تدرون أيام الإمتحانات خلصت بخيرها وبشرها
القصه
رجعت يوم الأحد أسحب رجووولي وعيناتي تسلم كل وحده على الثانيه ونمت وصحيت الساعه الثانيه ظهرا ولأول مره جلست صحصحت عشان أذاكر وقعدت أدح وأدح وأدوووفر وأستلفت عروووووق مصريه إعلانا للدفاره وسهرت الليل وخلصت علبة النسكافيه وهاوشتني أمي ليييييه يادبدوب خلصتها؟؟ ويجي الصباح وكشخت هاذيك الكشخه طبعا مذاكره مذاكره ورحت لها الزفت اللي يسمونها الكليه وتصبحت بوجه حارسات الأمن وأقول لنفسي يالله صباالح خيير اللي هذا أوله ينعاف تاليه وتجمت الشله عند باب اللجنه ( آآآآ وش جواب هذا.. لا مكنسلته ..أدخلوووا .. أدخلووا ..وأنطلقت الجياد على بركة الله ..طبعاهذا تبعا للنظام البيوقراطي اللي ماتدخل على طول ترجع تكمل نومتها ..) دخلت بدري مصريه وقعدت على الكرسي وكتبت بياناتي الحدث الرهيب بدأ السؤال الأول بلعناه صكتني الدوخه لما شفت السؤال الثاني خارج المنهج السؤال الثالث والرابع ونص الخامس يغردوون خارج السرب وبصوت عالي وألتفت حولي لقيتهم ماسكين رؤوسهم وإلا صرخة وراي أم براطم وين جايبه الأسئله وبالطلايب سكتوها طلعنا بدري مأحد حل ولأول مره تتفق كلمتنا ياالحريم وصرنا مثل الرجال كل وحده تدق على صدرها تقول الشكوى عندي أتشوف أم براطم هي ونظارتها ورحنا للعميده رافسين بابها كل هذا مهايط سكتتنا بكلمتين وتقول أكتبوا الشكوى ووقعوا كل وحده رزت توقيعها اللي كأنه شخابيط مبزره تحسبنهاوزيره ولهالحين ماعطوناكلمه وش رايكم في حركة أم براطم الي ماتستحي ( قول وفعل هددتنا وسوتها ) وحنا اللي على نياتنا ماصدقنا
يله أبغى رايكم بصرااااااااحه...