|
اذا أقيل الجوهر سيتدهور الزعيم ... السلام عليكم ورحمة الله وبركاته :rose: .. اتوقع من العنوان يا اخواني واضح الموضوع :yes: .. 1- يامن تطالبون باقالة الجوهر هل فكرتم بمن سيخلفه ؟؟؟ 2- ومن سيتضرر من إقالته ؟؟؟ 3- هل فكرتم لو تأهلنا ماذا سنفعل ؟؟؟ بمجرد ان تفكر بهذه الأسئله ستجا وب لا إرادياً .... ج1- نسبة 99% كوزمين ... ج2- الزعيم ج3- مثل العاده نرجع ورصيدنا بدون اهداف وعلينا من 12 الى 15 هدف والنقاط 0 كبر خشتي :d .... ماستفدنا من التأهل إلا الفضايح بالأربعات والثمنيات !!!! وتعادل واحد مع منتخب مثله مثلنا او يمكن افضل مننا ببعض المراحل ... واللي عجزت افهمه إلى الان لماذا إذا نجح معنا المدرب نطرده والعكس صحيح ؟؟؟؟ وبالنهايه لا تحرق اعصابك مع منتخب غريب الأطوار .... وخلك مع الزعيم اقل شي بطوله بالموسم الواحد :alzaeem: |
مادام هذا المستوى من الافضل ان لانتأهل انا اتمنى المنتخب يتأهل اذا فيه مستوى لاكن بهالمستوى اتمنى مانتاهل |
اصلا من الغلط انك تجيب مدرب للمنتخب السعودي يدرب نادي سعودي سواءا كوزمين ولا غيره حتى لو ان شالله فيرقسون لانه المتضرر النادي فقط ولا اش ذنب النادي يجيب مدرب بهاك الحكايه في الاخير ياخذه المنتخب هذا غير التشكيله اللي يختارها والتي لن تخلو من مجاملة فريقه وماني عارف ايه..جيبوا مدرب خاااااص للمنتخب وعاااااااااالمي بلا جوهر بلا كلام فاضي رجوا امنا فيه ولا شفنا منه حسنه وحده. تقبل مروري. |
هلا اخوي ابو ريما لي الشرف انك رديت على موضوعي :d ... انا معك المستوى هذا بصراحه غير مشرف لنا كسعوديين .. عام 2002 تقريبا كان مستوانا افضل وانهزمنا من المانيا 8 - صفر .. اذا تاهلنا بمستوانا هذا بكم تتوقع ننهزم ؟؟؟؟؟ خلاص يكفينا نفخر بتأهلات بدون فايده ... |
هلا اخوي هلالي & زعيمي مشكور على مشاركتي الموضوع :yes: ... كلامك صحيح 100% مايصلح ان المنتخب السعودي ياخذ مدرب نادي سعودي مهما كان ذكائه او مهارته كمدرب لان النادي خسر عليه ملايين من اجل سنوات معينه مرسومه وفق مخطط للنادي كذا يكون فيه ظلم للنادي ... وانا اتوقع لو صار وعرضوا على كوزمين راح يرفض العرض مهما كانت قوته :yes: .. بس انا خايف ان الهلال من نفسه يتنازل عن كوزمين للمنتخب هذا اللي يخوفني ... |
قســم بالله لو مايتأهــل المنتخب ازيــن لان ماراح يرجعون الا بالفشايل وطيحة الوجيــه ..’’ اقضبوا ارضكم ازين لكــم .., مانبي لا اربعات ولا ثمانيات ولا طعشاات ..,! اجــل مبروكـ زايد يستهبــل ع مهاجمين اوكرانيــا تقل حارس البرازيل !! لين دقونا دق ورحمتن من الله انــها بس 4 !! والا عــأاد الثمااانيــه اللي ماراح ننساها طوول عمرنــاا ..,! انــاا اقــول لو خلاص مايصير فيــه منتخب ازيــن دااام جــاء الوقت اللي بتوصلنــا عماان لركلات الترجيــه !! والـــوطنيــه لايمكـــن تصير بتشجيع المنتخــب الوطنيــه بالحب والعطــاء لهــذا الوطن الغـــاالي وبذل الغالي والنفيس من اجلــه وان جينا للصدق اغلب لاعبين المنتخب مب سعوديين ويلعبون للفلوس بس .. الله وين ذيك الأياام اللي كان فيها الامير فيصــل يوري اللاعبين الشغل زين وكــانوا ماشيــن سيدا لالف ولادوران .. الله يرحمكــ ياامير الريــــاضيه |
... ياشيخ هذا مو مدرب عليهـ تفكير محدود... ... يعني اليوم تشكيلتهـ بايخة... ...ومن المصلحة انهم يصرفونهـ |
اهلين اختي هلاليه بنت هلالي :rose: ... يكفيني شرف ان سديراويه تشاركني الرأي :d ... ايه ولله انك صادقه الله يرحمك يافيصل بن فهد ماكان يعرف اللف والدوران :yes: ... كانوا الاعبين يحسبون له الف حساب مو مثل الايام هذي !!!! |
هلا فيك اخوي عاشق هلاليه ... انا ابغى اعرف على اي اساس صار مدرب ؟؟؟ لانه سعودي يعني ؟؟؟ اذا كان كذا فهذي اكبر مصيبه ... |
الله يرحم الكوره السعودية راحت مع الجيل الذهبي ورحلت كما رحل الجيل الذهبي ودااااااااااااااااااااااااااااعا ياااااسعويه |
أتمنى أن يتأهل الأخضر إلى العالمية ..... غصباً عنكم حتى لو مستوى منتخبنا سيىء ... بإذن الله سنتأهل |
الثمنيات والاربعات جيبلي دفاع زي الناس مو منتشري وتكر وجبلي حارس زي الناس الدعيع ثمنية اهداف لان الدفاع الي قدامه فاشل |
من قال لك كوزمين بيوافق الحين نادي روماني طلبه رفض تبي منتخبنا ,,! وبعدين اذا تأهلنا بنتطور اكثر ولاعبينا بيستفدون ولاتنسى ان التأهل للمره الخامسه تاريخ ماتدري بعد 10 سنوات منتخبنا وش بيطلع |
يا اخوان المنتخب ماهو بحاجة لمدرب بكثر حاجته لفكر صحيح نحتاج مدرب لكن لو جانا مورينيو مهوب ناجح ليش لان ماعندنا فكر ماعندنا ادارة صح جدولة مسابقات سيئة عدم استغلال ايام الفيفا معسكرات طويلة توقفات متكررة للمسابقات عشان مباراة وحدة نعسكر لمدة شهر انتم ما تساءلتم ليش لاعبين المنتخب يؤدون مع انديتهم بشكل ممتاز ومع المنتخب بشكل سئ لان المنتخب مافيه اجواء صحية ولا ادارة ناجحة ولا مدرب قدير والسلام |
يكفي فضااااااااااااااااااااااايح |
| الوقت المعتمد في المنتدى بتوقيت جرينتش +3.
الوقت الان » 01:36 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd