بخصوص اعتزال المفرج ,,,عجبي من بعض الاعضاء ,,,
 

احبائي زعماء نصف الارض ,,, بعد التحية :

انا كتبت موضوع بشأن اعتزال اللاعب فهد المفرج , وبصراحة ما توقعت ردود الأفعال توصل للدرجة هذي من السخف والانحطاط , فبعض الاعضاء يظن أن اللي يخالفه بوجهة النظر يعتبر مندس أو غيره من الاوصاف اللي وصفوني اياها .

انا ما كتبت شي غلط , بالعكس أنا كتبت شي اعتبره وجهة نظر محترمة , واللي يقولي انه مو وقتها انا اخالفه الرأي .

لأن اذا ما اعتزل في هالوقت بالذات وهو جايب بطوله , صدقوني ماراح يذكرونه الجماهير بالخير , وانتم تعرفون بعض جماهير الهلال عاطفيه , يعني إذا جاب الواحد قول حطوه بالسماء , وإذا ما وفقه ربي هذيك المبارة غسلوه غسل .

أنا ما أبخس المفرج حقه , بالعكس انا ابوسه على راسه جعله يسلم راسه , وأقوله مبروك وألف ألف ألف شكر على أحلى الاهداف اللي سجلها لنا أمس .

والله انك نجم باخلاصك ووفائك للفريق , ولكن انا بصراحه ما أحب أجامل على حساب فريقي .

فهد المفرج أنت الآن في آخر مراحلك الكروية , يعني كلها سنه والا سنتين بالكثير وتعتزل , والسنه والا السنتين هذي ما اتوقع انك بتشارك مع الفريق كأساسي بوجود ماجد المرشدي واسامه هوساوي , إلا في حالتين يا الايقاف والا الاصابة .

لكن من الجميل أن تعتزل وانت جايب لفريقك بطوله عشان يذكرونك الناس بالخير .
ما قصرت يا فهد وبيض الله وجهك , واتمنى لك التوفيق في القادم من الايام .
وعقبال الدوري والاسيويه وكاس خادم الحرمين الشريفين .

ودمتم بود .

نحتاج للبديل الجاهز في هالمرحله .. ولو اعتزل المفرج بعدين ما راح ينسون
الجماهير وش سوى أمس ..!!

اختلف معك ..

الله يجزاك خير

الف مبروووك البطولة

وهذا قرار شخصي من الاعب

ماراح يا خذ فيه راي احد

وانا حالف والله يشهد اني لو قابلت المفرج باي مكان بحب راسه

حبيب قلبي والله إن الموضوع ماهو بوقته
طيب على الأقل أذكر لي من هو الإحتياط الجاهز لخط دفاع الهلال ؟؟؟؟

لازال اللاعب يملك الكثير وبدري عليه يعتزل
وفهد ما قصر أمس والجماهير ماقصرت مع فهد عطته دافع معنوي من أول لمسه في المباراة

أتوقع إنه يستطيع اللعب لأربع سنوات قادمه أو تزيد

تسلم اخوي
احنا عندنا في الفريق حسن خيرات , ورادوي , والهلال ما يوقف على لاعب واحد مهما كان .

افضل توقيت لأعتزال المفرج
وياليته يعتزل ويريحنا

واذا هو جاب بطوله
فهو سبب ضياع اكثر من بطوله

وهدف البارح حسنته الوحيده طوال مشواره الرياضي مع الهلال

طيب خلك مكان فهد شووي.....


عمرك 34 وجاب هدف بتعتزل...وراتبك فوق ال10....وانت على كلامك باقي له سنتين...؟!!!!


طبعا لاا

السنتين هذي مع راتبه... وممع المكافات...يمكن يطلع خلال السنه الوحده 250 الف....انا ماحسده طبعا...

لكن بلغة العقل اتكلم...

حنا هنا شعب عربي ..اللاعب اذا ماصار مطنوووخ يبي يفلوووس باي طريقه......وحتى لو وصل لل40..!!

بس ابيك تجاول...انت بتعتزل ..وحالتك الماديه عاديه...وراتبك فوق ال10..والا بتستمر..؟!!

بالنسبة لخيرات فهو الآن مصاب وبالنسبة لرادوي اساسا هو محور إرتكاز وحرام نقتل موهبته بقلب الدفاع لأنه عنده نزعه هجوميه اكثر من رائعه!!!

وأنا أوافقك الرأي إن الهلال ما يوقف على لاعب ولكن الحين إحنا عندنا إستحقاقات ولاهو وقت تسجيل لعيبه جدد عشان نقدر نغطي الفجوه الي راح تحصل مكان فهد المفرج.


أرجو أن أكون أفدتك

اسمح لي اخوي

هل من لايحقق بطوله لايخدم الفريق؟

معى كلامك هذا لاعبي الشباب الي امس لعبوا ضد الهلال وخسروا البطوله انتهى دورهم وحان وقت رحيلهم؟

ياخي الكريم
فهد المفرج لاعب مخلص ومجتهد ويعطي فوق طاقته
وخصوصاً هالوقت الهلال بحاجته لانضمام المرشدي وهوساوي للمنتخب
ولاتنسى بطولة اسيا على الابواب ونحتاج فيها الى جهود جميع اللاعبين خصوصاً اصحاب الخبره.

مشاري ابغى اعرف اذا اعتزل وش تستفيد انت انت بعد المباراه مباشره نزلت موضوعك هاذاك يعني
مو بوقته اولا وثانيا قرار اعتزاله قرار لا يملكه الا فهد نفسه واذا انت تبغاه يعتزل فيه مئات الالوف من الجمهور
يريد فهد فلا تنزل موضوع ثالث تقنعنا باعتزال فهد

صراحة كنت متوقعها منه ويعلن الإعتزال


لأنه امس بصراحة هو الأبرز بتسجيله الهدف


لكن اذا كان الهلال محتاجه فبقائه افضل مثلما منع الدعيع

ليتهم رقدوا بس
هذا المثل ينطبق عليك بالضبط
ياخي الرجال فرحان بالهدف وانت تقول خلوه يعتزل عشان نذكره!!!!!!
طيب ورا ماتعتزل المنتدى وتنظف المنتدى من أفكارك التاريخيه
ماأدري ليش معذب عمرك مع فهد
والا الدعوى حــســــد
الله يعينك