آهـ يالريــاض.. وياترى ذيـب رمـاح مـن ويـن يشـرب ؟؟ - نادي الهلال السعودي - شبكة الزعيم

Fahad Al Sudais · #1 12/02/2009, 05:45 PM

حيــــــــــاكم

هلا والله

حيّهم وابقهم وارزقهم ووظفهم باللي يبون ( اللي يبي د.كيف واللي يبي يصير وزير )

الموهيييم

قبل ابدأ..

( قالوا وش تفكّر فيه ؟؟.... قال : بذيب رماح من وين يشرب )

----------------------------------------------

فلان
زعيم مميز

آهـ يالريــاض

كم هي رائعة تلك اللحظات التي أهيم بها فيك ..

وكم اتوق شوقا لأن اكتبك قصيدة لم تقرأ بعد ..

وزنها ( العشق ) وقافيتها ( الشوق )

هل تراها من خاطري وقفات ؟؟

أم هي ذكريات .. طغت على ابيات .. فاشتعلت من سباتها نبضات

أم تراها طقوس عرّجت على قمم شاهقات

لب الحديث وزبدته ..

لزاما على كل من يدّعي العقل.. ان يقف ويتدبّر ( سحر الرياض )

رد العضو ذيب رماح على الموضوع :

موضوع قصير..... مشكور على العموم !!

اقتباس :

لزاما على كل من يدّعي العقل.. ان يقف ويتدبّر ( سحر الرياض )

اعتقد من غير اللائق شرعا أن نختزل التدبّر كعبادة شاملة في حبك لمدينة جوّها مليان غبار

مشكور ....

---------------------------------------------------

مزيونة الزعيم
زعيمات بلاحدود

آهـ يالريــاض

كم هي رائعة تلك اللحظات التي أهيم بها فيك ..

وكم اتوق شوقا لأن اكتبك قصيدة لم تقرأ بعد ..

وزنها ( العشق ) وقافيتها ( الشوق )

هل تراها من خاطري وقفات ؟؟

أم هي ذكريات .. طغت على ابيات .. فاشتعلت من سباتها نبضات

أم تراها طقوس عرّجت على قمم شاهقات

لب الحديث وزبدته ..

لزاما على كل من يدّعي العقل.. ان يقف ويتدبّر ( سحر الرياض )

رد العضو ذيب رماح على الموضوع :

هلا وغلا مزمز

يالله حيّه يالله حيّه

وش هالابداعات على الصبح

ابداع .. متعه .. خيال

اقتباس :

كم هي رائعة تلك اللحظات التي أهيم بها فيك ..

وكم اتوق شوقا لأن اكتبك قصيدة لم تقرأ بعد ..

بل هي الرياض من تشتاق لنفح طيبك

وتهيم بروعة روحك يامبدعة

حركتاتاتاتاتاتاتاتاتاتاتاتاتاتاتاتاتاتاتـــ والله

اقتباس :

وزنها ( العشق ) وقافيتها ( الشوق )

ماهذا التجلّي ؟؟

ابداع وربي ابداع

اقتباس :

هل تراها من خاطري وقفات ؟؟

أم هي ذكريات .. طغت على ابيات .. فاشتعلت من سباتها نبضات

أم تراها طقوس عرّجت على قمم شاهقات

بل هي من ورد احساسك عبير ونفحات

ابدعتي ابدعتي مزمز

اقتباس :

لزاما على كل من يدّعي العقل.. ان يقف ويتدبّر ( سحر الرياض )

يا الله

لا لا لا... ما استحمل انا

جملة اكبر من من مستواي... واكبر من أي رد... وين الرد اللي يليق بها

بل أنه لزاما على كل من يدّعي العقل.. ان يقف ويتدبّر سحر طرحك مزمز

وهـ بس مزمز

عاجز عن التعبير... اعذريني على التقصير

تتوارى الكلمات خجلا امام ابداعك

بانتظار جديدك بفارغ الصبر وبكل لهفة

تقبّلي مروري

--------------------------------------

<< قمّة البراءة

Carlitos 32 · #2 12/02/2009, 05:52 PM

هلا بالصخرة

وش هـ المدح ..! يارجال ديرة ما فيها الا الغبار والهم ..!

الله لايورينا سمومها بس

مادري وش معجبكم فيها يا اهلها ..!!

ترى حنا نسميها بـ حايل .. ( ديرة مشاغل )

لاحد ينبرش امزح ترى

,

عوافي الصخرة ..

Hictar · #3 12/02/2009, 05:57 PM

الرياض ما تنبغى ( وهذا رأيي فيها من زمان )
لكن اللي محببني فيها
هم ( اللي ساكنين فيها ) !!!.

