|
صديقي Google .. وكوزمين بسم الله الرحمن الرحيم مرتن من المراريت وانا (منسدح) قدام هل أطخم اللي اسمه لابتوب ونطقطق هنا وهناك ونحوس في الشبكة العنكبوتية ( أعاذنا الله واياكم من شرورها) وبدون مقدمات (رعصت ) على ( أيقونة) الأكسبلورر وفتحلي الموقع (العالمي ) قوقل ... لقينا موقع ينافس النصر في العالمية .... المهم انتظرت برهه من الزمن افكر ( ترى برهه متعوب عليها ) قوقل في قلوبنا ورى ما اسوي بحث عن اي شي يخطر في بالي بجرب بيطلعه لي قوقل ولا لا... وبدينا رحلت الالف ميل بالبحث عما سيعجز عنه القوقل ...وانا اللي امحطلك هاك الاسئلة وكل مرة القى الرد من قوقل تصدقون حتى يوم سالته ليش النصر عالمي لقيت اجابة ... موقع فيه مسابقة اسال سؤال سخيف واللي بعده يجاوبك وبأمكانكم تجربون بنفسكم ... ومع الحوسة طلعت اللمبة فوق راسي وجاني هاك السؤال اللي اسهل منه مافيه بس متأكد إن إجابته جدا صعبه على قوقل بس مو علينا كهلاليين اجابته بتكون سهله جدا جدا .. "ليش إدارة المنتخب يناظرون فقط مدربين الهلال ولا يشوفون لهم مدربين غيرهم ودائما خياراتهم الهلال اولا" سؤال سهل يا قوقل عيب عليك ما تعرف تجاوبة افااااا كل الملايين اللي يدعمونك فيها عشان تكون افضل محرك بحث في العالم ولا تقدر تجيب لي موقع واحد كاتب هل الجمله .... بكل بساطه يا قوقل انا عندي الجواب لك ليش ما لقيت هل السؤال وبجاوب لك كمان على السؤال ...اسهل من كذا مافيه يا قوقل (بيه ) بكل بساطة كل الشعب اللي يهمه المنتخب السعودي يعرف هل الجواب عشان كذا ما لقيته عندك ولا في امل احد يسأله حتى اذا كان صغير بالسن لأنهم بكل بساطه يعرفون الاجابة ... لا تكفى لا تحلفني أقول الاجابة يا قوقل بلاش إحراج يا قوقل ... يالله ليش الاحراج هذا مشكلتي أحبك يا قوقل ولا أقدر أرفض لك طلب ... الجواب يا قوقل لأن الهلال دائما مبدع في أختياراته للمدربين الا ما ندر وكل مدرب يجي للهلال يلقى الجوالصحي للتدريب ويلقى (كوكبة ) من النجوم الجاهزة للدفاع عن شعار النادي فقط يا قائد الكتيبة وجه الجنود لخوض المعركة .... وفجئة اشوف صفحة قوقل تسوي تحديث للصفحه ويطلعلي سؤال يقول .. "ليش طيب إدارة المنتخب ما يجيبون مدرب ذو صيت ولا يخلون مدرب الهلال اول مدرب لهم في خياراتهم للمدربين"... بسم الله الرحمن الرحيم أعوذ بالله من الشيطان الرجيم أقرى المعوذات وش اللي صار قوقل يطرح أسئلة ... افاااا يا قوقل كنا حنا اللي نسألك واللحين أنت صرت تسأل,,,, رد قوقل أعذرني يالاخو بس الهلال كيان أكبر من السيرفرات اللي حطوها لي لو بسجل كل معلومه عن الهلال لازم اسويلة سيرفر لحالة بس خلنا من طولة الكلام جاوب ولا ماعندك جواب عن السؤال .. مسكين يا قوقل حنا الجمهور الهلالي تجد كل شي عندنا لو تبي حتى تاريخ الانديه الاخرى عندنا ناهيك عن فضائحهم ,,, نجاوب عن سؤالك يا قوقل .. بص يا باشا ... بكل بساطة لسببين لا ثالث لهما اول يفكرون انهم يوم ياخذون مدربنا الفريق خلاص بيندمر ولا راح نقدر