موضوع رائع جدا جدا جدا لذلك قلت لازم اجيبه لكم هنا تشوفونه
وانتم مرتاحين في موقع الزعيم لعيونكم :
نسيت اوجه الشكر لصاحبه " دبدوب "
تفضلوا:



طريقة الاشتراك في خدمة DSL للاتصال بالانترنت
في السعودية

أولاً: التأكد من أن الخط الهاتفي المتوفر عنـدك
تقدر تستعمله للخدمة الجديدة وطبعا لازم يكون
في حدود ال 5 كم إلى 6كم ما يتعداها ولا ما تقدر
تشترك في الخدمة.
لتأكد من قابلية خط التلفون للاستعمال اذهب إلى اللنك التالي
http://www.shabakah.net.sa/arabic/dsl-ar/dsl.htm

ثانيا: تعبي نموذج خاص بشركة الاتصالات وتقدمه لهم
( طبعا لا تنسى انه لازم ما يكون عليك مديونية أو انك
تكون بلاك لست في الشركة عندهم ولا غير كذا إنسا
الموضوع وجدد اشتراك عن طريق الاتصال العادي).
طبعا في بعض الشركات هي الى تقوم بالإجراءات
هذي نيابة عنك وتقوم الشركة بعد ما تقدم لها الطلب
وطبعا يمحطونك ب 300 ريال الله لا يهينك تدفعها
كرسوم تأسيس للخد مه يقومون بتحويل الخط إلى
ديجتال وطبعا الكلام هذا يأخذ تقريبا مابين الأسبوع
وعشر أيام إذا طولوها مره.

ثالثا:الاشتراك في إحدى الشركات المقدمة للخدمة وأنا
الصراحة استغربت من الشركات حيث أن الأسعار
متفاوتة بشكل ملحوظ ولاأدري وش السبب
وأنا استفسرت لكم من بعض الشركات عن الأسعار
وانتو شوفوا الأسعار واخذو الي يناسبكم
طبعا إنا أتكلم عن الاشتراكات للأفراد الي مثلنا
يعني اشتراك منزلي

1- جيل للانترنت
64 Kbps ب 250 ريال
128 Kbps ب 500 ريال
256 Kbps ب 1000 ريال

ويقولون إذا بتأخذ المودم من عندهم بيعطونك إياه ب 800 ريال
نوع ALCATEL وهو عن طريق USB
www.jeel.com

2-صحارى نت
ما عندهم 64 Kbps
عندهم 128 Kbps ب 250 ريال
256Kbps ب 395 ريال
وعندهم شرط لا والله شرطين
انك ما تشترك اقل من ثلاث شهور
والثاني يقولون ادفع لنا 500 ريال
عشان نركب لك المودم والسبليتر ونضبط لك كل شي
ونعطيك ضمان واذا مانت بدافع هالخمسمية ريال لاتدق
علينا ولاتقول ان الخط يشوش ولامايشوش ولا تقول فصل
ومن هالكلام لا وعندهم المودم بالف ريال نفس الشي الكاتيل
www.sahara.net.sa

3-شبكة نت
ماعندهم الا سرعة 64 Kbps ب 290 ريال
والباقي للشركات.
www.shabakah.net.sa

4-سعودي نت
64 Kbps ب 230 ريال
128 Kbps ب 380 ريال
256 Kbps للشركات فقط
والشركه هاذي تأخذ 220 ريال عشان تركب لك
المودم والسبيلتر وتعطيك ضمان عليهم
www.saudi.net.sa

5- نسما نت
64 Kbps ب 300 ريال
128 Kbps ب 500 ريال
256 Kbps ب 900 ريال

وهذ ولي يقولون المودم مع السبيلتر مع التركيب
ياخذون 2000 ريال واذا ماتبي المودم من عندهم
يركبون لك ب 500 ريال.
www.nesma.net.sa


على العموم هذي بعض الشركات ونبذة عن اسعارهم
والصراحه شي يحير

وعلى فكره تجيك على فاتورة التلفون 220 ريال للشهر الواحد
كرسوم للخدمة يعني شركة الانفصاليات تبى تقص على ظهورنا
في كل شي كاننا سارقين هالفلوس الي ندفعها لهم طبعا هذا المبلغ
غير سعر الاشتراك مع مقدم الخدمة بس صراحه انا شوف انه اهون
من الاشتراك العادي فلوحسبناها للشخص الي يستعمل الانترنت لمدة
خمس ساعات يوميا خلنا نقول متوسط الاستعمال
*خمس ساعات في اليوم لسعر الاشتراك لمقدم الخدمه (اغلب الشركات)
تأخذ ريال للساعه =5 خمسة ريال لليوم الواحد
*خمس ساعات في 3ريال للساعة الواحده للشركة الانفصالات =15 ريال لليوم
*في الشهر (5+15)لليوم * 30 = 600 ريال يعني تدفع هالمبلغ الي صراحه
يقص الظهر وزياده على كذا ياليت هالسرعه في التصفح والتنزيل الا غثا
وتحوم كبدك اذا بغيت تنزل برنامج ولا تتصفح موقع مثقل شوي بالصور
يعني في هالحاله الواحد صراحه دافع المبلغ دافعه يدفعه على شي يسوى ولابلاش
سرعة في التزيل تصل إلى 50 و70 كيلوبايت ماهو مثل الاتصال العادي اذا
قطعت نفسها 4 كيلوبايت وسرعة في التصفح وبعدين شابك 24 ساعه لا وخط التلفون
شغال اللهم يبيلك تدفع حق المودم وحق تحويل الخط إلى ديجتال وانا انصح انك تشترى
المودم من المحلات الي تبيع أجهزة الكمبيوتر لان صراحه بعض الشركات مبالغة في
الاسعار بشكل ماهو بسيط

الأخ أزرقاوي..
بالفعل نعتب على مثل هذا التفاوت الكبير في الأسعار...و هذا شيء يحيرنا كمستخدمين ...
عموما خدمات الانترنت قاعدة تتطور بسرعة، فقبل ال dsl كان يوجد في الخارج ما يسمى بـ isdn ، و هذا جابوه للسعودية لكن ما أظنهم استحدموه و السبب هو وصول ال dsl و أيضا زمن ال isdn انتهى من حوالي 10 سنوات!.. و أخشى أن ينتهي زمن ال dsl و تخرج تقنية جديدة قبل أن نتمكن من شرائها ! و هكذاّ

الف مليون شكر

شكرا لكم
اعتقد ان اللي يستخدم الانترنت لاغراض غير تجاريه يقدر يصبر على الوضع الحالي مثل ماقال الأخ اللهوب : خدمات الانترنت قاعدة تتطور بسرعة، وانشاءالله تنزل الاسعار وتتحسن
الخدمات .
تحياتي

1000 شكر لك اخوي على المعلومات القيمه