كل ما يخص مواجهة المنتخب أمام كوريا الشمالية ( مواضيع مدموجة ) ‎ - صفحة رقم 11 - نادي الهلال السعودي - شبكة الزعيم

(((9الهلال15))) · #151 11/02/2009, 11:08 AM

ناصر الجوهر اذا لم يعدل تشكيلته وتعديل الفوضى والتمركز..

لم ينجح المنتخب السعودي بالتأهل..

كل مبارات يضعف الامل..

بالتوفيق لمنتخبنا..

S.A.F.O · #152 11/02/2009, 11:08 AM

السلام عليكم

جميعنا يعلم بان عناصر المنتخب .. وما تضمه الكرة السعودية عموما ... هي الافضل نسبيا ..!!

ولكن المتامل بوضع المنتخب ... يكاد يجزم باننا نلعب بدون تكتكيك ... بدون مدرب .. او ان المدرب بالرياض ..!!

ياجماعة لو كان معك فراري ... وما معك احد يعرف يسوق .... طبيعي ان يسبقك ونيت ..!!

حنا محتاجين سواق ... محتاجين مدرب ... مو فقط يعرف يوظف عناصره بالشكل السليم ... وانما يدرس الخصم .. ويعطي كل مباراة ما تحتاجه ...!!

وقبل هذا وذاك .... محتاجين دم جديد على راس الهرم ... !!

المتابع مؤخرا لوضع رئاسة رعاية الشباب ... يرى التخبط الغير مسبوق الذي يحصل في رياضتنا ..!!

قرارات فردية ... سخط على الاخر ... رمي التهم والبحث عن شماعات ..!!

قبل ان نفكر بتغيير مدرب ... يجب علينا التفكير بفيصل بن فهد اخر ..!!

للاسف ما تم بناءه في عهد فيصل بن فهد ... تم هدمه بكل بساطة ..!!

في الوقت اللي نرى التطور على مستوى انديتنا ... سواء اداريا او فنيا ... نرى التراجع ملموس في ادارة من يقود دفة الكيان ..!!

لا بد من مواكبة للحدث ... في السابق تتعامل مع موظفي دولة ... والان تتعامل مع محترفين ..!!

سلطان بن فهد ... استريح لاهنت ... ودع غيرك يحاول ..!!

ابو متعب .. ما حصل اليوم ... يعتبر فرصة ... لوضع حد للتخبطات السابقة ..!!

((فضفضة واحد ما نام الا 3 ساعات وحب يتابع منتخب بلده))

تحياتي

only.z3eem · #153 11/02/2009, 11:08 AM

هذآّ المدرب يحط آسمآّء آلآعبين آلآسآّسيين فقـط ..
وآلآّعبين عليهم آلبآّقي يعني بدون تكتـيك مدَروس ..
^
آلي يسسوي كذآّ تسـميه [ مُـدرب ] ! ؟

متيــم الهـــلال · #154 11/02/2009, 11:08 AM

المسؤول : ما فيه شك نجدد الثقه في المدرب فالمدرب قدير جدا
وممتاز جدا وكادر وطني جدا

المدرب: 4-4-2 والتكتيك عليكم لا هنتو

اللاعبين : وش هالوهقه حطها بروسنا

المسؤول لللاعبين عندكم مدرب قدير جدا لا تفشلونا
المدرب : ليتك تدري ان ما عندي سالفه بس يلا زيادة رصيد

