حصريا ((شرح مفصل لإنشاء حساب على الـps3 + حساب امريكي لتتمتع بمزايا اخرى)) - نادي الهلال السعودي - شبكة الزعيم

زعيم آسيا 20 · #1 15/02/2009, 06:21 PM

بـــــسم الله الـــرحــمــن الــرحـــيــم
الــسلام عــلـيــكـم ورحــمــة الله وبـــركــاتــــة

كيف الحال ان شاء الله طيبين

موضوعي واضح من العنوان وهي طريقة انشاء حساب psn للبلايتيشن3
اكيد تعرفون انه تـغـير طريقة فتح الحساب بعد تحديث2.5 السابق
وعاد انا سويت شرح ان شاء الله يسهل على اللي مايعرفون كيف الطريقة
نبدا الشرح

اضغط على نفس الخيار اللي في الصورة( الاوسط)

الحين نختار Create New Account لأننا نبغى نسوي ID جديد

ضغط على Continue

1- نختار الدولة
2- اللغة طبعا اللي هي الانجيليزية
3- تاريخ الميلاد (لازم تحط من 1989او اقل عشان يقبل انك تسوي الحساب )

هذي الا تفاقية او الشروط الأمنية اضغط على كلمة Accept

1- حط إيميلك
2- إكتب كلمة مرور طبعا مو لايميلك وتكون اقل شي 6 حروف وارقام
3- أعد كتابة الباسوورد
4- إختر سؤال
5- إكتب الجواب

الحين يطلب منك تحط الاي دي يعني اسم خاص لك اللي راح تلعب معهم با الان لاين مثل اللي في الصورة
ملاحظةما تقدر تغير الاي دي تبعك بعد ما تسويه .

إذا كان الاسم متوفر بتطلعتلك هذي الرسالة

1- الإسم الأول
2- الإسم الأخير
3- الجنس ( إختياري )

الحين راح يطلب منك العناوين
1- دخل العنوان الأول بس والعنولن الثاني والثالث موب لازم
2- المدينة
3- الرمز البريدي أي خمسة أرقام او حط مثل اللي في الصورة

الحين يقولك إذا كنت تبي تستقبل رسايل بالإيميل من شركة سوني عن آخر الأخبار
عاد بكيفك تبي تحط صح او لا

الحين يعلمك ببياناتك اللي حطيتها و إذا كنت تبي تعدل عليها

الحين مبروك تم التسجيل بالشبكة البلايسيشن

الحين يشكرك على تسجيلك ويدخلك على الستور PlayStation Store
اللي فية تنزيل الالعاب والثيمات

حط علامة صح على الخيار الاول عشان يكون الدخول اتوماتيك (اريحلك )وبعدين اضغط على Sign in
وانتظر ثواني وبعدين راح يصير مثل الصوره اللي تحت

الحين كذا خلاص متصل بالشبكة وتمتع بالاون لاين مبروووك

شرح عمل حساب امريكي

ملاحظه اول شي لازم تسوي ID جديد

والطريقة اذا وصلت لهذي الصوره

1-حط البلد امريكا
2-نفس الخياراللي في الصوره
3-التاريخ (لازم تحط من 1989او اقل عشان يقبل انك تسوي الحساب )

وثم كمل الخيارات الين توصل هنا

1- حط اي شي
((الخيار الثاني والثالث لا تجيها خلها فاضية زي الصوره ))
2- حط California
3- حط الرقم 90001

الحين باقي تكمل نفس الاجراءات العاديه الين تخلص

و يصير حسابك امريكي

اضافة
من مميزات الحساب الامريكي
اختلاف في بعض الالعاب عن الحساب الاوربي
مثل االعاب الديمو واشياء اخرى

وفي الاخير ان شاء الله يكون الشرح واضح

واي سؤال انا حاضر

chelsawee · #2 15/02/2009, 09:08 PM

ممنوع النقل + في موضوع مثبت .. !

زعيم آسيا 20 · #3 15/02/2009, 09:26 PM

إقتباس


	ممنوع النقل + في موضوع مثبت .. !

