|
اخوكم محتاج النصح فلا تبخلوا علي بسم الله الرحمن الرحيم السلام عليكم ورحمة الله وبعد اخي الصغير بدأت عليه علامات الانحراف فلقد وجدت في جيب ثوبه شمه او ما يسمى تمباك يا اخوان كيف اتعامل معه في هذا الوضع مع العلم انه في سن المراهقة وشكرا مقدما |
لاحول ولاقوة الا بالله والله اني ماعرف التمباك بس اللي املكه اني ادعي له الله يستر عليه وعلى المسلمين واذا انو شي خطير فاتوقع المواجهه احسن حل لانه مراهق واللي تجراء على شي بيتجراء على اكبر منه الله يصلح حال الجميـــــــــــــــــــــــــع |
و عليكم السلام ورحمة الله وبركاته الله يصلحه و يهديه و جميع شباب و بنات المسلمين رأيي انه لازم يعرف انك عرفت والمفروض انه يخاف و غير كذا خل احد يكلمه و ينصحه بشرط انه يكون اخوك يثق فيه ويعزه ولازم تعرف من يصاحب وليش اتجه لهذا و هو بعده صغير فتغير الاسباب يحل جزء من المشكله على العموم فيه لجنة استشارات اجتماعيه لحل قضايا ومشاكل متعدده يكون لها رقم ثابت تدق وتشرح لهم ويعلمونك كيف تتعامل مع اخوك و تغيره أختــــــــــــك |
وعليكم السلام ورحمة الله وبركاتة..:rose: للأسف لايوجد في المنتدى هنا أختصاصي في مثل هالأمور ومثل هالأمور تحتاج لرأي مختص سأقول لك إقتراح أجلس مع أخوك وتكلم معه بصراحة وشفافية بداية أسئلة الغرض هذا لمين ؟؟ وأكيد راح ينكر أن الغرض له تعامل معه بحب وأكسب ثقته لاتعصب علية وأسمعه تكلم معه عن أضرار هالأمور وياليت تجيب له صور وتفهمه أن الأمر راح يبقى سر بينكم وأنك راح تساعدة يبعد عن هالشي بدون ما تدخل أبوك أو أمك فيما لو وثق فيك وتعاون معك إن كان الأمر وصل للأدمان هي زيارة لمستشفى معالجة الأدمان وإن لم يصل فزيارة لأخصائي نفسي وفية عيادات في أبها لمثل هالأمور والإستشاري حتى يساعد أخوك لبداء خطوات متزنة على الطريق الصحيح خليك قريب منه وصادقة ولا تحسسة أنك تراقبة أو تفرض علية رأيك خلية هو المتحدث وهو من يتخذ القرارات يعني أسألة عن أضرار الشمة وفوائدها وخلية يقارن بين الأضرار والفوائد طبعا أنت وجه السؤال وهو يستنتج الإجابة خلية يفكر في نفسة بعد عشر سنوات من الآن وهو في هالطريق اللي أختارة كيف بتكون حياته وبعدين يفكر في الخيار الآخر المتظمن وظيفتة ودراستة وحياته المستقيمة بعد عشر سنوات كيف بتكون ثمرتها في آخر الأمر لو حس أنه خيار التوقف والإبتعاد عن هالطريق هو خيارة بيتوقف لكن هو ما سلك هالطريق الا ليثبت رأية ورجولته وبإمكانكم تحسسونة بهالأمر بإعطاءة مسؤلية والثقة فية وعدم الضغط علية ليكون كما تريدون بل ضعوا له الخيار ليكون مايريد أتمنى أكون أفدتك بشي بالحب والإشراق |
لاحول ولا قوة الا بالله انا انصحك اخوي انك تكلمه بكل عقلانية وهدووء وتبيــن له مخاطرهـا واضرارهـا وتخليـه يتحدث لك ليش سوا كذا واهـم شي انك تشوف من اصدقائه ومن صديقه المقرب له ويفضل ان الي يتكلم معه شخص يحبه ودائم (يفضفض) له والله يبعد اخوك والمسلمين عن الامور هذي |
وعليكم السلام ورحمة الله وبركاته انصحه ولا تعنفه إطلاقاً |
مرحبا اخوي عليك باللين معه والكلام الطيب ينفع معه وانتبه من الشده واذا كان اخوك علاقتك معه حلوه ويمون عليك وتمون عليه كلمه انت اما اذا كان الولد يستحي منك ومن هالقبيل شف اكثر شخص يحبه اخوك ويرتاح له اخته او امه او ابوه وخله يكلمه وصدقني النصيحه بالحسناء تنفع ... ولاتقرب للشده ... |
كل الشكر للأخوان والاخوات بنصائحهم التي استفدت منها كثيرا |
تغيير بيئته هو أهم شي في الفترة الحالية ليتك وضعت عمرك وعمر اخوك ومستواكم التعليمي فهو أفضل يعني حاول تشغله عن خوياه واصدقائة بأي شيء صادق اخاك وشاوره وحسسه انك محتاج اليه بقربك اذا كان فارق العمر بينكم قليل فكن انت واياه دائما ان تركته لرفقاء سوء فلن يمر الأمر بسلام |
والله مدري وشو هاللي لقيته بس اسمع يآخوي تعال بالاسلوب الطيب ولاتتركه ابد ابد وابعده قد ماتقدر عن اصدقاء السوء العطله جايه لو تاخذه وتسافر معاه لاي مكان وتوثق علاقته فيك اكثر واكثر وياحبذا لو تروحون مكه يالله من فضلك { وأسأل الله العظيم في هذه الساعه المباركه ان يصلح اخوك ويهديه ويقر عينكم فيه} [ اللهم آمين] |
عندي لك نصيحه وحده اقولك وش هي هالنصيحه: اول شي اذا قعدت انت وياه مع بعض اذكره قصه مثال: تقوله انت تعرف واحد كان يستعمل نشوق ولقوا عنده مثلا سرطان منه ومات الله يكفي اخوك وجميع المسلمين المهم ولا تذكرله انك شفتها في جيبه خلك ساكت واعطيه من الكذب من خله يخاف وقله يصنعون النشوق من غائط البس الله يكرمكم وبس هذا النصايح لك احسلك انتبه تعانده ولا شي ترا المرا هق اقوى معاند اسال مجرب |
إقتباس:
مستواي العليمي جامعي واخوي يدرس ثاني ثانوي |
لاحول ولاقوة الا بالله الله يصلحه ويهديه |
والله العظيم نفس المشلكة مع إثنين من أبناء عمي واحد عمره 19 والثاني 18 والله إني ما ادري إيش أسوي لكن مالنا إلا الدعاء...! |
لاحول ولاقوة الا بالله والله اني ماعرف التمباك بس اللي املكه اني ادعي له الله يستر عليه وعلى المسلمين واذا انو شي خطير فاتوقع المواجهه احسن حل لانه مراهق واللي تجراء على شي بيتجراء على اكبر منه الله يصلح حال الجميـــــــــــــــــــــــــع |
| الوقت المعتمد في المنتدى بتوقيت جرينتش +3.
الوقت الان » 02:07 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd