|
إقتباس:
معاكم معاكم .. عليكم عليكم ... إعلامنا السعودي يذكرني دايم بكرة الطائرة .. إرفعلي وأكبس لك شكرا لك اخوي s13s |
الله يخلف عليكم اذا هاذا تفكيركم ابن همام مسوي فيها مسكين وانه مظلوم ياعمى حسوفه هو اول من فكر فى التكتلات فى الاتحاد الهمامى لاتنساء الدبل رحمه الله عليه لما جاء يرشح نفسه وش كان فيه من تكلات كان قائدها ابن همام فى ذلك الوقت ضد عبدالله الدبل وكان المنافسه الوحيد السركال الى لايحل ولا يربط نائب لرئيس صورى اما لو مسك عبدالله الدبل وش راح يكون موقف ابن همام كان ولازال ابن همام يمارس وصايه على الاتحادات عشان يكسب اصوتها والله ثم والله انى راح اكون مبسوطه لما تروح منه عضويه المكتب التنفذى ويسقط او يستقيل من الاتحاد الاسيوي عشان راح اتفرج وتحياتى للجميع |
اخوي راجع معلوماتك عدل وشوف اللي سواه بن همام مع الاتحاد الاسيوي وشوف رؤساء الاتحادات الثانيه وين وصلوو بقاراتهم هذا اول شي من عمرنا واحنا نشكي من التحكيم بالخليج وباسيا وشوف وين وصلو فيه القارات الثانيه وهناك انديه متضرره كثيره من سيطره بن همام على الاتحاد الاسيوي واولها الهلال وسالفه نادي القرن ومرورا باحداث كثيرا جدا ومنها سالفه مباراه القادسيه الكويتي والسد القطر واللي صار فيها وبعدها شوف الحكم اللي صدر وراجعه عدل وشوف اذا بن همام كان عادل فيها والا لا وعندك جائزه افضل لاعب اسيوي اللي خذاها خلفان المهم هذا ما راح يزيد ولا ينقص شي والكل يعرف بن همام ويعرف من يكون والتلفزيونات موجوده بكل بيت والانتر نت بعد يعني الكل راح يدري وراح يعرف من غير ما تقعد تمدح فيه وتعطيه اكبر من حقه والايام راح تبين لك انه على غلط وشوف تصريحاته الاخيره وراح تعرف :D |
وش انجازات ابن همام ؟! الجوائز اللي يعطيها ويمنعها بمزاجه ! أو دوري المحترفين الاسيوي اللي لسه ما شفناه ؟! وكلنا نعرف انه مستنسخ من اوروبا ! او التجاهل الصارخ لاكثر نادي يحقق بطولات اسيوية لأسباب غير مجهولة؟ او بطولة اسيا اللي عملها في اربع دول والكل ضحك عليها ؟ او الحكام اللي تدهور وضعهم بعد ما كان لهم وضعهم القوي عالميا في التسعينات ؟ او خرابيط مؤامرات الترشيح والانتخابات اللي ما كنا نسمع فيها ؟ او هجومه على دول الخليج ووصف بطولتهم الجماهيرية بدورة الشيوخ ؟ واحد ذراعه اليمين يوسف السركال ويشهد بكفاءته احمد اليوسف وش ترجون انجازات من وراه ؟!!! |
لاسف محمد بن همام ليس كفو لهذه المسولية وفيه من هو اقدر منه خلااااااص كفاية مجاملات يابن همام وان شاء الله نسمع بخبرك اجلا بصراحة ما يستاهل ان يوضع في منصب كهذا المنصب ع العموم .. بالتوفيق للمرشح الجديد وتأكل غيرها يابن همام |
صباح الخير ابو طلال .. أوافقك على احترافيته و جهده المميز بالاتحاد الاسيوي .. و أذكر لما ترشح الدكتور حافظ المدلج لعضوية المكتب التنفيذي كان معه لقاء و قال إن شخصية بن همام عن قرب مميزة و تعامله منظم ! و أوافقك إنه أحسن من اللي عندنا .. أقل مافيها كلمته مسموعة .. و يتكلم بتوازن حتى لو كان هو الغلطان .. يعرف يرتب الكلام .. مايطلع كلمات تسيء له مثل ( تبربرون و أربيكم !!!!!!!!) و مع هذا كله حضوره للرياض الأيام اللي راحت و تصريحة الأخير إنه قبًل يد الأمير سلطان و طلب تقفيل الموضوع .. هذا يحسب له تصرف سليم ,, حتى لو جاء أحد و قال عشان يبي يجمع أصوات أو يكسب رضاهم ,, هذا الشيء من حقه ,, يكفي إنه ماكابر و قال ماتهموني ! بعدين الصدق ارتفع ضغطي من حماس اعلامنا باهانته الأيام اللي راحت .. يعني عشانه قال الحقيقة عن سلطان بن فهد .. خلاص عطوا الجميع الضوء الأخضر إنه يسب فيه ؟؟ معليش ,, سبق و انضر الزعيم من الاتحاد الاسيوي و ماتكلم أي أحد ! أوافقك إنه شخصية جيدة و ذكية بشكل عام ,, لكن مع هذا ماننسى إنه مو مقتنع بنادي القرن .. أو ننسى جائزة الشلهوب ! أقصد يعني إن له مساوئ مع الهلال ! طولت الرد ,, لكن الصدق كنت بكتب موضوع شبيه بهذا .. لكن دامك كتبت خلاص يكفي اكتب اللي عندي بموضوعك :) سلام |
