إبن همام يرشح نفسة لرئاسة الإتحاد العربي ( وعندك واحد خالف تعرف وصلحوووه ) >> الله يوفقة أبو جاسم - نادي الهلال السعودي - شبكة الزعيم

ابو طـــــلال · #1 18/02/2009, 08:45 PM

الله يوفق الجميع ... وش فيكم زعلانين ..

الرجال يمارس حقة وهذي حرية في ترشيح نفسة !!

كما أن السعوديه مارست حقها في التصويت للمرشح الشيخ سلمان بن خليفة .. واعلنها الإتحاد السعودي والكويتي بشكل ( كيدي )

.. هذا محمد بن همام يرشح نفسه لمنصب ( رئاسة الإتحاد العربي ) واللى يرأسة صاحب السمو الملكي الأمير سلطان بن فهد .. وكان هالمنصب للأمير فيصل بن فهد ( رحمة الله ) وأستلم المنصب من بعده باالتزكية وبالإجماع وإحتراما لتاريخ المغفور له بإذن الله الأمير ( فيصل بن فهد ) ..

والآن بن همام يريدها حرباً كما اعلن في مقابلته .. بأنها لن تكون معركة إنتخابية .. بل ستكون أكبر من مجرد إنتخابات !

وهذي أول الردود .. وبشكل نظامي .. ومن نفس الكاس قاعد يسقي ربعنا !!

عرفتوا إنه ( ذكي ) !

ومانيب قايل ليته يصير رئيس للإتحاد العربي بعد .. على الأقل نشوف وش عنده خصوصاً ان عنده خطط مستقبلية لرفع مستوى الإتحاد العربي ورياضتها ..

انا أخاف اتمناله الخير .. يتقفل موضوعي >> يقالي ماتمنيت للحين

ومابين محمد بن همام ...والإتحادات التي صوتت ضده ( معركة خاصة ) قد يجيدها ابن همام أكثر من غيره ..

أخوكم الصغير ابو طلال .. إللى موضوعه هذا بيتقفل مدري ليش ؟؟

miassem · #2 18/02/2009, 11:30 PM

هذا مو منتدى السيارات ؟!؟!؟!؟!

الـمـشـاغـب · #3 19/02/2009, 07:04 AM

سيارة حلوووووووووووة تسلم يد من صنعها

إلا أقول .. من نقل هالموضوع هنا؟

الله يوفق ابن همام .. ويفوز بالانتخابات .. والله يا ناس هالآدمي يشتغل صح ..!

من متى وابن همام رئيس الاتحاد الآسيوي؟ مبطي صح؟ أجل تونا نكتشف انه ضد
الرياضة السعودية؟؟!!
لو أنه ضدها ما كان تأهلنا لكأس العالم 2002 و2006 ... لكن يوم بدا يضيع الأمل وهم
حطوا ابن همام في وجه المدفع ..!

ابن همام رجل عملي .. وأنا شبه موقن انه بيكسب في انتخابات رئاسة الاتحاد العربي اذا ترشح لأن كل الدول شافت وشلون طوّر ابن همام الاتحاد الآسيوي .. بينما اتحادنا العربي محلّك سر وما تطور إلا في حجم الجوائز المالية ..!

أتمنى أن ما يتقفل الموضوع أو ينقل للمحذوفات .. هي وجهة نظر من أبو طلال وما أساء فيها إلى أي شخص أبداً ..!

شكراً أبو طلال على صور السيارة الروووعة

سينمائي الزعيم · #4 19/02/2009, 10:23 AM

ابو طلااااال و الله من الفهاوة

وش جابك هنا ابن همام قصدك بيرأس اتحاد السيارات العرب << مايعرف يصرف

حرية شخصية انا برشح نفسي اصير وزير العمل << بيرح يزور سجن الملز طول عمره

و الله ودك يطسون بعض الناس ******* و ********* و *************** << اشخاص مشفرين امنيا و الله لو كتبتهم يقفلون الموقع

الدنيا بلوووو · #5 20/02/2009, 02:25 AM

مرحبتين ابو طلووو
شكل موضوعك هذا ما فيه تامين والفحص الدوري حقه منتهي ولذلك
راح يتقفل

ايش الحركات ذي

احس طرح الموضوع هنا فيها سبب يعني لك الكثير

اما موضوع ابن همام لو قصة جائزة الطفل الصغير اللي راحت له كان
ممكن اقولك انه صاحب سياسية وفكر كبير في ادارة الاتحاد الاسيوي
ولكن اثبت فشله
وعشقه الكبيرفي كسب ود الشركات الموجوده في شرق اسيا

f*y*d · #6 20/02/2009, 10:05 AM

الراجل دا بيتكلم صح

مشكلتك يا أبو طلال ما تعرف تخلي كلامك (مرمز)