نجيب مدرب غيره ولا حتى نقدر نجيب بطولات لكن هيهات والسبب الثاني هم واثقين ثقه تامة وعمياء بأن أفضل الكوادر الوطنية والأجنبية سواء تدريبية أو إدارية أو لعيبه هي في نادي الهلال فقط .... وترجع الصفحه تسوي تحديث ... ويكتب لي أخونا قوقل ... ليس طيب حاقدين عليكم إدارة المنتخب .... وهنا اللي اعصب على قوقل بغيت اضغط ( أيقونة ) أغلاق وأعذبه بس هديت اعصابي وقلت لازم أكون حليم معه جيزة جيز بقية الانديه اللي رحمناهم.... اسمعني يا قوقل يا حبيب قلبي المنتخب مش إدارة منفصلة لحالها المنتخب تابع للأتحاد السعودي لكرة القدم وهل ( إتحاد ) تنطوي تحته الاندية السعودية كافة لكن للاسف ضمن هذا الاتحاد ناس ما يهمه سوى شعار ناديهم لو على مصلحة المنتخب فلذلك ليس إدارة المنتخب هي السبب في الموضوع بل من وضعهم في الأتحاد السعودي لأجل خدمة مصالح أنديتهم المفضلة... بس تصدق يا قوقل ياخذون ثلاثة ارباع لعيبة الهلال للمنتخب وفي النهاية يفوز المنتخب وإذا غلطوا وما أخذو لعيبة من الهلال المنتخب يكون للاسف مستواه ( مدحدر) في الارض ... يعني حال لسان المنتخب يقول كيف نعيش بلى ( هلال ) ... وترجع صفحة قوقل تسوي تحديث ويطلعلي هاك السؤال الغريب .. طيب أرفضو تعطوهم مدربكم أو لعيبتكم وخلاص بيتأدب المنتخب ... مسكين يا قوقل المشكلة انك ممكن تعرف وش معننا كلمة الأنتماء لكن صعبه تحس فيها مهما كان هذا الوطن يا قوقل نفديه بكل ما نملك فما بالك لو طلبو مدرب او لاعب أن بغوا ياخذون فريق كامل فدى لك يا وطن بس مع ذلك سيظل الزعيم زعيم يا قوقل ياصديقي العزيز ... مهما كان الهلال جزء من هذا الوطن ولن يرفض خدمة وطنه لو على حساب نفسه لكن هل تعلم بأن في فرق ثانيه لا تساعد الوطن وتمسى بأندية الوطن ... هل تصدق يا قوقل في أندية تقول الوطن ضدنا مع أن كل خدمات تقدم لهم ويتهمون الوطن بأنه ظالمهم ؟..... لكن الغريب يا قوقل ان الوطنيه لا تكون الا على حساب الهلال ولا تعليق على ذلك فقد كفى ووفى الامير عبدالله بن مساعد عضو شرفنا ويرجع الذيب قوقل يسوي تحديث قلت الله يعين على أسئلتك وألاقي قوقل كاتب لي بالخط العريض تصدق إذا انا كنت عملاق البحث فصدقني بعد كلامك عن الهلال أنا ولا شي قدام الكيان الهلالي هنيئا لك بالهلال.. صافرة * نحن نعيش في مسرحية كوميدية رياضيه ابطالها معروفون لذلك كتبت المقالة باسلوب كوميدي (لنواكب) التطور..!!! *نحن من ندعم الوطن وغيرنا نادي الوطن.. *كلام بالصميم من الزميل فهد الروقي هل يكون المرتشي مديرا فنيا للمنتخب.. مو كل مرة أيها الأعلام الأصفر... *كاس ولي العهد أعداد للأسيوية فما نحن فاعلون كجمهور !!!! *كنت من اشد المعارضين لرئاسة الامير عبدالرحمن بن مساعد ومع ذلك اثبت لي مقولة لا تنتقد شخصا حتى ترى عمله وما تنازل الامير بندر الا خير دليل .. فعذرا سمو الامير لجهلي بعملك وانتقادك دون وجه حق ودون انا ارى عملك ... *رجوع الداعم (للعالمية) بجوار المسؤول الكبير عليه استفهامات كثيره (والله يستر).. *تصريح البلوي الاخير هو محاولة تخدير لجمهور ناديه وابعاد مشجعي نادي الهلال عن تشجيع ناديهم فاحذرو فياسر ليس بهذه السذاجه ليذهب من نادي الهلال وتصريحه في جريدة الرياض خير دليل عندما قال وهل سيتركني الهلاليون ؟ سبحانك الله اللهم وبحمدك واشهد أن لا اله إلا أنت أستغفرك وأتوب إليك حرر في 20 صفر 1430هـ أخوكم صلاح بن أحمد السليماني |
