| إقتباس | | | | | | | | |
فقط ضع في ذاكرتك مونديال 78،82،86 واحكم؟؟ | | | | | |
كان قلت 90 والا 94 والا حتى 98 هههههههههههه
شكلك ماتدري ان اكثر اعضاء المنتدى من مواليد 75 وفوق
يعني بمونديال 86 كان عمرهم مايزيد عن 11 سنه وبمونديال 82 عمرهم مايزيد عن 7 سنين .. وبمونديال 78 كان عمرهم مايزيد عن 3 سنين
وعن نفسي .. الحمدلله اذكر مونديال 86 بالمكسيك واذكر ابداع الأسطورة مارادونا
.. واذكر مونديال 90 بايطاليا والظلم التحكيمي اللي جير البطولة لألمانيا
.. واذكر مونديال 94 بامريكا وابداع صقرنا الخضر
.. واذكر مونديال 98 بفرنسا وابداع الاوربت
لكن تبي الصراحه ..
انا معك ان مافي لا متعة ولا اثارة زي ماصار بمونديال 98 ومونديال 94
والسبب الأول يرجع لسقوط الكبار مبكراً
يعني انحرمنا من فرنسا والأرجنتين بدري .. ولحقهم ايطاليا والبرتغال .
وانت تعرف كوكبة النجوم المحبوبين بهالمنتخبات .
والسبب الثاني التشفير ..
يعني عدم وجود المنافسة مع قنوات الضفدع كامل الله لايوفقه ..
ماغير هو بالساحه .. منفرد فينا ..
والله يذكر كأس 98 بالخير ، يوم كنا نشوف المباريات على الاوربت .
تغطية الاوربت بصراحة مميزة وغير شكل ، ماهي زي هالمتخلفين اللي لا تقديم ولا تعليق ولا حتى تحليل ولا حتى برامج .
شف برنامجهم اللي يجي يومياً بعد المغرب مدري وش اسمه .. ويقدمه طقة ورعان مصريين
وتعرف مدى سخافتهم وسخافة القناة كلها
شفته مره .. ومنها صرت اقفل التلفزيون والا اطلع من البيت كله اذا جا وقته ..
لك على اعصابي شوي .. ولا ابي يصيبني الضغط والا السكر بسبتهم هههههههههه
اما التعليق .. وش اقول بس يبغالها صفحات .. خلها على الله .
ماغير عصام الشوالي .. والا الباقي كل ابوهم مالهم داعي .
والتحليل .. وش تبي بمحلل مايعرف اسامي اللعيبة ولا اسامي الفرق
والتقديم .. انواع الواسطات .. وشف اللي يجي بصافرة الحكم مع الجويني وتتأكد .
تحياتي لك