بسم الله الرحمن الرحيم

أولاً : ألف مبروووووووووك لكل الزعماء البطوله وعقبال ما نكمل عقد الـ 50 <<< ويستجن غيرنا

موضوعي راح يكون عن الرابطه و إلي حصل ليلة النهائي ( و حرق الأعصاب ) ..

حضرت مع أكثر من رابطه هلاليه في أكثر من ملعب بس زي أمس ما شفت

طبعاً ما راح أبخس حقها كرابطه .. راح أذكر إيجابياتها و سلبيتها

بالنسبة للإيجابيات

1. حضور عدد من أعضائها مبكر للملعب و ما قصرو حجزو مكان للرابطة . (برافو رابطه)
2. توزيع الفنايل البلاستيكية جاء متأخر وهذا أحلى شي لأن لو تم توزيعه مبكر كان شفناها كلها لتنظيف الكراسي و للجلوس عليها ( برافو رابطه )
3. في عملية الحجز كان التعامل مع الجمهور حضاري من قبل العضو المتواجد وكان يكلم الجمهور بأسلوب لبق و هذا العضو بصراحه من زمان كنت أشوفه من على أيام ( حقوي ) ومره عاجبني أسلوبه
4. الرابطه بصراحه كان تعاملها روعه مع إلي جايين ودهم يعاونون الرابطه وخاصتاً لما يغلط المتعاون ( يرتبون له الموضوع على طول )
5. بعد الهدف و حتى نهاية التتويج كانت الرابطه مش طبيعيه ( روعه روعه روعه )





سلبياتها .. ( بدون زعل :no: )

1. لا يوجد قائد للرابطه ( فـ غندر ) الله يهديه ماهو قيادي و بالعكس الجمهور هو إلي يجلس الرابطه ويقومها أو بمعنى آخر يعرف الجمهور متى يتفاعل و متى ما يتفاعل .
2. في أكثر من لقاء جماهيري حضرت مع ( روابط الهلال ) كانو دايم قبل ما تبدأ أي مباراه جماهيريه تحتاج لتكاتف جماهيري كبير يبدأون المباراه بكلمه ترحيبيه و كلمه يعلمون الجمهور كيف راح يكون طريقة التشجيع في هالمباراه ووش المطلوب منهم
3. سالفة إجلس خل أطالع .. ( زين إني مسكت أعصابي) يا جماعه أقسم بربي ما عمري شفت رابطه جالسه إلا رابطتنا و بعدين المفروض من ضمن الكلمه الترحيبه .. بالجمهور يكون فيها كلام مخصوص للي جاي عند الرابطه ويبي يجلس يطالع المباراه ياخي عند الرابطه ممنوع الجلوس ملعب مافي أكبر منه ما بغيت تجلس إلا عند الرابطه ( ليييييه ؟ ) .. ياخي حقوي كان يشدد على هالمجموعه إلي كانت تبي تجلس .. و الله إني جاي من الشرقيه وناويها تشجيع حتى التعب لكن إلي وراي ما يخلونا ( كل شوي / إجلس خل نشوف ) آخر المباراه خربتها وقلت (ياخي وش جابك عند الرابطه )
4. بالونات التصفيق أولاً أبي يعذرني إلي تكفل بهم ( لأني دعيت عليه ) خخخخخ لاعاد تجي هذي الملعب ما منها إلا الإزعاج و تشتيت الرابطه و نرفزة الموجودين
5. معليش يا غندر جيتو مبكر بس بديتو متأخر و كمان بين الشوطين ( آخر واحد من الجمهور دخل إنت ) خخخخخخ
6. أهازيج طويله و ممله و ما في أمل يتفاعل معها الجمهور
7. السماعاااااااااااااااات ( يا الله ) قضيه قضيه قضيه .. أنا ما أدري من إلي قايل للي يمسكون السماعات إنهم يوجهون يا للطيور يبون يسمعونه ( فوق ) .. أو للملعب ( يا أخي الجمهور ورى يبي يسمع و يصفق لكن ما يقدر )
لأن السماعات كيف توجهه عند رابطتنا الكريمه وحده على إذن غندر مدري ليه وكم وحده للسماء للطيور إلي فوق في الملعب و كم وحده على الملعب إلا إسمع يا الدعيع إني أغني فيك وين قاعدين .. يا جماعه السماعات المفروض توجه للجماهير و خاصتاً الجماهير إلي فوق الرابطه مو للملعب

الرابطه المفروض تسمع الأغنيه للجماهير
و الجماهير تسمع الأغنية للاعب

معليييييييييش أعرف إني قسيت عليكم لكن حبي للكيان الهلالي و جمهوره العريض خلاني أكتب الكلام إلي فوق


لأني متيقن إن لو كل واحد من الجمهور الهلالي جلس يسولف مع إلي جنبه ( كان غطينا على صوت جماهير الشباب :naughty: )


فما بالك لو ( إشتغلت الرابطه صح )