نحن جماهير الهلال المغتربه بالخارج قلوبنا تفرفر ...كان جيتك ياهلالنا وأنت بأقصى الملاعب أجيك وأن تعبت كملت المسيرة زحف..!! - نادي الهلال السعودي - شبكة الزعيم

ملاك هلالي · #1 23/02/2009, 07:36 AM

أي والله...ياهلال...يازعيم....ياملك آسيا...

لأجيك ياهلالنا وأنت بأقصى الملاعب أجيك ما أوقف...وأن تعبت كملت المسيرة زحف...!!

حالت بيني وبينك الغربة....

حسوا فينا...وحنا نتابع الهلال من النت عن طريق الروابط

قلوبنا تفرفر...على روحة الملعب...

...

الملعب وربي غير..!!

ياناس يابشر غير..!!

لا اهتز الملعب..بكلمة ياهلال...!! احساس غريب بس رائع..

الصوت واحد..ينادي ياهلال...!! ناس من مختلف الطبقات بس قلب واحد..

الابداع...الفن...المتعة...بلونك ياهلال...!! عرفتها وتعلمتها وشفتها منك ياهلال

أحد يترك عشق قلبه ومايروح...!!

فريق رئيسه ذهبي...أعطى وماقصر...وكفى وفى...وبين كل فترة وفترة ..يبسطنا بالجديد...

يطلبنا ومانروح....!!والله عيب!!

فريق لاعبينه من طراز النجوم الكبار..فن..ذوق..أخلاق..مهارة..طرب...امتاع
يطلبونا ومانروح...!!والله عيب!!

فريق يهدينا ويفرحنا كل سنة على الأقل بطولة..وأن فازوا اعتبرونا بطولتهم...
تبونا نخذلهم ومانروح..!!والله عيب!!

مثل مافرحونا...خلونا نفرحهم...طلبونا...نلبيهم...

ياجمهور الرياض ..أنتم الرقم الصعب..

خلونا نرجع مباراة الترجي والهلال...البطولة العربية..

خلونا نرجع مباراة الشباب والهلال...كأس خادم الحرمين الشريفين..

خلونا نرجع مباراة الهلال وجابيلو الياباني...كأس آسيا..

اعتزال النعيمة...اعتزال الثنيان...اعتزال الجابر

رجعوا الذكريات الحلوة...

أنا ما أكتب هالموضوع إلا لحبي لنادي الهلال....لأني في قمة القهر...

وربي مقهور سنة ما أحضر ولامباراة للهلال...والسبب هالغربة

تكفون ياجمهورنا لا تخذلونا...تكفون يالزعماء الملعب يناديكم...

الملعب مشتاق لكم...حضوركم...تشجيعكم...تشريفكم

مالكم عذر...والله مالكم عذر...

الوعد ...درة الملاعب... وإن شاء الله تكون كالعادة ليلة قمرية...يتلألأ فيها هلالنا

ومضة...
عشقناك ياهلال وأحنا صغار.. وكبرنا ويكبر العشق معانا...

الزعيم الهلالي 246 · #2 23/02/2009, 08:20 AM

ان شاء الله تشوووف الملعب غيــــــــــــــر

ملاك هلالي · #3 23/02/2009, 08:44 AM

اي والله تكفون....سر الهلال فيكم ياجمهوره....

كناري الهلالي · #4 23/02/2009, 08:50 AM

صدقت قلوبنا تفرفر على قولتك

ماقصـرت ويعطيك العافيه على هيك موضوع

thedark__2003 · #5 23/02/2009, 08:55 AM

من حبي للهلال

ماخذ اللاب توب معي بالمحاضرهـ

اتابع المباريات الصبااااااااااح (فرق التوقيت) GMT-8 كندا

وإن شاء الله بكره يبيضها الزعيم

ياهلااااااااااااااااااااااااااااااااااال عزك عزنا
ياهلاااااااااااااااااااااااااااااااااااااال

الفريدينهو · #6 23/02/2009, 09:08 AM

الله يوفقك ياملاك هلالي
اتمنى من الله العلي العظيم إنه يساعدك ويسعدك في غربتك وترجع لنا بلي تبيه
والله انا اتوقع ان الملعب الليله بيكون فلللللللللل
وإن الهلال يفرحنا ويفرحك
الف مليون شكر

walid0220 · #7 23/02/2009, 09:12 AM

اه ه ه ه ه ه جبتها على الوترررر ... والله اني افرك على الروحه لاكن الغربيه وماتسوي

Super Al-Hilal · #8 23/02/2009, 09:38 AM

الله يعين ويسهل.. أنا أتابع مباريات الهلال بنصف الليل بفارق GMT +9

لو أقدر أحضر ما فوت مباراة وحده لكن البركة بجماهير الرياض ان شاءالله الليلة

اسيرالليل هلالي 20 · #9 23/02/2009, 10:14 AM

انا اتابع المباراه من الاردن فرق التوقيت GMT+2

باذن واحد احد الفوز هلالي

والله الله بالحضووووووووووووووووووووووووووووووووور

.FAISAL 20 · #10 23/02/2009, 10:16 AM

بالتوفيق للزعيم ................

وشكرا

mac lover · #11 23/02/2009, 10:18 AM

اه والله ماتحس بالنعمة غير لما تنحرم منها ، وربي ودي ارجع ومااخلي مباراه الا واتابعها مين يحس بغربتي جالس ورا النت واترجى الي فوق والي تحت لاتسولف يااخي يقطع لما تسولف
بالشات ..... عموما تكفون ياعشاق الزعيم بردو قلبي ابي اشوف الملعب ازرق وابيض ابيه يهتز من هتافاتكم وربي ينصرنا ويوفقنا تحياتي لكم.

القـنـاص · #12 23/02/2009, 10:30 AM

ان شاءالله بكرة متابعها من المعهد الصباح الساعة 9:30 يارب ياحي ياقيوم وفق الهلال

والله عجزت انا ضايق صدري ودي اني برياض احضر المباراة حسو ياجمهور تكفوووووووون الملعب بكررررة نبيه فللللل بيضو وجيهنا

ياويل قلبي · #13 23/02/2009, 10:39 AM

كلآمك ولا أروع وللـه ,, زآد فيني حب آلهلآل

بل فـآض و طغى ؛؛

حطّو قسم نسـآء أو عوآئل و مآ أقصر ؛

saad_20 · #14 23/02/2009, 10:40 AM

بـأذن الله ما نخيب ظنكم وبتشووفون كيف الملعب ممتلي

قلم كاتب · #15 23/02/2009, 10:48 AM

يعطيك العافية على الموضوع الرائع والمحمس ..

وأضم صوتي اليك لاني مغترب ..

بس انا متأكد ان جماهير الرياض اليوم غير ..

ياعمري يالهلال يابعد المسافات بيني وبينك ..

بالتوفيق للزعيم ..

والفوز ان شاء الله ..

**************************************************

اخواني الأعزاء الي عنده رابط مباشر للمباراة تكفون يحطة ..
وقلوبنا مع ياهلال اينما ذهبنا ..