[MMS] وسائط اشهر اغاني عبدالمجيد عبدالله - نادي الهلال السعودي - شبكة الزعيم

4-MMS · #1 10/02/2009, 02:52 AM

السلام عليكم

مثل ماوعدتكم .. اليوم حاب اقدم لكم مجموعة وسائط لاشهر اغاني عبدالمجيد عبدالله

الوسائط من تصميم موقع فور MMS

اتمنى ان الوسائط تعجبكم

وان شاءالله مع نزول البوم احلام راح يكون لنا مجموعه من الوسائط الخاصه بكل اغاني البومها

اغلى شي

يــا أغلى من روحي علي ..
يا أحلى شي وأغلى شي
إن قلت أحبك شفتها ..
هالكلمة في حقك شوي
قلبي اللي من شوقه يجيك ..
يغار من حبي عليك
مايحبك إلا يمـــوت فيك..
ويحسك أقرب مني لي
أتنفسك مثل الهوا ..
وأحتاجك لجرحي دوا
مادمت انا وانتي سوا ..
من دنيتي ما اريد شي
إخذيني من دنيا الأنام ..
خليني في حضنك أنام
دقات قلبي لك كلام ..
يحكي لك الشوق اللي بي
ياســارتي ودنيا الهنا ..
ماعرف بدونك من أنا
صرتي لنظر عيني سنا ..
صرتي لهجير عمري في
أحبك لحد الجنون ..
وأشيلك بوسط العيون
وأضلك برمش وجفون ..
ياأغلى من عيني علي

غنوا لحبيبي

غنوا لحبيبي وقدموا له التهاني
في عيد ميلاده عساها مية عام
افرح حبيبي واطلب الله الأماني
الليلة يا عمري تناديك الأحلام
ودعت عام وقابلك عام ثاني
لعل نقضي العمر في حب وهيـــام
انسى الهموم اليوم واضحك عشاني
والله ابتسامه منك تسعدني أعوام
أحاول أشرح لك بقلبي معاني
والله الفرح نساني هموم وألام
وقف مع افكاري والهوجاس سالي
من فرحتي معذور والله ما انلام
احترت وش أهديك غير الاغاني
وبهديك قلبي اللي معك في الهوى هام
وأطلب من الله يا حبيبي عسـاني
ما انحرم من بسمتك طول الأيــام

اعز الناس

يا حبيب عمري أنا
يا حياة روحي أنا
يا جناحي في الهوى
يا بحوري في الهنا

شويه إن قلت أحتاجك
شويه إن قلت أشتاقك
و شويه إن قلت أنا كلي لك
و شويه إن قلت أهواك
لو تجمع حب العالم
و احساس و شوق العالم
و كلام الحب
وأغاني الحب
ما تساوي يا عمري غلاك

إياك تظن إياك
وتفكر يوم أنساك
أو أنسى بلحظه هواك
حبيبي يا حبيبي

من خوفي عليك يا أعز الناس
من خوفي عليك أنا خفت الناس

لك طله جميله عجيبه غريبه ترد الروح
فيها معنى الحب لها دق القلب تداوي جروح
يا أجمل من في الوجود خذني لأبعد حدود
لدنيا من الورود فيها إنت إنت حبيبي

احباب

عسى الله ما يجيب عتاب
ولا بعـد وهجــر وغـيــاب
عسانا ما انتفارق يــوم
عسى دايم نكون أحباب
من الدنيا وش المطلوب
سوى راحـة فكر وقلوب
وخل في هواك يذوب
وهو مثلك في حبك ذاب
عسى تسلم وتبقى لي
فرح دنياي يا الغالي
في قربك يا هنيالي
تهنيت وزماني طاب

عمري مااخترت

عمري ما أخترت بحياتي أي شي
حتى أسمي أنفرض منهم علي
كنت راضي
كنت أظن السرب ماضي
شفتك إنت وأختلف كل شي
قبلك الظلما وبعدك الضي
كل لحظة قبل نتلاقى
خساره خطي
لا لا هذي ماهي حاله
قلبي مايهدى الا وانت قباله
روحي تعلقت بك روحي
وعافت جروحي ولك مياله

انت العزيز

انت العزيز انت
وانت المهم انت
انت اغلى ناسي كلهم
قلبي واحساسي معاك
لا تظن قلبي عندهم