المسؤول للمحللين : لا تبربر انت واياه اهم شي الاخلاق السعوديه

رسالتي للمسؤول : كيف الحــــــــــــــــــــال

الاباتشي ردريقو · #155 11/02/2009, 11:08 AM

بسم الله الرحمن ا لرحيم
.
السلام عليكم ورحمة الله وبركاته
.
لن أقول هاردلك لنا لأن المنتخب فاشل بمعنى الكلمة وفيه مدرب جبان من الدرجة الأولى
منتخب يلعب بدون روح سحب لاعبين من الأندية على منتخب لا يستحق تضحية الأندية
بلاعبينها لأجل سمعة الكرة السعودية منتخب مثل كوريا الشمالية الزلايب يلعب بأعصابنا
لعب منتخب ماله أي إنجازات ولا له أي حس يغربل فينا .
.
عيب والله عيب مدرب مثل الجوهر يعطونه وجه أكثر من الازم بدل ما تصنع روح كبيره
بلاعبينك تجي وتعميها وتلعب بخطة دفاعية وياليت الدفاع مسوي شي إلا دجة بدجه ولا فيه
أي مساندة من المحاور تاركين قلوب الدفاع ياكلونها لحالهم ومن ورطة لورطة ثانية وبكل
غباء وهدف ماله معنى ينضرب دفاعنا بمعية المحاور .
.
يكفيكم ضياع يكفيكم قهر يكفيكم تعب لقلوب هالجماهير بالله لو تأهلتوا وش بتسوون قدام المنتخبات
الكبيرة أنا أشهد إنها بترجع أيام 2002 أقسم بالله لو هالمنتخب يترك عنه هالمعسكرات إلي فيها تدريب
للجيش وليس للاعبين كرة قدم ويصير مثل هالعالم كان سوينا شي ودي أعرف أنا كيف إتحادنا السعودي يفكر !!!
.
عندك مباراة تصفيات ومهمة تجون يالخايبين تسوون معسكر مدته شهر وتجون تعمونها بالنهاية وتودون الاعبين لليابان ورحلة كرفت أم أم إللي جابهم وتلعب قدام منتخب فاشل ومنتخب ماراح
يعطي الاعبين حماس وتلعب ضد تايلند وتجهز منتخبك بمباراة منتخب فاشل !!! هالشي ما يقبله العقل
.
بكل صراحة أتركوا المنتخب وفكونا من هالمنتخب وربي لو يجمعون لهم لاعبين من حواري يلعبون
مع بعض من سنين وتخلونهم كل حياتهم معسكرات مع بعض إن يكون منتخبك من أعظم المنتخبات
بعد هاليوم صدقوني راح أتمنى لمنتخبنا السعودية الهزايم دايم لأجل سبب واحد إنهم ما يفضحونا
إذا تأهلوا لكأس العالم ونجلس بكرامتنا أحسن .
.
ناصر الجوهر أنت جبان ومتعدي كلمة جبان يترك عبده عطيف ويترك الراهب بالإحتياط وما ينزلهم
إلا بعد ما ضاع الوقت ياخي إفهم أنا وأنا مشجع أفهم أحسن منك يالمدرب عبده عطيف من نزل محمد
نور قدر يتحرك ويصنع لكن بعد أيش بعد آخر عشر دقايق تنزله !!! تيسير الجاسم ملعبه بالمحور ويسار بعد وكتمت على وسطنا وتبي تفوز !!! محمد نور كنت مربطه تربيط ولا كأنه دجاج ياخي
محمد نور إتركه لاعب حر وكثف وسطك وإلعب بمهاجمين من البداية بعد كل ما جاك ياناصر الجوهر
من إنتقادات العالم أتمنى وأتمنى كل الناس تنتقده عشان الواحد يفهم إنه مدرب جبان .
.
سلالالالالالالالام
.
.
.

$بروفسور الزعيم$ · #156 11/02/2009, 11:08 AM

بسم الله الرحمن الرحيم

السلام عليكم ورحمة الله وبركاته

لماذا ياسلطان على هذا الرجل خوليو سيزار انجوس الذي ارجع للمنتخب السعودي الهيبة والهيمنة الاسيوية الذي بناء منتخب الاحلام لماذا تم استباعده لتدني مستوى المنتخب امام لبنان بس فزنا عليهم 2 ل1 كم تريدون حتى ترظون 6 ام 7 ام8 ارجوك ان تعيده او تحضر مدرب يليق بالمنتخب السعودي المنديالي بطل اسيا من متى وكوريا ش تفوز علينا اهم تطورو ونحن الى الاسفل ام ماذا فرقنا مهيمنة على اسيا لاعبينا افضل لاعبين اسيا وماذ العلة اررججوووووو الرد

والسلام

:: خالد :: · #157 11/02/2009, 11:08 AM

يارب كل مباريات المنتخب الباقيه هزااااااااايم في هزايم ..

ازين ازين .. من اردى الى اردى ان شالله

بس اهم شي سلامة لاعبين الهلال لايسوي الجوهر فاهم وانه بيتأهل لكاس العالم ..خله يرجع لاعبينا سالمين لا يتصفق

مااقول الا الله يرحمك يافيصل بن فهد بس ..

آسر ياقلبي · #158 11/02/2009, 11:09 AM

بعد هالمباراه

الي خسرها المنتخب السعودي

عندي اقتراح

هو

ان

كل واحد

يروح

لفراشه

ويناااام

أبرك له من مقابل بن جوهر

4 5 1 ها مدري 5 4 1

الا جبت كاس العالم بكبره

SaadNmm · #159 11/02/2009, 11:09 AM

اول شي الحمد لله

الكورة خسارة وفوز

لكن اعتقد ان الفرصة الان سنحت للقائمين على الاتحاد انهم يقولون سبب تواضع المنتخب هو ابن همام وضغط الاتحاد الاسيوي

عفوا سمو الامير انشغلت بالاتحاد الاسيوي لانك تحاول ان تغطي عيوب المنتخب الواضحه

عفوا ناصر الجوهر المنتخبات تتحسن ونحن نتراجع للخلف

اخيرا جاء وقت ان يكون المنتخب السعودي مثل المنتخب الكويتي بعد السنوات التي قدمها هاهو يكون على الهامش

اللاعبين ماقصرتو وبيض الله وجيهكم على لعب شدو حيلكم واتوقع شديتو حيلكم

ولكم تحياتي

تحدوهـ البشر..... · #160 11/02/2009, 11:10 AM

رااجع من الإختباااار مييية !