ليش ممنوع النقل؟؟؟
يعني كل المواضيع اللي بالقسم مافيه ولا موضوع منقووول؟؟

وبعدين وين الموضوع المثبت؟؟

عاشق شرهمك · #4 16/02/2009, 10:17 AM

ممنوع النقل + في موضوع مثبت ..

اول شي انت كاتب حصريا .... ومافيه شي جايبه من عندك كلها ناقلها من منتدى البحري..... ويسمح بالنقل ... لقريق الدريمز تيم بس .... اما باقي الاعضاء باستئذان المشرف

اتمنى حذف الموضوع

دمــي هلالــي · #5 16/02/2009, 12:28 PM

يمدحون الـــ( B7 )

اللي ناقل منه الموضوع

يسووووووف · #6 16/02/2009, 04:22 PM

يعطيك العافيه وماقصرت بس صحيح ناس ماتستاهل .,!

تحـيآتي .,!

هــمــام · #7 16/02/2009, 04:40 PM

والله ما تستاهلون من يتعب لكم ..

هذا جزاء الرجال تعبان و يدور لكم الزين لكن ...

اللي بينبه ينبه باحترام و بالخاص .

أحــب الـشـلـ 10ـهـوب · #8 17/02/2009, 06:47 PM

يالغالي أنا مسجل من أول هل يجب علي أسجل مرة ثانية ؟

زمن الابداع · #9 17/02/2009, 07:03 PM

اخوي الف شكر لك على هذا الموضوع بس عندي استفسااار بسيط

واتمنى الى داخل الموضوع ويعرف يقولي

هل هذا الاي دي هوالى العبه مع الشباب بيس2009 ولاحق لعبه ثانيه

زعيم آسيا 20 · #10 21/02/2009, 06:33 PM

جزاكم الله خير على الردود المحترمه
اللي تبيض الوجه ....!!!!!!!!!!
معليش انا اعتذر اااسف
اعتذر اني حطيت موضوع
صدق انه احسن شي شف المواضيع واطلع (لاتحط رد ولا تحط مواضيع) احسن لك من وجع الراس

وشكرا

هلالي فوق الجبال · #11 21/02/2009, 07:07 PM

إقتباس

الرسالة الأصلية كتبت بواسطة زعيم آسيا 20


	جزاكم الله خير على الردود المحترمه اللي تبيض الوجه ....!!!!!!!!!! معليش انا اعتذر اااسف اعتذر اني حطيت موضوع صدق انه احسن شي شف المواضيع واطلع (لاتحط رد ولا تحط مواضيع) احسن لك من وجع الراس وشكرا

طيب انت كسبت مخالفتين الان

1- الرد على مواضيع قديمة
2- نقل المواضيع

بس مشكور اخوي

زعيم آسيا 20 · #12 21/02/2009, 09:18 PM

طيييييييب خلاص اسفين
امسحوا الموضوع
امسحوووون انا كلي من المنتدى
اتوووووووووب
اسف

Blue 610 · #13 22/02/2009, 03:08 AM

اخوي اكتب منقول علشان انا شايفه في منتدى ثاني و التاريخ قبل ما تنزله انت

و مشكور ع النقل

محمد 22 · #14 22/02/2009, 03:16 AM

يارجال خلك زيي بس لااجيب مواضيع ولا ارد الا للمواضيع الي تستاهل
يعني بصدق هنا ناس تحطم وبقوه منقول ولا مو منقول
طيب قل الف شكر على النقل او او ........
وموضوعك هذا موضوع رائع
عوافي يابطل

al1 · #15 22/02/2009, 06:03 AM

مشكور اخوي على الموضوع وحتا اذا كان منقول قولو لة مشكور ولا اذا ماتبون لاتردون قل خيرا او اصمت وياخوان وش تستفدون اذا قلتلم مخالف منقول وو
روح نبة بالرسائل وفية مشرف يتابع المواضيع وهو الي يقرر مخالف ولالا وشكرا على الموضوع الرائع والمفيد