مشيت في كل الدروب
ومرت على قلبي قلوب
بس انكتب اني اذوب
واختارك انت بينهم

اخذتني مني اليك
حببتني بجنون فيك
الله عليك الله عليك
اشرقت وغابت شمسهم

الخاين الكذاب

أبي يوصل خبر عني
لحدوه قصدي متعني
نسيت وجرح قلبي طاب
واصبح لي سواه أحباب
ويوم انهم طروا لي اسمه
ضحكت وقلت من منهو
هذاك الخاين الكذاب
حمدت الله هلاله غاب
أبيه يدري إني صرت أقوى
وعلى نفسي قدرت أقوى
تعديته سطر في كتاب
هذاك الخاين الكذاب
حبيبي الخاين الكذاب
طردته خارج ضلوعي
حشا ما هلت دموعـي
ولا حرك بي الأهداب
هذاك الخاين الكذاب
حبيبي الخاين الكذاب

اموت بحبك

قـرّرت امـوت بحـبـّـك وامشي معـاك فـدربك
إنـتـا يا سـاكـن قـلـبي إسمحلي اعيش بقلبك
قـربـك تــرا يحــيينــي وصـوتك أنـا يهـدّينـي
وبُعــدك تـرا يبـكـّينـي لاتغــيـب عنـّي وربـّـك
بنسى معاك هـمـومـي واسهـر واخلّي نومـي
واعيش وقتي ويومي كـــلـّه وانــا بـجـنـبـّـك
مثـلـك أنـا مـاالاقـــــي يصعـب علـيـك فراقـي
صــادق أنـا بشـواقــي ولوتكذب أعشق كذبك

هذاك اول

هذاك أول .. إذا قلت بتخليني
تبين دمعتي بعيني
ماعاد يهمني بعادك
ماعاد اهتم مثل أول
انا قلبي ترى تحول

أنا برحل .. وبدل واحد بواحد
غيابي يمكن يساعد
وتاخذ راحتك أكثر

كذا أسهل .. بدل ما اضايق أحبابك
وقبل لايكثر غيابك
وقبل لاتقولها بغرور

إذا بتزعل .. ياخي إزعل ولاتسامح
أنا قصدي كذا واضح
ترى تسوي الجروح أكثر

بريحك

بريحك منى خلاص واغيب عن عينك
مدام هذي رغبتك لازم احققها
وابطلبك آخر طلب الله لايهينك
قلي أحبك حبيبي بخاطري اسمعها
آخر طلب
إذكر لقانا كيف غير لك موازينك
هاللحظه تكفي عالاقل ابيك تذكرها
ليلتها كانت شمعه تضوي بيني وبينك
ويوم انطفت إنت الهوي اللي هب واخمدها

بغيت عنك كثر ماكنت بيدينك
وعلى كثر ماكنت كذباتك اصدقها
وان شفتني لاتقول شخبارك وينك
حتى عيوني حرام انك تطالعها
واخر طلب
خذ ذكرياتك والمحبه شوقي وسنيني
معاك روحي انا ما ابي اضيعها
وانسى الموده وكل شي بيني وبينك
انت بحياتي غلطه لكن ما حكررها

ادلع

ادلع يا كايدهم خليهم يشوفونك
علمهم اصول الحسن عطهم درس بعيونك
علمهم بنظراتك وشلون الجمال يكون
اضحك يالله وريهم احلى ضحكه واحلى عيـون
ادلع يا كايدهم
غير حسنك المجنون اطلع كل لحظه بشي
حرام انت تفاجئهم عذبهم شوي شوي

والله فاضي

و الله فاضي جاي تحكي لي همومك
و انت تحسبني انا من الهم فاضي
بس تدري شلون انا ما راح الومك
ماحدٍ في عيشته يا عمري راضي
خلني يومي اعيشه و عيش يومك
و القدر ما عليه اي اعتراضي
و ان كان ماضي قلبك منسيك نومك
من فينا يا حبيبي ماله ماضي
اضحك و دنياك تضحك لي بدونك
خلي شمعات الأمل بالعمر تاضي
و المتاعب لا تطيح من عزومك
اعتبر موضوعها خالص و قاضي

