ان ماحدث ماهو الا بسبب جهل وظلم من جهة لا ثمثل الاسلام وتكون باللغة الانجليزية هذه هو اللي راح يفيد ترجمة قوقل راح تسوي مهازل هذه غير الكلام اللي راح يُكتب ومهب كل الناس عندهم اسلوب وتميز بالكتابة

لا حياة لمن تنادي .. يموتون بالتلزق .,