ماشا ء الله تبارك الله وش هالزين ياصلاح ..وين مخبي هالموهبة وهالقلم الرائــع جميل ماكتبت بأسلوب شيق يصل للقارئ بسلاســة عندما نتكلم عن الهلال وعن منسوبية فإننــا نقف لحظـــات طويلة من الصمت ... فمايميز الهلال هو إبدآع منسوبيــه .. والمسئولين عليــه دائمــا لا يبقى إلا الأفضل .... ودائمــا الناجح محـــارب ... قلم رائــع أنــا ر شبكتنــا لاتحرمنــا من تواجدك ودمتم بزعــامة |
موضوع جمـيل ياصلاح ربـك يستـر من قادم الايام في رياضتنا السعودية ..!! تحياتي لك يالغالي :) خالد |
والله انك تحفه بطـــــــــــل موضوووع رااائع الف شكر |
أول شيء سلمني على الأخ قــوقـل ويعطيك العافية أخوي صلاح على طرحك الراقي جدًا و جميله تلك المحادثة اللتي جرت بينك وبين قـوقــل إقتباس:
أخـــوك .. إبـــراهــيم |
والله من كثر القرائه انلحست مشكوووور اخووي |
هدي اعصابك ان شاء الله مالها الا الزعيم |
السلام عليكم ورحمة الله وبركاته انا من المقلين في الردود على المشاركات ولكن اجبرني اسلوبك وطريقت طرحك على الرد فالى الامام ايها المبدع ونحن في انتضار جديدك |
|
موضوع جمـيل ,,,,,,,,, ربـك يستـر من قادم الايام في رياضتنا السعودية ..!! |
اكثر جمله عجبتني في الموضوع نحن من ندعم الوطن وغيرنا نادي الوطن.. الصراحه ياريت في احد يفهمها وانا متاكد انه مافي واحد صفراوي يقتنع بيها الامن رحم ربي ويبـــ ــــ ــــقى الزعـــ ـــ ـــ ــ ـــيــــم زعـــ ــــ ــــ ــــيم (نــــــــادي الوطن....... الهلال) |
مشاء الله تبارك الله عليك والله ماقصرت يا الغالي الله يعطيك الف الف الف عافيه تقبل مروري |
ما شاء الله تيارك ..... ما شاء الله تبارك الله ...... ما شاء الله تبارك الله قلم رائع من متميز باسلوب مبهر ومريح وممتع في نفس الوووقت الله يسعدك يا صلاااااااااااااااااااااااااااااااااااااااااااااااااااااح باشا والحمد لله هذا جمهور الهلال وانت واحد من خيرة كتابه واتمنى المزيد من الاطروووحات المبدعه المتجدده الله ينور عليك يا صلاح ومزيد من التقدم اتمنى ان تتحفنا بابداعتك على طووووووووووووووووووووووووووووول اخوووك ابو عبدالله بركوتا |
ماشاء الله عليك أخوي صـلآح طـريقة وأسلـوب رائع في الطـرح .. ألجمـت قـوقل بصـراحة :d مبـدع يالغـلا ونتمنـى أن يستمـر هذا الإبـداع |
مشاااء الله تباارك الله قلم رااائع واسلوووووووب جميل مسرحي الله يحفطك لنفسك ولقلمك تحياااتي لك |
| الوقت المعتمد في المنتدى بتوقيت جرينتش +3.
الوقت الان » 08:10 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd