تعميم 103 / ق , بخصوص لقاء التواصل .. مهم للجميع ! - نادي الهلال السعودي - شبكة الزعيم

أبوحمد _ Mi · #1 21/02/2009, 06:50 PM

السلام عليكم ورحمة الله ..

كيف الجو بعد الاختبارات

شكلها لعبت بعقولكم الين داخت

لذلك , ونظرا لأن العطلة بدت

ولأني جيت للرياض

فـ أبنحكم فرصة إنكم تجلسون معي وتاخذون من هديي وسمتي و وقاري << وش عنده العلامة الجهبذ

الزبدة إنه فيه طلعة لأحد استراحات الرياض , وهالقرار ما جاء إلا بعد اجتماع مطول برئاستي

و اسير الزعيم عضواً << العضو المخالف دائما

وهلالي الجنوب عضوا << العضو اللي مسوي لي كاش وهو ماعنده الا الدجة

, وكانت نتائج الاجتماع كالتالي :

1- تقرر أن تكون هناك رحلة لجميع أعضاء المنتدى . << طبعا ابوعابد اعترض على وجود المنشستراوية

بس غصبناه والود ودي انكم تجون كلكم نكاية به

..

2- بعد شد وجذب .. تقرر إنها تكون في استراحة في الفحص الدوري

, لأن اسير يقول ليه المصاريف خل نطلع فمخيم في الثمامة

وابوعامد سوالي فيها يبي يطلعنا بقاعة في الشيراتون

..

3- يوم الطلعة بإذن الله يوم الخميس القادم 1/3/1430 .

4- ابوغامد عطانا شيك مفتوح للاستراحة وقال زينو اللي تبون

بس ابوعابد بلحظة شهامة قال والله ماتدفع شي

لذلك راح تكون بظهوركم

اللي بيجي بدري يدفع 35 واللي بيتاخر يدفع 70

..

5- ابوغامد راح يشتري بشت بيرسم فيه

وقلنا له اذا شريت احرقناه عند باب الاستراحه

لذلك الوضع فلااوي وكل واحد يجي بتكميله , ولحد يجي بشماغ فيه نشا ولا نص ساعه يرسم

..

6- وقت الطلعة راح تكون من بعد المغرب الين الفجر

يعني لحد يقول عندي عزيمة

اذا قضت تعال

..

7- يفضل ان كل رابطة يجتمعون بالمسن ويسوون خطة وتشكيلة علشان دوري الروابط على أرض الملعب .. وأي رابطة ماتكمل عدد يروحون بصكونها بلوت ولا يجيبون طيران ويشجعون

..

8- على طاري البلوت ترا فيه فريق مكون مني انا و(تورام المشرف) واللي براسه هياط يجي

..

9- بالنسبة للتلفزيون , الرسيفر حقي ماينقل الا مباريات ميلان

, لذلك راح نشوفها هناك ..

10- اللي بيجي يرسل لي بالخاص علشان ارسل له الوصف , والحركة هذي علشان الحصر

..

11- اللي برا الرياض

حاولو تجون بالله

ودنا بشوفتكم كلكم

12- ترفع نتائج الاجتماع لرئيس قسم الرياضة العربية والعالمية (هلالي موت

) للموافقة والتعميد .

والله يحفظكم وبرعاكم ..

Arsenal · #2 21/02/2009, 06:56 PM

سجل أول واااااااااحد يا عبد الملك ,, قدااااااام يا بعدي

الهلالي 11 · #3 21/02/2009, 06:57 PM

خخخخخخخخخخخخخخخ اوللللللللللللللي

اقول يا اللي فوقي انقلع وش جابك

ابو حمد منت عاقل يبو الاجتماعات مدى امداكم تجتمعون تونا امس شايفينكم

المهم ان شاء الله نتشرف بشوفة الشباب بس عاد نبي ملعب كويس يصلح اجيب فيه هاتريك او سوبر هاتريك حسب الظروف

احلى شي بالموضوع بصراحه موافقة هلالي موت

بس عساه يجي

BENZEMA10 · #4 21/02/2009, 07:03 PM

سجل معك ثالث واحد يا عبدالملك

..