لا زاد

لا زاد فيني الحزن
أكتم دموعي و أونّ
وأقول أبد ما أبيك
وأذكر هوانا و أحنّ
وين أنت عني أنا وكلتني لـ العنا
ماكني اللي هويت و لا كننا نفسنا ..
عيشتني بالوهم قتلتني بالألم
عودتني ع ــالدموع عرفتني ع ــالندم
قلبي معاك رجعّه كلامك بيسمعه
قله يشوف الحياة وإن أنت ما تنفعه

احتاج اسألك

ليه دايم أحتاج أسألك
وشفيك شللّي زعلك
ليه دايم ردودك تكون نظرة .. بمعني إيش دخلك
كيف تسأل يعني ما تعرف غلاك
أنت تدري مالي في الدينا سواك
لو مكاني إنت تقبل .. كيف تسأل
تنفيني خارج عالمك
وإنت في قلبي مسكنك
آقف على حدودك ولا تسمحلي إنّي .. أوصلك ما أوصلك
وليه دايم تختبر فيني غلاك
كل ذنبي إنّي حبيتك معاك
لو مكاني إنت تقبل .. كيف تسأل

لو تعرف المحبه

لو تعرف المحبه ما تخون السنين
انت مالك في دنيا الحب حتى أمان
ما تعودت تسكن بين قلبٍ وعين
ما تعودت تلقى في دروبك حنان
كان شوق ومحبه وينها وانت وين
كنت فيها حبيبي وكنت حتى الزمان
وف آخر أيام حبك قلت لي كلمتين
انسى حبي ودور غير دربي مكان
كنت اظنك حبيبي كل لحظه وحين
ورحت ما قلت آسف لو عذر من لسان
كيف حلمٍ بنيته طاح في لحظتين
كيف قلبٍ عطيته بعد هذا الحب خان

مابين بعينك

مابين بعينك على كثر ماجاك
لاواحسافه ليتني ما عطيتك
تخطي واعذرك واتحمل خطاياك
هويت غلطاتك كثر ماهويتك
ضحيت بالدنيا علشان دنياك
وخليت كل الي يبيني وجيتك
كنت بعيوني وين ما اطالع القاك
حتى لو غمضت عيني لقيتك
من كثر ما احبك واقدرك واهواك
مااذكر اني في حياتي عصيتك
لا فاد كل الي اسويه وياك
اتعبت قلبي ليتك تحس ليتـــك

مكانك هنا

لا يهمك حبيبي شِف مكانك هنا ..
بين ضلعين قلبي يا حبيب العيون
كل ما قلت أحبك قال قلبه وأنا ..
انتخاشر غلاك اللي ذبحنا بهـون
آخذك من خيالي في خيالي سنه ..
تاخذ الحـب أو عشانــك تهـــون
منهو مثلك ومثلي من مثــل حبنـا ..
انت يا أحلى حكايه وانت يا أحلى جنون
هات يـــدك بيــدي خلنـا وحدنـا ..
خلها حب وانسى من تكون وأكون
كل قصة حب تبتــدي باسمنــــا ..
يبتــدون بـمحبـتنـــا ولا ينتـهــون

موت فيني

موت فيني مثل ما أنا فيك ميت
واعشقيني عشق أبد ماله نهايه
يللي من شفتك في عيني صرتي عيني وأهلها
ما أبالغ ما أبالغ إنتي صرتي الدنيا كلها
لاتخلين المسافه تبعدك عن عيني لحظه
لأنك إنتي في فؤادي بين كل نبضه ونبضه
إنتي الحلم اللي أصبح في حياتي أحلى واقع
صدقيني غيرك إنتي ماني شايف ماني سامع
ما أبي منك رساله وش أسوي بالرسايل
صوتك الدافي أحبه عامل بقلبي عمايل
اتركي عنك غرورك كبريائك مايفيد
يكفي إني من عرفتك صرت عايش من جديد

متغير علي

ما هي هاليله وبس ...
وانت متغير علي ...
صار لك كم ليله وانت
انت بالك ماهو لي

حاضر بقلبك وغايب...
وأنا قلبي فيك ذايب...
ليه يا أغلى الحبايب...
انت سامع عني شيء
انت من مده وحالك..

للأسف صاير غريب..
صار عادي عندك أبقى
وعادي عن عينك أغيب

وردتك نسيت عبيري..
وصرت ما اعرف وش مصيري
بسمتك دايم لغيري...
وقسوتك دايم علي ...

انت لو تعرف مكانك
وين كان وكيف صار ..
كان ما عيشت عمري
في عذاب وانتظار...

