السلام عليكم ورحمه الله وبركاتة


والله يا شباب من كثر مني فرحان ان الهلال فاز بالكأس يا اني زعلان ان كوزمين انطرد من السعودية


والله اتمنى متى يجي اليوم اللي نشوف فيه اخبار الساعه 9 في القناة الاولى او القناة الاخبارية يوم الاثنين ومجلس الوزراء يعلن ...

عن اعفاء الامير سلطان بن فهد من منصبه وتعيين اي شخص فاهم في الرياضة وشوؤن الرياضة

يا سلطان ما تكفي مهزله 2002 والثمانية صفر من المانيا بقيادة المدرب الفاشل ناصر الجوهر

يا سلطان ما تكفي تعيين المدرب الفاشل ناصر الجوهر بعد هالمهزله للمنتخب السعودي في كاس العالم 2002 وما بعدها من مهازل واخرها بطولة الخليج وتصفيات كاس العالم 2010 وما اظن اننا بنتاهل لمونديال جنوب افريقيا 2010

واللي قاهزني اكثر كلمه دايم يرددها (مافي شك) (خطط علميه مدروسه) (وانا واثق جميع الثقه) ....

(( والا المهزله اللي سواها في الرياضية السعودية بعد فوز عمان على السعودية ... ))

الى متى بتجلس على هالكرسي؟؟؟؟؟

اكثر من 15 سنه وانت في الاتحاد السعودي لكرة القدم

دوري ملخبط!!! مواعيد مو محدده !!!!


بطولات غير معروف انظمتها !!!!

الكيل بميكيالين لكل الانديه ولا يوجد عدل فيما بينهما

منتخب فاشل !!! كل سنه يجي للمنتخب ثلاث مدربين !!!!




كوزمين اللي تحدى رومانيا كلها علشان ما يدرب منتخب بلادهم وجاب افضل لاعب في روماينا

وهو السبب الرئيسي في ان الدوري السعودي ينقل في اوربا ويشتهر وتشتهر معها انديه الهلال والسعودية
صدقوني هالشهره اللي اشتهر فيها الهلال والدوري السعودي تتمناها دول كثيرة ودورينا انشهر في رومانيا وفي اوربا من خلال رادوي وكوزمين ...

ما اقول الله يستر على الفريق في الايام الجايه وخاصه الدوري والاسيويه


ما اقول الا حسبي الله ونعم الوكيل


متى يجي اليوم اللي نشوف الاتحاد السعودي لكرة القدم رئيس جديد وبفكر جديد