وابن همام مالك الا تعطيه على جوه .. وصدقني لو الامير سلطان بن فهد ناوي يكمل ما رح يخلي ابن همام

الغدير الازرق · #7 20/02/2009, 11:06 AM

ياشييين الحماس وياشييين العجلة

مااستبعد بكرة اخش منتدى الثقافة الأسلامية والقالك موضوع
عن ( تحليل مباراتنا مع الوحدة .. منتب عاقل يالشتالي

)

انا اتفق مع حبيبي فياض

سلطان بن فهد لو بغى رئاسة الأتحاد
الأسيوي بكبره صدقني بياخذه .. الله لايقوله طبعاً حنا يالله متحملينه
بالمحلي عااد بالقاري عزالله كملت

وقلوبنا مع بن هماااااام

فالك القفل أبو طلال

ابو طـــــلال · #8 21/02/2009, 10:37 AM

ياخي انا مستغرب من شي ...؟!!

حطيت هالموضوع في قسم الجمهور الهلالي .. كموضوع يهم جماهير الهلال كافه ! لقيته مقفل بعد طرح الموضوع بثواني

؟!!! والسبب كان ليس لجمهور الهلال شأن في هالموضوع !!

والحين في قسم السياراة وللحين ماتقفل .. وله أيام

أجل مواضيع راشد اللى لها أهمية للجمهور الهلالي ؟؟ راشد راح .. راشد جاء .. راشد شاف الكاس .. راشد كح .. راشد عطس

صدق لاقالوا .. الله يرحم ( مزنة )

تحية للعقول ( النّيرة )

وحطيته في قسم السيارات لأني إنصدمت من تقفيل موضوعي .. صدمة !! يعني اكيد مصدوم.. مصدوم .. يعني سيارة !

هذا إعتراض بس بشكل متطور

شكرا لكم ...

وأعتذر للمشرفين في هالقسم هذا التهور والحضور الماصخ مني شخصياً ومن اعضاء المجلس العام بردودهم في هالموضوع ..

أخوكم الصغير أبو طلال >>> المصدوم

abo 3losh · #9 21/02/2009, 09:42 PM

إقتباس

الرسالة الأصلية كتبت بواسطة ابو طـــــلال


	ياخي انا مستغرب من شي ...؟!! حطيت هالموضوع في قسم الجمهور الهلالي .. كموضوع يهم جماهير الهلال كافه ! لقيته مقفل بعد طرح الموضوع بثواني ؟!!! والسبب كان ليس لجمهور الهلال شأن في هالموضوع !! والحين في قسم السياراة وللحين ماتقفل .. وله أيام أجل مواضيع راشد اللى لها أهمية للجمهور الهلالي ؟؟ راشد راح .. راشد جاء .. راشد شاف الكاس .. راشد كح .. راشد عطس صدق لاقالوا .. الله يرحم ( مزنة ) تحية للعقول ( النّيرة ) وحطيته في قسم السيارات لأني إنصدمت من تقفيل موضوعي .. صدمة !! يعني اكيد مصدوم.. مصدوم .. يعني سيارة ! هذا إعتراض بس بشكل متطور شكرا لكم ... وأعتذر للمشرفين في هالقسم هذا التهور والحضور الماصخ مني شخصياً ومن اعضاء المجلس العام بردودهم في هالموضوع .. أخوكم الصغير أبو طلال >>> المصدوم

خخخخخخخخخخخخخخخخخخخخ
الله يرجك

زعيم يعشق الزعيم · #10 26/02/2009, 07:06 PM

على العـــــــــــموم حصل خيـــــر
ومشــــــــكورعلى الموضوع

الهلالي 11 · #11 26/02/2009, 07:59 PM

خخخخخخخخخخخخخخ ابو طلال الله يقلع بليسك والله اني اقرأ واناظر وش اسم القسم لين جاني انفصام شخصيه وشد عضلي بالنخاع

اهنيك على طريقة الاعتراض والله

واهم شي السيارة عجبت المشاغب

برايفت المشاغب : تراني احد المعجبين بردودك وخفة دمك بس لان متابعتي للمجلس من بعيد لبعيد يعني اعجابي بروحك الحلوة من بعيد لبعيد وفوق هالشي ما اعرفك اصلا وبس

اطول برايفت

alzaeem_v.i.p · #12 26/02/2009, 11:27 PM

بصراحة ماادري وين المشرفين ..

موضوع موب بــ مكانه وله اسبوع ..!!

ولا احد قفله ..

[[ المراقبين نايمين بالعسل ]]

CRAZY madrid CR7 · #13 02/03/2009, 02:03 AM

ههههههههههههههه

وربي سبحان مغير الاحوال

ههههههههه

وانا مع ابن همام على الاقل في عدل مو عيون صفراء