يعطيكم العافية جميعا

Arsenal · #5 21/02/2009, 07:10 PM

إقتباس

الرسالة الأصلية كتبت بواسطة الهلالي 11


	اقول يا اللي فوقي انقلع وش جابك

سلامات يالحبيب

خيال$الزعيم · #6 21/02/2009, 07:39 PM

السلآم عليكم

استراحات وحركات

بسأل كرستيانو اذا كان بيجي جيت واذا ما جاء مانيب جاي

اهم شي لاتنسون الدبابات

ان شاء الله نكون بالموعد

الهلالي 11 · #7 21/02/2009, 08:00 PM

إقتباس

الرسالة الأصلية كتبت بواسطة THEO WALCOTT


	سلامات يالحبيب

اول شي تراني استهبل بس نسيت احط هالفيس

ثاني شي لاني كتبت رد اول واحد ونزلته لقيتك منزل قبلي عشان كذا قلت هالكلام

بكل الاحوال انا اسف وغلطي اني قلت هالكلمة وانا ما اعرفك

سوري على الازعاج

ابو حمد يا الدب

توني اكتشفت شي ترى التاريخ غلط وييييين يبو رجعتنا لعصر الجاهلية

المهم انا ماني جاي ولا رح العب الا اذا انا اللي اخترت الحكم

E L N E N O · #8 21/02/2009, 08:14 PM

الدحمـــــي ريح هااااه

تراي أول فاول وأول بلنتي..لحد يبلشن..

وثاني شئ بتشوفون فريق ليفربول...ابدااع<<تراي مدرب(سامي لي)دليل الدجه..

يعطيك العافيـــه عبد الملك... .

نعناع · #9 21/02/2009, 08:18 PM

حركات والله
سجلو عندكم اثنين من رابطة الارسنال انا وثيو جايين ان شاء الله

hmooode_4 · #10 21/02/2009, 08:22 PM

اذا بتلعب رابطتنا في دوريكم جيت

ههههههه

بس ياليت الملعب يكون فيه مطبات وكذا علشان يصير اللعب توب

L E A D E R _ 9 · #11 21/02/2009, 08:36 PM

والله ودي أشوف طلاتكم جميع

لكن ظروف العمل والمسافة هي الحاجز بيني وبينكم .

موفقين إن شاء الله ورحلة سعيده

فيلسوف · #12 21/02/2009, 08:38 PM

ابو حمد ياكثرك ...

الدحمي ... لاعمرك تذب وجهك على واحد ما تعرفه ههههههههه

انا اعتذر عن الجيّه خبركم مشغول 24ساعة

بالتوفيق

S U L A I M A N · #13 21/02/2009, 09:04 PM

^^

ياهلا والله وغلا .. منوره الدنيا

سلخير جميعا .. ص لأبو حمد .. ص لأحمد .. ص للأرشيف

أجل تبينا نجتمع قبل 21 يوم الله يهديك ياملوكي

ياخي ماتبي تجمع الناس لاتكزهم لتاريخ قديم الله يهديك بس

..

ان الله قاله سيرت عليكم بحيل الله .. ان ماسافرت طبعا .. علشان ماتقولون يتهرب

عساكم على القوه

واحشيننا يا أبضايات

بعدين تعال .. يعني الواحد ترك الإشراف خلاص ماترد عليه ياقليل الخاتمه

Madridi · #14 21/02/2009, 09:10 PM

إقتباس


	11- اللي برا الرياض حاولو تجون بالله ودنا بشوفتكم كلكم

اااااااااااااااه

ياليت عبدالملك بس والله مشغول وما اقدر اجي

معوضة ان شاء الله

Gawahr · #15 21/02/2009, 09:52 PM

مشكوووووووور اخوي

ويعطيك العافيه