نادي الهلال السعودي - شبكة الزعيم - الموقع الرسمي - سياحة من اللي يحبها قلبك ( مع الشاعرات) !! لاتفوتك ؟؟ ج2

سياحة من اللي يحبها قلبك ( مع الشاعرات ) ؟؟ لاتفوتك !!!!!! " ج2"
مساؤكم شعر ومشاعر .... أحبتي تعالوا معي ... نكمل رحلتنا

في عبق الماضي مع شاعرات خلدهن شعر الحكمة .. والغزل العفيف ..

والحماسه ..

شاعرات " الأمس " الجزء الثاني :

حوار بين شاعرة .... والدله !!!!!!!

شاعرتنا ... ( وضحى الدخيل العواد ) رأت في يوم من الأيام أن الدله مركات على النار إلى جانب قدر الطعام فقالت على لسان الدله

الدله :

عقب ماهو مركبي قدم الرجالي

قمت انقّل من محل اليا محلي
صرت من حسبة قدورك عزتالي

ول ياعصر الفَلَس جعلك تولي

وضحى :

اصبري في صبرنا والعمر بالي

آه واويلاه ياعصور مضىً لي
ما جرى لك يادلالي قد جرالي

والليال اللي مضن لك قد جرىً لي

الدله :

يوم انا محشومةٍ قِدمِي مزالي

ونجر ماوٍ يدعي الغادي يدلي
ما حلا الفنجال بايمان العيالي

بين شيبانٍ وشبانٍ تسلي

وضحى :

ياعزيز الشان يا منشي الخيالي

ارحم اللي دمعته دلت تهلي

كيف هيضتي جروحي يا دلالي

اسمعي يادلتي والا فولي

الدله :

ما سمعنا لك وعندي لك نكالي

باشتكيكم والمحاكم لي تحلي

كيف يام حسين ما ترضينها لي

كيف اشوف الغبن واسكت واستهلي

وضحى :

الشرايع ما تقول الا العدالي

وكل ما قالت بشرعه جايزٍ لي

وان شكيتيني هجرناكم ليالي

من ابريق بالترامس نا نزلي

الدله :

الترامس ذوقها ما هوب حالي

واعسى كل الترامس فدوةٍ لي

إشري الرسلان لو هو كان غالي

واركي الدله وبالرسلان زلي

&&&&&&&&&&&&&&&&&&&&&&&&

الشاعره حصه العبدالعزيز سمعت أحدهم يقول لزوجها حمدان الناصر الحميدي الذي بنى بيتاً جديداً البيت جديد ويحتاج إلى زوجه جديده ؟؟؟

فقالت :

القصر شيّد وشاق فلان مبنىً له

قام يتكلم بهرجٍ فيه بهتاني

إن كان عندك بعد "يا هَن" كفوٍ له

تبي تبدّل عشيري صاحبٍ ثاني

يالله حسيبك وانا بادمح لك الزله

واحذر عن سبابتي خطلين الايماني

واحسب جوابك وعدّه حسبةٍ كله

واحذر ترى فيه زرنيخٍ وقطراني ؟

وش حشت ؟ باخذ النسا يوم انت مفتٍ له

لا ادركت طوله ولا حصّلت ريحاني

أزريت عن جمعهم برّكت بالحله

عدّلت منهم بدارك سرب ورعاني !

&&&&&&&&&&&&&&&&&&&&

الشاعرة ( قمرا الدعجانية العتيبية ) تتغزل في محبوبها رمزت له باسم " زيد "

يا قلب ياللي من هوى زيد مطروق

طرق الحديد مليّنٍ بالضويّا/

أمسيت قلبي في واصبحت مسروق

وثوّرت في قلبي عميلٍ وعيّا
يفدى عشيري كل برقا على روق

واللي بعيد الدار واللي هنيا
ويفداه من يركب على الخيل بعروق

مع خيل ابن هندي وخيل المحيا

ويفداه من يمشي على الارض من فوق

واللي يشوفون القمر والثريا

ويفداه حضرٍ لجّوا العصر بالسوق

وابن رشيد اللي على الحكم عيا

&&&&&&&&&&&&&&&&&&&&&&&&&

شاعره تناشد زوجها إصلاح أمره في كثرة الأسفار والغياب بحثاً عن الرزق :

إلى متى راحت حياتي وانا ارجيك

الله لايقطع رجاً بك رجيته

لو شفت دمع عيوني اللي تراعيك

هلت على المكتوب ساعة قريته

إن كان جا مستقبلك مثل ماضيك

أقول يا خلاف سعيٍ سعيته

وان كان تبغيني مثل ماني ابغيك

لزوم تاطا بالوعر ما وطيته

وان كان حال الياس دون الرجا فيك

أقول ذا ذنبٍ لنفسي جنيته

&&&&&&&&&&&&&&&&&&&&&

( غناها محمد عبده ) ولا أدري لمن نسبها ؟؟؟؟؟؟؟؟؟؟؟؟؟؟؟؟؟؟ أرجو أن لا يكون لاحد شعراء الغفله ؟؟؟؟؟؟؟؟؟؟؟؟؟؟؟؟

&&&&&&&&&&&&&&&&&&

الشاعره ( مزنه السليمان البهلال ) دعاها ابن ولدها لحفل زفافه وكانت كبيرة في السن لا تستطيع تلبية الدعوة كتبت له قائلة :

مرحبا عدة نواوير النباتي && أو عدد ما امطر مراويح العشيه

أو عدد من قام لفروض الصلاتي && أو عدد ما ذبح بايام الضحيه

هو ثمر قلبي وهو لذة حياتي && من حشى قلبي لمضنوني تحيه

يوم جاني خطهم هو الوصاتي && كنها حملات ملفيتن عليه

واعلى من كز له سيد البناتي && داورت عنده ولا هيب اجنبيه

( جدتك) يادحيم ما فيها حلاتي && زل عصري والعلوم اللي طريه

يوم ثقل السمع خلّني بناتي && صار قّدْري مثل قدر الجاهلية ؟؟؟؟

يا عنا قلبي ويا هضمة حياتي && يوم احاكيهم ولا ردوا عليه ؟؟؟؟؟؟؟

&&&&&&&&&&&&&

تمعنوا في هذه القصيدة جيداً واعتبروا وانتبهول لجداتكم وأمهاتكم وآبائكم المسنين ؟؟؟؟؟؟؟؟؟؟؟؟؟؟؟؟؟؟؟؟

انتهى ........ وسياحة ممتعة ان شاء الله ....

__________________
المملكة ،،،،،،،،،،،،،،،،،،،، تحبكم