وخل المدرب هو الي يناام

رحال~ · #161 11/02/2009, 11:10 AM

الحمدلله نتائج الخطط المدروسه من عام 2002 كان مخططين وطلعت النتائج

الجوهر شخبط شخبيط بكل ما تعنيه الكلمه من معنى

بيدرسون الوضع مره ثانيه

ههههههه

Ậȥooȥ ĄĻ-ђąṙƄі · #162 11/02/2009, 11:10 AM

اول شيء هارد لك ع الخساره المستحقه
ثاني شيء ,,

اذا انت عندك جيش كبيير وقوييي وقاعد الجيش ماعنده فكر بالتخطيط ,, مستحيل تنتصر حتى لو واجهة جيش اضعف منك ,,

وهذا الي شفناه من الجوهر ,, وفيه واحد بيجي يقوولي المنتخب تأهل مع الجوهر ,, والله ولا مباراة شفت فيها المنتخب يلعب لعب مثل ماشفناه في آسيا لاااازم الفوز يكون صعب ولازم ننضغط ,,,

واكثر الاعلام السعودي ضد وجود الجوهر ويقولون ,, المنتخب يحتاج مدرب اكبر من الجوهر ومعهم حق والله ,, " الحين يجي واحد يقولي لو فزنا ماكان قلت كذا " الا والله انا على نفس كلامي الجوهر مايصلح للمنتخب ابد

ياناس نبي " زيكو " ,, والله مدرب كفو ,, خلا منتخب اليابان في القمه ,, وتدرون يوم ترك اليابان وين راح ,,,, راح نادي اوزبكي كان ضعيف في وقتها ومستواه متدهور ولاعبينه ممب مشهورين ابد ,, ولكن زيكو قلب الفريق رأسآ على عقب خلا الفريق ينافس على اللقب بقوه خلا الفريق مرعب في الدوري الاوزبكي ,, هذا الي قرأته في تقرير من الجزيره الرياضه قبل شهور عديده ,.,.,.

معليش طلعت من الموضوع شوي ,, لكن والله زيكو مايعيبه شيء والمنتخب يبيله مدرب خبيييير وعالمي مثل زيكو ,,, حرام منتخب مثل هالنجوم ينضلم من مدرب ليس لديه فكر تدريبي احترافي

الجوهر ياشيخ واللة حرام تمسك منتخب اه اه اه ثم اه من متى الكوريتين يفوزون علينا الا مع الجوهر الكل يقدر يفوز عليك

نبي مدرب يعرف يخطـط

يـــعــــرف

يغير النتيجه مافي تكتيك لعب عشوائي ويجب الاستعانه بمدرب قدير وعالمي يعرف يقراء المبارة..

تحيااااتي يابربع الهزيمة مأثرة ...

وسن الهلالية · #163 11/02/2009, 11:10 AM

خلها على ربك بس
ولا تقلب المواجع تاهل
وغاسلين ايدنا منه
والمنتخب داجين
والادارة ماحولك احد
وتبغى الخطط العلمية المدروسة إللي إلى الان
ماندري وش هي بالضبط
والمهم كسبنا منتخب المستقبل>>>>>>>>>>>>>>>>>دمقتبسة من الامير نواف بن فيصل

الله يرحمك يافيصل بن فهد

aqeel10 · #164 11/02/2009, 11:10 AM

بعد السلام

مدرب أثبت فشله .......

انا اعرف انه المباريات الودية لمعرفة افضل تشكيلة وافضل تجانس
بس خوينا مورينهو الجوهر ماني عارف ايش قاعد يسوي ؟!

لا أحد يروح لأي مباراة في الملعب في الدوري السعودي ولا يحضر أي مباراة للمنتخب مادام مورينهو جالس في منتخبنا

@@السلطان@@ · #165 11/02/2009, 11:10 AM

شهل الخطه الي حطه مهاجم واحد وين صارات مو حق تدريب يجبوووووووب مدرب برازيل احسن من بالاف مره
تدري لو ناصر الجاهردارب المنتخب في كاس اسيا شان من المجموعه الاول طالع المدرررررررررب فاشل وانجوس افضل من بالاف مرههههههه تحياتي السعوديه