وإذا تبغى تعرف اكثر
وكيف همي صار اكبر
يله حط عينك في عيني
وانت تعرف كل شي

ناوي تخليني

ناوي تخليني ... وتغيب عن عيني
ليه ليه تتركني لحالي
ليه ليه ماتبي حتى وصالي
ناوي تنساني ولاتسأل علي
إنت يعني ناوي تنهي كل شي
عشان حبيتك .. وقدرتك وجيتك
ليه ليه إبتديت تصد عني
صرت دايم في كلامك تتهمني
ناوي تنساني ولاتسأل علي
إنت يعني ناوي تنهي كل شي
تنهيني بيدينك .. وين الغلا وينك
روح روح لااجيك وتجيني
روح روح الله لايسامحك فيني
ناوي تنساني ولاتسأل علي
إنت يعني ناوي تنهي كل شي

قله

قله اللي وصلني منه يكفيني عمر
كيف يبرا طعنِ سكين الغدر
قله كان لي عنده قدر
لا تلاقينا بين الناس يسلِم
لا يبين أي حد انه متألم
لا يخلينا حكايا كفايه ما جرا منه كفايا
قله حلله ربي وباحه
اللي ما عرفت الا جراحه
هان قلبي واستباحه
دام لي والجرح حبـه
قله وفقه ربي بغيري
واني رحت في شري وخيري
له مصيره ولي مصيري
ولا يعلقني بدربه ..

روح روحي

لو جيت وقلت مابيه مابيه
ألعن غرامه واسب طاريه
من ورى قلبي ماهو بقصدي
اغليه واغلي اللي يغليه
لحظة زعلنا مع وز شيطان
كلمة بكلمه وماجرى كان
اللي نصحني عنه جرحني
مجنون في عقله وخرفان
هذا حبيبي
روح الروح روح الروح روح روحي
إلا حبيبي
يغلط علي واغلط انا ايه
وتشاركونه بالخطأ لا
وخطاي ماتفرق خطاويه
للموت انا ماقول له لا
هو مبتلي بـي ومبتلي فيه
هو علتي ومثله انا له
من غيرنا من زود مافيه
جنن حبيبي وحن هو به
انا وحبيبي
روح الروح روح الروح روح روحي

عمري مافكرت فيك

عمري مافكرت فيك وماخطر في البال حبك
لين قلبي قال ابيك وقالت عيوني احبك
صرت عندي اغلى شي واغلى من نفسي علي
كالك بقلبي شريك بعد مافكرت فيك
كنت اشوفك من قريب مع جميع الناس عادي
ماتخيلتك حبيب رايح بقلبي وغادي
قمت افز لشوفتك واتحرى جيتك
انتظر حبي الجديد بعد مافكرت فيك
لاتعجب من غلاي مثلك احساسي تعجب
وانت في يدك هواي مهتني ولا معذب
ياعساني مانحرم .. انت يا اجمل اسم
لترك الدنيا واجيك بعد مافكرت فيك

يعني تحسبين

يعني تحسبين أكبر همي أنتي
لا و الذي سواك غيرك زيون
ماني قليل شر ويمكن فطنتي
من يخطي بوحده أرده مليون
وأن أسألوا ربعك علامك ذبلتي
قولي لهم من حب ذا اللي تشوفون
يا صلك حكي وانتي لا استجبتي
ماتشوفين اللي بالقلب مكنون
ترى العقل نعمة وذا عيبك انتي
غزالة تسرح على وين مايكون
ما عاد عندي إلا ما سمعتي
لو تصبرين شوي يمكن يزيدون

تشطر عاد وافهمها

كلامي اللي أنا قلته وهالورد اللي أرسلته ولاحسيت أبد إنت
تشطر عاد وافهمها
أحبك يعني مو داري ولا حسيت في ناري كفاية تشغل أفكاري
تشطر عاد وافهمها
أحبك أحبك أحبك يعني مو داري
سلامي واهتمامي فيك هدية كل يوم أهديك أكلم غيرك وأعنيك
أنا مو ناقص إلا أجيك وأحط قلبي أنا بإيديك وأقولك الله يخليك أحبك يلا افهمها
متى عينك تناديني متى قلبك يحس فيني ياخوفي تروح أنا سنيني
أخاف تكون فاهمني و بس ودك تتعبني عشاني قول ريحني أحبك يلا افهمها