صباح الخير ياوجه الخير :rose: إقتباس:
اعجبتني هالجملة من بدّ الموضوع :yes: الف شكر لك يالغالي :rose: |
إقتباس:
اخوي ابو طلال اغلب الجماهير العربية لا تتقبل الرأي الاخر وتتعامل معه بقسوة انا اخوي ابو طلال اختلف معك .. احنا نذكر الدعم الاعلامي الكبير الذي قدم لبن همام من قبل اشخاص محسوبين على الاتحاد السعودي .. واكيد بناءً على رغبة وطلب سلطان الرياضة خلفان ابراهيم << اسم نكرة لم نعرفه الا وهو يكرم كأفضل لاعبي القارة الاسيوية والسبب ( صلة القرابة بينه وبين ابن همام ) ... نادي القرن << تأكد لو ان نادي الغرافة او احد الاندية القطرية حققت اكثر الانجازات القرية لاخذت اللقب بسرعة البرق .. وتأكد ان من سيرأس الاتحاد الاسيوي بعد بن همام سوف يمنح الهلال اللقب المسلوب منه .. بالمناسبه رئيس الاتحاد الاسيوي السابق قد كان عازم على اعلان نادي القرن .. ولكن حول الاوراق لابن همام قبل انتهاء فترة رئاسته .. التحكيم وما ادراك مالتحكيم << الا ترى ان السركال لايفقه في التحكيم شيء ومع ذلك هو رئيس لجنة الحكام بالاتحاد الاسيوي ؟ .. الا ترى العنجهية فالتعامل مع كل ما يمت لرياضة السعودية بصلة ؟؟ اذا كنت لا ترى فيجب عليك ان تراجع نفسك وتتراجع عن المديح الزائد فيمن هو لايستحقه <<< وجهة نظر تقبل مروري ودمت بود |
ليكون نسيت سالفة الشلهوب لاكن هو افضل الموجود هذا رايي |
إقتباس:
والله يا اخي - ما ادري حنا ما فهمنا ابن خمام والا ابن خمام ما فهمنا - الرجل ما همه الا مصالحه الشخصيه .. والمحسوبيات ومصلحة الانديه القطريه وديرته بس لو كان اللي ماسك الاتحاد الاسيوي سعودي كان سوي احسن منه .. وما خفي كان اعظم من الاتحاد الاسيوى .. هذا رايي ارجوا قبوله بصدر رحب .. |
إقتباس:
الرجال الله ماقال إلا الصدق .. كل هالهجو م من إعلامنا على إبن همام بسبب ( زعل ) الأمير سلطان على إبن همام ... هذا شي معروف ومااحد ينكرة إعلامنا يهاجم وهو غير مقتنع .. ويمدح وهو غير مقتنع !! |
حكـــــــومــــــة انـــــــــــحش أنت ويـــــاه عطـــني كاتب الموضوع : ههههههههههههههههه |
إقتباس:
وهذا الصحيح .. على الأقل في الغالب .... فرقة حسب الله مقدمة خدمة ا لترفيع ( والتطبيل ) بشكل رائع :naughty: |
إقتباس:
نقولهم كيف يرسلون خطاب بالغلط .. وهي غلطة إعترف فيها إبن همام .. ولدية الشجاعة للإعتراف بالخطاء .. لكن وين شجاعة ربعنا من تعليق رفع تقرير حكم مباراة النصر والرائد واللى ماجت عقوبتها إلا بعد 11 يوم !! وكل لجنة ترمي المصيبة على الثاني !! أما موضوع السركال .. فلا تتوقع اننا زعلانين عليه علشان كلمة السركال على الحكم السعودي ( خليل جلال ) يوم قال خله يروح يبيع فجل احسن له !! واللى ذكروا انهم زعلانين على هالكلمة !! ( نسينا ماكلينا ) ونسينا إتهامات البعض من رؤساء الأندية بعض الحكام بالرشوه والدخول بالذمم .. وحتى وصلت بهم الحال بالإستهزاء بخلقة الله ( وإلا نسينا ( إسماعيل ياسين ) عمر المهنا وأبو شامة ( صالح الحمادي ) والرشوه من الهلال للحكم سعيد بلقولة ( الله يرحمة ) وكل هذا واكثر .. لكن يوم قال السركال ليت خلال جلال يبيع فجل في بيشة احسن له يقالهم زعلوا .. والسبب الحقيقي من هالحملة ضد السركال معروفة .. وهي بإختصار ذكره بأن الرياضه العربيه والسعوديه بحاجه لشخص مثل الأمير فيصل بن فهد رحمة الله .. وهالشي مو بس السركال يقولة .. كلنا نقولة .. وياما ترحمنا على ابو نواف في كل مصيبة تطلع لنا في إتحادنا وخارجة !! هذا اللى زعل البعض شكرا لك |
دايماً إنت يالغالي شعارك خالف تعرف وأكتفي بهذا القدر من التعليــق ... |
| الوقت المعتمد في المنتدى بتوقيت جرينتش +3.
الوقت الان » 06:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd