سيداتي آنساتي ... ( لاحظوا ما جابت سيرة أصحاب الشنبات ) ... كيفكن ؟؟؟ شو أخباركن؟؟؟ عساكن بخيرن ( علقت على النون ) .... نمستاهي ( هذي كلمة هندية تعني مساء الخير يا وجيه الخير <== ايه هين ) ... أنا عندي عدة ملاحظات ودي أرميها عليكم ( حاسبوا على قرونكم ) .. هذي الملاحظات تصب في المصلحة العامة لمنتداي العزيز و الحبيب و صاحب العيون الساحرة و السمرة القاتلة <== فاهم غلط .... أتمنى يتم حملها من قبل ثلاثة من أصحاب العضلات المفتولة .. قصدي يتم حملها بروح رياضية ( و إنشاء الله يتأهل الجميع ) <== أقول ما عليكم منه... خلني أكمل ....
First of all : لاحظت هذي الأيام إن المواضيع المثبتة صارت بالهبل ... بغض النظر عن نوعية الموضوع .. و مدى أهميته ... أو حتى الفايدة اللي نلاقيها منه ... أنا ما أقصد إني أنتقص من المواضيع اللي يتم تثبيتها ... بس أتمنى إن المشرفين ينتقوا المواضيع اللي فعلاً تستاهل التثبيت بدون ما يكون هناك أي مجاملات أو واسطات ( تراها لاحقتنا حتى للمنتدى ) ... أوكي ....
هذي أول ملاحظة .... أتمنى إنها ما تؤخذ بحساسية ( حتى لو تحسستوا الحمد لله المناديل تارسة الديرة و إن ما لقيتوا عليكم بالستاير ) ...
Secondly : أنا و أعوذ بالله و الله يلعن إبليس ولا حول و لا قوة إلا بالله من كلمة أنا ( أدري المشوار طويل للمليون ) ... لاحظت ( يعني شو أسوي بنفسي إذا أنا دقيق الملاحظة ... ودي أصير مثلكم غليظ الملاحظة ... بس ماعرف اشلون ) لاحظت إن المواضيع المميزة أبد ما تلاقي حقها في منتدانا ... فتلاقي موضوع حلو و متعوب عليه من خاطر ما يلاقي نفس المشاركة و الاقبال اللي تلاقيها المواضيع الأقل جودة و مستوى ... ليش؟؟؟ لأن المواضيع الثانية سطحية و تنفع لل
Secondly : take away و احنا و الحمد لله ما عدنا نقدر نقرى العمود اللي بالصفحة الأولى بالجرايد .. كيف بنقدر نقرى مواضيع إبداعية ... كل واحد يشوف نفسه ( مو الحين بعدين ) و يدور نقاط الضعف اللي فيه <== مصارعة حرة و أنا مادري ....
أعيد و أكرر إني ما أقصد من هالكلام غير المصلحة العامة للمنتدى ...
يعني مع احترامي للكل لو نحاول نرفع من تذوقنا للمواضيع .. و نعطيها الحجم و الكتلة و المساحة الجانبية اللي يستاهلها .. و بهالشكل نكون عطينا كل صاحب حق حقه بالطريقة اللي يستاهلها ... ولا انتوا شايفين كلامي غلط؟؟؟!!!!! ....
Finally : أتوجه بالكلام هذا لكل شخص في هذا المنتدى ... و هو التماس أو اعتبروه رجاء ... ممكن لو سمحتوا .. يا أفاضل ... يا أصحاب السمو و الرفعة و ..... الخ ... ممكن نحاول نرفع من بعض ردودنا اللي دون المستوى .. أو بالأصح الردود اللي لما نرميها ما نكون فاهمين معناها ... يعني إنها لمجرد زيادة عدد المشاركات ... قلنا مزح .. قلنا ضحك ... قلنا غشمرة ... لكن ما قلنا تجريح ... ( و أعتقد إن التجريح ينفهم إنه تجريح من دون شرح ) ... و أنا أوعدكم إن أول من يبدأ بنفسه هو أنا ( علشان ما ينقال لي شوفوا من قاعد يتكلم ) ...
و بالأخير أتمنى إني ما أكون ثقلت عليكم بموضوعي ... بس حسيت إنه لازم ينطرح و خاصة في غياب ( إدارة المنتدى ) اللي كانت كل دقيقة طالعة لي بسالفة لا تقلبوا المنتدى شات و لا تقلبوا الطاولة على الكرسي .... أوكي شباب ... قلنا روح رياضية بالبداية ونقول روح العب بعيد بالنهاية ....
و تقبلوا فائق احترام و تقدير الحكم دايمًا و أبدًا
الحكــ
ـــم
الى اعضاء المنتدى... مع التحيه..$نرجو ابراز كرت الدعوه للدخول$ 
الوضع الشجري