تنتظر

تنتظر كلمة احبك شايفك مشغول فيها
كل شي بوقته حلو ليه مستعجل عليها
بكره هي اللي تجيك وتمر كل لحظة عليك
انت بس طولي بالك وكل شي بوقته حلو
في ثواني في دقايق في شهر ولا سنه
القلوب هي اللي تحكم ماهو انت او انا
ينولد حبك وحبي واعشقك ياروح قلبي
انت بس طولي بالك وكل شي بوقته حلو
خلنا نفهم بعضنا قبل مانهوى نضيع
مابعد برد الشتا الا نسمات الربيع
واوعدك كلمة احبك منها مايمل قلبك
انت بس طولي بالك وكل شي بوقته حلو

عطني وعد

عطني وعد انك تمر
تلقاني بنتظرك عمر
ومهما يصير تبقى حبيب
وغيرك أبد ما أنتظر
غالي علي وأحسك بعمري شريك
والدنيا حلوه .. حلوه فيني وأحلى فيك
ارجع أبيك ..قرر تجيني
والا حالاً أنا أجيك
عطني وعد .. أنطر بعد
عوضني كل اللي انفقد
طمني ارسل لي خبر
شوقي من الجمره أحر
يرضيك نبقى للأبد
انت فـ .. بلد .. وأنا فـ .. بلد ..

وينك

وينك بغيت أحط واحد بديلك
واحد بغى في الحب ياخذ مكانك
واحد لعب بي لعب والله وكيلك
لو ما نهيت القلب روح زمانك
الزول زولك والعمر نفس جيلك
والعود عودك مشيتك مع ليانك
وليا هرج يطري علي سلسبيلك
واليا ضحك تشبه ثمالة ثمالك
واليا نثر شعره حسبته جديلك
ولا أشر بكفه قلت هذا بنانك
لولاي قلت أرجوك عطني دليلك
يمدي خفوقي من عنا الوقت خانك
ما قلت لك لا لا تغيب عني دخيلك
كانك تبيني مثل ما أبغاك كانك
خلك معي بشب لك وانطفي لك
لا أحتاج غيرك وأنحرم من حنانك

ولاتسوى

ولا تسوى حياتي بعد منك
يحز بخاطري بالحيل انك
قدرت تعيش ولا كنه حصل شي
أنا توي .. أنا توي .. بنفس السالفه هي
علي كل الزمان عندك توقف
نسيت انه توقف قلت صيف
تحريتك تجي بس ما جيت
أنا توي .. أنا توي على طاريك فزيت
أنا في داخل أعماقي نسيتك
والا واجهت احساسي لقيتك
وين أروح دامك ساكنٍ بي
ايه .. شسوي وغيرك انت من لي
ولا تسوى حياتي بعد منك
يحز بخاطري بالحيل انك
قدرت تعيش كنه ما حصل شي
وأنا توي .. أنا توي بنفس السالفه هي
ولا تسوى ..

يابعدهم كلهم

يابعدهم كلهم
ياسراجي بينهم
عطني من دنيااك حبك
وأترك الباقي لهم

يالي أنفاسك دفايا
او لمسه ايدينك شفايا
يكفي بس تبقى معايا
منهو من بعدك مــهم

ياخذون الي يبونه
كل هالعالم وكونه
الا قلبك يتركونه
لاتمســه ايدهم ..

تختفي الشمس وضياها
ترحل القمرا وسناها
وينتهي العالم وراها
انت تغني عنهم

ياما حاولت

ياما حاولت الفراق وما قويت
كـنت ابي أنـساه لكن ما نسيت
ما عـصاني قلبي بعمره ولـكن
إلأكـيد إنـّي أنا الـلي ما اشـتهيت
التقينا بليله من ليل البعاد
والهوى والحب في القلبين عاد
قلتله ما غيرك بعدي حبيبي
قال حبك ما تغير الا زاد
صرنا نسترجع هوانا واللي فات
وابتدت ترجع لبسمتنا الحياة
قلتله وشلون فرطنا بهوانا
قالي انسى ترى اللي فات مات
مر طعم البعد واحساس الغياب
الدقيقه طول شهر من العذاب
طالبك مابي نكررها حبيبي
ليه نفتح للحزن والهم باب

