[ .. الهلال يستدعي محترفي المنتخب السعودي .. ] - نادي الهلال السعودي - شبكة الزعيم

كابتشينو أزرق · #1 09/02/2009, 09:28 PM

خبر عاجل :

نادي الهلال يستدعي لاعبيه الدوليين ( ياسر القحطاني و ربعه .. ) من منتخب السعودية ! لأجل المشاركة في البطولة الآسيوية

<<

و الله أحس أني بأسمع هالخبر قريب في الجرايد ..

نعنبو بليسكم ..

لاعب دولي يقعد 107 أيام مع المنتخب و 85 مع النادي ..

وين صارت هذي ؟!

و الله حتى في منتخب هونق كونق اللي ما عندهم دوري ما يجي !

:
:

أنا عرفت ليش لاعبينا ما يحترفون برا .. !

اثر إتحاد " عطني كرة قدم " السعودي .. مقلق أبو الإتحادات الأجنبية ( المحترفة ) ، كل يوم ..

عطونا لاعبينا عندنا معسكر ، عطونا لاعبينا عندنا دوري خليجي عالمي ، عطونا لاعبينا عندنا مباراة ودية ..

لا و المشكلة هالمباراة الودية ، تحسب أنها مع البرازيل و لا الأرجنتين ..

تلقاها يا مع تايلند و لا سنغافورة .. و إن كثرت كثرت .. مع سوريا !

يا عالم يا بشر ..

أنظمة الفيفا اللي أزعجنا بها ابن همام .. نحن أول من يخالفها !

نستعدي اللاعب من ناديه و ينام أيام و ليالي عندنا !

حتى و الله ودي أبعث برقية لوزارة الداخلية .. يعني تستفيد من خبرة معسكرات المنتخب السعودي ، في إقامة معسكرات تجنيد إجباري لهالعاطلين ..

لا يجي واحد و يقول لي وين الوطنية و لا أنت خائن !

أنا مع السعودية في كل شيء ، إلا في إستخدام النظام بشكل خاطئ !

في النهاية طلب من إدارة الهلال :

نتمنى أن تمتنعوا عن إرسال اللاعبين الدوليين إلى المنتخب إلا قبل أسبوع من المبارايات الرسمية ( أيام الفيفا ) ..

شكراً لكم

m m m m · #2 09/02/2009, 10:27 PM

يشرفني ان اكون اول من يرد عليك

الشكوى لله

حبك جنني يازعيم · #3 09/02/2009, 10:31 PM

والله ودي باليوم ذا

الي أدارة النادي تمنع لاغبين الدولين من الأنضمام

الا قبل أسبوع من المبااراه

عشان نطبق الأحتراف صح ويمشي دورينا < وين عام 2013 من أفضل 20 دوري بالعالم شكله يتحلم نواف بن فيصل

حرامي شيكاغو · #4 10/02/2009, 02:59 AM

إقتباس

الرسالة الأصلية كتبت بواسطة حبك جنني يازعيم


	والله ودي باليوم ذا الي أدارة النادي تمنع لاغبين الدولين من الأنضمام الا قبل أسبوع من المبااراه عشان نطبق الأحتراف صح ويمشي دورينا < وين عام 2013 من أفضل 20 دوري بالعالم شكله يتحلم نواف بن فيصل

ياحليلك ياخوي
الحلو فيك انك عندك امل
بعدين افضل عشربن دوري في العالم
ماتحس انك لو تتابع الدوريات العالميه انها ما تجي 10 قوية؟
خليها على ربك

..سهم ياسر.. · #5 09/02/2009, 10:37 PM

هههههههههههههههههههههه
والله يااناضحكت على عنوان الموضوع

مالنا الا كذاوزين اذا وافقوبعد

matham · #6 09/02/2009, 10:37 PM

يسلم رآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآسك جبتها في الصميم

هلاليه & قحطــــانيه · #7 09/02/2009, 10:40 PM

لا وازيدك من الشعر بيت اذا تطورو تطورو مره جابو البحرين ؟؟؟؟؟؟؟؟؟؟

قمت المهزله

مدري هم ما يشوفون الدول الاوروبيه ان كثرو اسبوع وحنا؟؟؟؟؟؟؟؟؟ لا ويقولون سنصبح من اقوى الدوريات في العالم؟؟؟؟؟؟

فتى المشاش · #8 09/02/2009, 10:40 PM

الله يعين ...................

