بطوله الزعيم pes2009 .. اون لاين // دعوه للمشاركه . - نادي الهلال السعودي - شبكة الزعيم

الحلم الكبير · #1 28/02/2009, 06:23 AM

السلام عليكم

كيف الحال نك نك ويوزر يوزر < في فرق

فكرت .. وتعرفوني لو فكرت دايم تكون افكاري خطيره

وانا جالس اطالع لشريط البيس2009 واقول يااااااو ياليابانين وش ذكيهم

صرت تقدر تلعب مع واحد بامريكا والا الصومال والا مدغشقر وهلما جرئ

طبعا الحين صار الواحد يلعب ويكمخ ناس وهو متبطح ببيت اهله وخويه بالبيت الثاني

مو مثل بطولات اول الله يذكرهن بالخير

( بطوله محاكاه ) اشتر وادفع وواحد يحط خطط لنا

المهم يارقاله < حس انه كثر كلام على قله سنع

وش رايكم نسوي بطوله باسم موقع الزعيم

ونجتمع بروم نحدده ويكون فاضي واللي يبي يلعب بيس2009 ونسوي به بطوله اون لاين ..؟

لانه صراحه في مواقع اقل مننا . ومسوين بطولات اون لاين وشغل عدل

شروط البطوله لكي تنجح وهذه بعض المقترحات وان شاء الله انتم تجيبون افكار تزيد نجاح البطوله /

1- البطوله تكون 16 فريق ( نظام مجموعات ) ويكون له مووضوع مثبت هنا به النتايج

2- البطوله انديه + منتخبات

3- يتم تقسيم المشاركين الى مناطق < قولوا شلون

يعني المشاركين من المنطقه الغربيه + الجنوبيه = مجموعه خاصه بهم في الادوار التمهيديه

والشمال + الوسطى = مجموعه خاصه بهم بالادوار التمهيديه

المناطق حطيته تشبيه .. ولكم حريه الاختيار

والهدف من النقطه هذه ( نضمن اقل لاق ممكن يصير ويكون اللعب احلى ما يكون )

هذه الافكار المبدئيه لمشروع بطولات الزعيم

وان شاء الله لو صارت وكان في موافقه وحماس منكم نضبط كل الامور الصغيره والكبيره للاقامه اي بطوله قادمه

اللي موافق على اقامه بطوله اون لاين لpes2009 يرفع يده وخشمه