ياورد

يا ورد من علمك تجرح
الجرح ماهو من أطباعك
مغليك من شوفتك يفرح
هون على قلب ملتاعك

لون المواعيد متغير
الحزن في صوتك يحير
ما عادك الصاحب الأول
ما أحسبك في يوم تتغير

أنا هويتك وعزيتك
في القلب شلتك وعليتك
لك منزل كلهم دونك
الله وشكثر حبيتك

يا ورد من يا من الأيام
يبكي كثر ما حلم أحلام
إرجع لطبعك وأحبابك
أخاف تذبل من الأيام

يطولة للازرق · #2 10/02/2009, 03:09 AM

تسلم يديك مرة حلوة يعطيك الف عافية

4-MMS · #3 11/02/2009, 02:35 AM

الله يعافيك ياغالي ......

@ Abdullah @ · #4 11/02/2009, 02:49 AM

موضوع رائع

تسلم يددينك

لون السماء والسحاب · #5 11/02/2009, 02:59 AM

مبدع وربي

يعطيك العافيه

حبك دووم يا هلال · #6 11/02/2009, 12:37 PM

استغفر الله واتوب اليه

سبحان الله وبحمده سبحان الله العظيم

مـوت ومـيـلآد ! · #7 11/02/2009, 02:51 PM

مررررررررررررررررررررررررررررررررررررررره روووووووووووووووووعه..

تسلم..ماقصرت والله..

мσηα © · #8 11/02/2009, 03:12 PM

تِسْلَمْ خَيُوُ ويِسْلَمْ لنا هالذُوقْ
مَسِجَاتْ رائعه بِرَوعَةْ حُضُورَك
الله يِعْطِيكْ العَافْيَه
مَودَتِي..

زعيــــم الشوق · #9 11/02/2009, 04:16 PM

والله ابداع ماشاء الله عليك
تسلم و مشكور

4-MMS · #10 11/02/2009, 09:49 PM

الله يسلمكم يارب هذا من ذوقكم والله

اماراتيه فل اوبشن · #11 12/02/2009, 12:49 AM

ابداااع الوسائط

تسلم وربي لاهاانك

(%هلالي ودمي حالي%) · #12 12/02/2009, 02:42 PM

والله حسافة كل هالأعضاء حملوها
وبعد كلمات اغاني
ما شاء الله عليك
كسبت سيئات اي واحد حملها

نصيحة:
اطلب إلغاء الموضوع
انت موب ناقص معاصي
انت محتاج نص حسنة
كفاية ذنوب

تكفى طلبتك ارحم نفسكـ
وحاول تلغي الموضوع

ترى بهذا الموضوع البسيط الحقير
اللي ما منه فايدة ..ذنوبكـ مستمرة الى يوم القيامة

طلبتك - طلبتك - طلبتك
اطلب حذف الموضوع؟

والله ما كتبت هالكلام
ومادخلت هنا
إلا لأجل النصيحة

أسأل الله لكـ الهداية والصلاح
وجزاك الله ألف خير

أخوك .. ومحبك ... في الله

دق التحيه معك هلاليه · #13 15/02/2009, 10:47 PM

يا لبـــــــــــى يا عبدالمجيد ..

يعطيك العافيه

خشم العانt · #14 16/02/2009, 03:47 PM

[SIZE="6"]بسم الله الرحمن الرحيم[/SIZE]
[SIZE="6"]إِذَا زُلْزِلَتِ الأَرْضُ زِلْزَالَهَا (1) وَأَخْرَجَتِ الأَرْضُ أَثْقَالَهَا ( 2)وَقَالَ الإنسَانُ مَا لَهَا(3) يَوْمَئِذٍ تُحَدِّثُ أَخْبَارَهَا (4) بِأَنَّ رَبَّكَ أَوْحَى لَهَا (5) يَوْمَئِذٍ يَصْدُرُ النَّاسُ أَشْتَاتاً لِّيُرَوْا أَعْمَالَهُمْ (6) فَمَن يَعْمَلْ مِثْقَالَ ذَرَّةٍ خَيْراً يَرَهُ(7) وَمَن يَعْمَلْ مِثْقَالَ ذَرَّةٍ شَرّاً يَرَهُ(8)[/SIZE]

كوووره · #15 16/02/2009, 04:19 PM

مشكووووووووووووووووووووو ووووووووووووووووووووووووووووووو وووووووووووووووو ور على الاغاني حقت عبدالمجيد