فهد السويلمي · #9 09/02/2009, 10:42 PM

وربي إنك صادق ههههههههههههههههههه صار النادي منتخب والمنتخب نادي هذي الخطط العلمية المدروسة والمبرمجة

الغشـ عآشق ـيان · #10 09/02/2009, 10:43 PM

اخي الكريم

نعتذر على اغلاق الموضوع وذلك بسبب انه موضوعك ليس له اي فايدهـ : http://vb.alhilal.com/faq.php

شكرا لتعاونك معنا

هذا مصير موضوعكـ

لآن الشبآب اليومين مآعنده الآ قوة

قفل الموآضيع حآطين الحرهـ باعضآء المنتدى

الله يعيـن

ومن جد الله يعيـــن الهلآل ولآعبيـــنه

اللي كل شوي بمعسكـر للمنتخبـ

مودتي

نسـ آلهلآلي ـكآفيه · #11 10/02/2009, 11:25 AM

إقتباس

الرسالة الأصلية كتبت بواسطة الغشـ عآشق ـيان


	اخي الكريم نعتذر على اغلاق الموضوع وذلك بسبب انه موضوعك ليس له اي فايدهـ : http://vb.alhilal.com/faq.php شكرا لتعاونك معنا هذا مصير موضوعكـ لآن الشبآب اليومين مآعنده الآ قوة قفل الموآضيع حآطين الحرهـ باعضآء المنتدى الله يعيـن ومن جد الله يعيـــن الهلآل ولآعبيـــنه اللي كل شوي بمعسكـر للمنتخبـ مودتي

^^

ههههههههههههههههههههههههههههههههههههههههههههههه
وربي آنسدحت ضحك

لآ لآ من جد آنت تبي تشوف آستدعآء آللآعبين .

يآحبيّبي ..
هآلحين آن آحس بعد كم شهر .. يستدعون لآعبين آلهلآل للمعسكر وبعد شهر يستدعون بقية لآعبي آلآنديهـ ..

ورآح تشوف ..

تحيآآآآآآآآآآآآآآآآتيـ ..

نصري @ جيرارد · #12 09/02/2009, 10:46 PM

شوف بقول شى ولو اني ادري ان هذا الكلام ماحد يمّه .. دام سلطان بن فهد الرئيس .. والله واللي اسمه الله .. ان الرياضة
السعودية كل يوم في انحراف .. ياخي .. خلونا نقارن انفسنا بالدوري القطري .. شوف النظام كيف .. وشوف الملاعب كيف ..
وشوف اللاعبين كيف .. كل شىء حلو فية .. الا الجمهور .. فقط زفت .... والله ما أقول الا الشكوى لله .. ماغيرة ..

SMSM good · #13 09/02/2009, 10:47 PM

هاذولا المنتخب ياخذون الاعب
قبل المباره بشهر كامل يعني وشوله
يوخذ قبل شهر عشان يندمج مع الاعبين
وش هالخرابيط ياتحاد يا سعودي
مشكور على الموضوع اخوي اخوك في الله
smsm qood
انس السالم

الـهـلالـي ـــ FH · #14 09/02/2009, 11:06 PM

إقتباس


	حتى و الله ودي أبعث برقية لوزارة الداخلية .. يعني تستفيد من خبرة معسكرات المنتخب السعودي ، في إقامة معسكرات تجنيد إجباري لهالعاطلين ..

هههههههههههههههههههههههههه

الليل الجميل · #15 09/02/2009, 11:10 PM

أقول لا يسمعك سلطان بن فهد .. والله إن تروح وطي !!!