______________________






_______









هذي القصيدة كاملة لمن طالب بها وهي قديمة بعض الشيء لكنها نحاكي واقعنا الهلالي


" الجمهره "

إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد تاليها خراب
والبندق اللي ماتثَّور في هدفها تذعره

ودك إليا من جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلَّطتهم صدري على ذكري قصيد وحنجره

صوتٍ يصول بمنبره وخطاب ما بعده خطاب
والطيبه اللي زعزعت صوت الخَطيب ومنبره

مافيه دمع ٍ صوَّبوه أحبابي بوجهي وخاب
ولا زَرَق حزني على غالي ولافج انحره


كل الزهاب اللي معي ذكرى من أصحاب الزهاب
واللي بقالي من عذاب أشرس طريقي وأخطره

لأني تجنبت الغرق عدِّيت من فوق السحاب
لأن أكثر أصحابي ورق ماشفت للطيب إثمره

والله ماحطيت بين الحقد والخُوَّه حجاب

حتى غدوا ربعي يحدوني على الضيق أشكره

البارحه ثارت علي رقاب وآوتني رقاب
البارحه يا ثقل دم البارح و يا محقره


أهَب يا وجه الحسد وشلون جمعهم وغاب

كيف السنين اللي عطتني بعثرتهم بعثره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

لابارك الله في رفيق ٍ تزعله كلمة عتاب

ولاجمَّع الله الرجال اللي تفرقهم مره


عوَّدت نفسي كل ماشددت لليمّه ركاب
ما أصد وجهي عن طريق إلا ليا جبت اخبره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي بهجره


من يفتح لفرقاي باب أفك له عشرين باب
وإذا خويِّي مايقدر خوتي ما أقدره

إن روّحوا فأنا بري منهم ليوم الحساب

وإن جرَّحوا قولوا لهم ماحركوا فيّ إشعره


شفهم لهم حول السنه ولا خذوا مني جواب
أحسن دوا للي يحاول يستفزك تحقره


أنا جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره


ماكنت أحاتيهم صغَـيِّر ..عاد أحاتيهم شباب

إن ما ذخرني صاحبي لليوم الأسود ما أذخره


عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

اللي يخاف من الظما يترك لنا طرد السراب
واللي ماهو بقد الظلام ووحشته لا يسهره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعالمٍٍ ماتستحق المغفره

انا أكثر أنسان تعلم من كثر ماأخطا وأصاب
انا أخر لسان يتكلم في زمان الثرثره

انا القصيد اللي نزع من دفتره مليون ناب
وانا الوحيد اللي جمع مليون ناب بدفتره

جفني وجرَّحه السهر ، حيلي وهدَّته الصعاب
دمعي هدر، ضحكي ندر، عمري وضيعت أكثره

شيَّب بعقول العرب..هيبت روس ٍ ماتهاب
جمهرت ناس ٍعمرهم مايعرفون الجمهره

ماصرت ذيب إلا لأن اللي حواليني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ .. الطلقه اللي ماتصيبه تذعره

ودك إليامن جاتك الغلطه من الناس القراب
الصاحب اللي ماكسبت محبته ماتخسره

رااااااااااااااااااااااااااااااااائع

الله الله الله ولا أروع صح لسان الشاعر

شكرا لك

يالله والله خطيرررررر الموضووع

اخ بس اخ والله احس بطعنه

الله يصبرناااااا

والله شكل شبيه الريح يضيق الصدر <<<<حسبي الله على من تسبب


الكلمات رائعه ومعبره جدا

رائع وسيبقى الهلال بطلاً شاء من شاء وأبى من أبى وإن شاء الله سنحتفل بنهاية الموسم بوصولنا للبطولة رقم خمسين على أقل تقدير لنثبت لهم أن الزعيم بطلاً بلاعبيه وإدارته وجماهيره وليس بدهاليز المكاتب وما أدراك ما دهاليز المكاتب

الله عليك يا حمد ماتكتب إلا المواضيع المفيدة والرائعة ... كلنا مع أبو فيصل ..

حسبي الله عليك يا سرطان الرياضة تشوفها إن شاء الله بصحتك

يعطيك العااافيه اخوي بصراحه


روووعه ماقصرت

آآآآآآآآه والله انك جبتها على الجرح....... ابياته

((أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

شيَّب بعقول العرب..هيبت روس ٍ ماتهاب
جمهرت ناس ٍعمرهم مايعرفون الجمهره

اللي يخاف من الظما يترك لنا طرد السراب
واللي ماهو بقد الظلام ووحشته لا يسهره




لو اني ماني عارفها انها قديمه كان قلت انه يحاكي حالنا الله يعيننا ويصبرنا وان شاء الله ما على الزعيم خوف بوجود شبيه الريح بعد توفيق الله

لا فوض فوك اخوي

لاهنت وكلام في الصميم

شيَّب بعقول العرب..هيبت روس ٍ ماتهاب
جمهرت ناس ٍعمرهم مايعرفون الجمهره