موهوب القصيم · #4 12/02/2009, 05:58 PM

اهلاً بالمبدع

يسلمو عزيزي

بس صدز انا احب الرياض وبنفس الوقت اكرها

احبها علشان اخوياي وجلست الاستراحه والونس فيها وفلة الحجاج

اكرها علشان زحمتها تبط التسبد

بس عن جد توسع الصدر

الف شكر ياصخرتنا

تقبل مروري

...][ هلالي الخبر ][... · #5 12/02/2009, 06:04 PM

مزينها

اهلها

الغدير الازرق · #6 12/02/2009, 06:59 PM

^^
إلا قوول مزينها غبارها

نحبها اييه نحبها بس مو عااد عشانا نحبها تقووم تغدر فينا

وتقلب جوها غبار

والله ياخوك ماودك تسكن فيها وقت الدوامات

ودك يكون دواامك بطريق صحراوي ولا يكون بوسط المدينة

Fahad Al Sudais · #7 12/02/2009, 07:53 PM

إقتباس

الرسالة الأصلية كتبت بواسطة Carlitos 32


	هلا بالصخرة وش هـ المدح ..! يارجال ديرة ما فيها الا الغبار والهم ..! الله لايورينا سمومها بس مادري وش معجبكم فيها يا اهلها ..!! ترى حنا نسميها بـ حايل .. ( ديرة مشاغل ) لاحد ينبرش امزح ترى , عوافي الصخرة ..

حيّاك يالـ طربه

<--

وش علومك يابعدي

وازيدك من الشعر بيت... بكل ( ربعه ) مطعم بروستد

مشكور يامال اللّي << قصدي يامال العافيه

هلااالي وأفتخر · #8 12/02/2009, 08:12 PM

أنا ألاحظ إن الردود عن جمال الرياض ..
وهذا شي ما نختلف فيه

لكن حسب ما فهمت إن المقصد من الموضوع شي ثاني ..
فلا أكون أنا فاهم خطأ :/ ؟

وقبل لا أرد ع الموضوع..أبسئل صاحب الموضوع :-
هل أنت صخرة مؤنثة أم مذكرة ؟..

لأن الرد يتغير بتغير الجواب

<< وزي ما قلت .. هذا الفيس يبين قمة البراءة

Mesh3L 21 · #9 12/02/2009, 08:16 PM

صخرهـ وش ذآ ..

أنت تتعآطى هيروين ..؟

يآخي الوآحد ينزل موضوع ويقول متعوب عليه ..

.. وأنت بكل قسم تكتب موضوع ..

أهب وش هالنشآط اللي عن أعضآء منتدى كآمل ..

لآ والله يآلغآلي كنت عم بمزح معك < القآموس خربآن هاليومين يقلب سوري كثير ..

جعله دوم يآرب هالنشآط ونشوفك كآتب بأحد هالجرآيد ..

الحين أنت صآدق يوم تقول الريآض حلوهـ ..

انا بالقوه متحملهآ وأفكر أول مآ أخلص ثآلث أطس أي مكآن الشرقيه ولآ أم صلآل ..

وصرآحه كلآمك عين الصوآب ..

الخروف تلقآه يمدح أسلوب طرح البنت بينمآ ينتقد أسلوب الولد ..

أحسن حل أني أسجل بيوزر بنت وأصير أحسن عضو بالشبكه ..

تسلم على هيك موآضيع وجعله دوم هالنشآط < عشآن مآ تقول مشعل صكني عين ..

هآك ..

مرسول الهلال · #10 12/02/2009, 08:18 PM

الرياض !

ياشيخ هـ المدينة الوحيدة اللي ألقى فيها راحتي النفسية !

وصحيح من قال الرياض ما تنفع الا لـِ اهلها .

الصخرة

لاهنت .

Fahad Al Sudais · #11 12/02/2009, 08:31 PM

إقتباس

الرسالة الأصلية كتبت بواسطة مواصل من عام 1413هـ


	الرياض ما تنبغى ( وهذا رأيي فيها من زمان ) لكن اللي محببني فيها هم ( اللي ساكنين فيها ) !!!.

اللي محببك فيها... اللي ساكنين فيها... وحق الكبدة اللي ممتحنك بالطماط

منوّر عبّودي

يازين الـ ورد مجفف

Fahad Al Sudais · #12 12/02/2009, 08:35 PM

إقتباس

الرسالة الأصلية كتبت بواسطة موهوب القصيم


	اهلاً بالمبدع يسلمو عزيزي بس صدز انا احب الرياض وبنفس الوقت اكرها احبها علشان اخوياي وجلست الاستراحه والونس فيها وفلة الحجاج اكرها علشان زحمتها تبط التسبد بس عن جد توسع الصدر الف شكر ياصخرتنا تقبل مروري