نادي الهلال السعودي - شبكة الزعيم - الموقع الرسمي

بسم الله الرحمن الرحيم

السلام عليكم ورحمه الله وبركاته

وصلت هذا اليوم هيونداي جينيسيس إلى فرع أبها بالجنوب وكانت فل كامل

والصراحة السيارة من برى يعني شكلها عادي بس من جوه شيء ثاني وينها ووين الازيرا
لو قلت فخامة قليلة في حقها من جوه شيء ثاني

أخذت بعض الصور لها وأعذروني على قلة الصور بسبب التجمهر حولها ولا قدرت اخذ راحتي والصور جايه على السريع
وخاماتها الداخلية مثل ما قلت إنه الازيرا وصلت لتويوتا في الجودة فالجينيسيس وصلت للكزس في الجودة ولمسانها الداخلية تذكرني باللكزس وكانك راكب في إحدى سيارات لكزس

وهذي لصورتها من الخارج

http://www.up-00.com/xbfiles/WAw05420.jpg

من الخلف

http://www.up-00.com/xbfiles/HMa05420.jpg

مثل ماتشوفون من الصورة تحتوي على 4 حساسات أمامية و4 حساسات خلفية
وغسالة أنوار امامية وأنوار LED خلفية
ومخرجين للعادم

من وقفتها لها هيبة قوية الصراحة إبداع من هيونداي

شغلها لنا منودب المبيعات وعلى طول نقزت لمقعد الراكب الامامي
وكما هو معروف المقود الكهربائي وبه مثبت السرعة وزر الرد على المكالمات والتحكم بالصوت والقنوات

http://www.up-00.com/xbfiles/LWR05420.jpg

أحب أبن لكم إنه الشاشة الي موجودة فيها وللأسف لا يوجد بها ملاحة أبدا
الشيء الثاني لو يوجد بها تلفزيون
وهذا الشيء أنا مستغربه بقوة وقد سبقني فيها الأخ دبدوب وقال لا يوجد بالسيارة ملاحة قلت مو معقولة لكن طلع الحقيقة إنه غير موجودوهذا تتميز فيه الأزيرا تلفزيون وشاشة ملاحة بالعربي لأنه الجينيسيس لا توجد بشاشتها إلا لغتين فقط
اللغة الإنجليزية واللغة الكورية فقط

بالنسبة لمواصفات الشاشة الكبيرة الي بالنص:
1- التحكم بالتكييف
2- بيان نظام السيارة في رفع الهيدروليك
3- شاشة معلومات مثل الي موجود بالأزيرا ( المسافة المتبقية على الوقود وزمن القيادة ومعدل استهلاك الوقود وغيره)
4- تشغيل نظام DVD
5- نظام الراديو AM و FM
6- أنظمة AUX و الأيبود
7- أنظمة السيارة وتعديلها مثلا إقفال الأوباب أتواماتيكيا عند تحرك السيارة أو وضعها في D
تنزيل الستارة اختياريا أو عدم نزولها وغيره في الموصفات إلي تبيها إختيارية ما قدرت احصل عليها كاملة إلا كنت بأجيبها بالتفصيل

بتقولون إيش بقيت للشاشة الي في الوسط بين عداد السرعة وعداد دوران المحرك
بالنسبة للشاشة الي خلف المقود ومثل ماقلت مابين عدادات السرعة ودوران المحرك
فهي عبارة عن شاشة إنذارات لما يأتي:
1- إنذار فتح الأبواب مع إيضاح أي الأبواب فتحت.
2- إنذارانخفاض ضغط الإطارات
3- إنذارات نقص زيت المحرك
4- إنذارإنخفاض ماء غسلات الأنوار وغسالات الزجاج الامامي
5- إنذار إنخفاض ماء الرديتر
6-إنذار فتح باب الشنطة الخلفية
7-إنذار البطارية
8- عداد الرحلات
9- عداد مشي السيارة ODO
10 - وضعية القير P-R-N-D
أو القير في وضع التنقيل اليدوي 1-2-3-4-5-6
برضه ماقدرت أخذ راحتي في جلب المعلومات بسبب التجمهر

هذي صورة للعدادات

http://www.up-00.com/xbfiles/7hq05648.jpg

طبعا نظام التحكم في لوحة العدادات من أزرار المقود

هذي صورة القير والماوس كما يقال بس ماهي مثل الماوس عبارة عن التنقل في الاختيارات في الشاشة فقط

http://www.up-00.com/xbfiles/lnP05648.jpg

مثل ما تشوفون القير اوتو وعادي 6 سرعات
أما الأزرار الي جنبه فهور تبريد وتدفئة للمقاعد الامامية واحد للسائق وواحد للراكب
والي تحتها زر لرفع السيارة بالهيدروليك والثاني لوضعية الرياضية الي تخليها بعد 120 على ما اعتقد تنزل السيارة بالهديروليك

أما الأزرار الي حولين الي نسميها الماوس
فهو اولا زر الماوس نفسه وهو تضغطه للأختيار وتلفه بالتدوير للتنقل بين الخيارات إذا جيت تبي تختار تضغط بزر نفسه للأسفل
أما الأزرار الي على الجوانب
1- زر FM
2-زر AM
3-زر DISC لإختيار السي دي
4- زر PHONE لإدخالك على الهاتف بالشاشة ويكون موصل عن طريق البلوتوث للجوال
5- زر INFO لإدخالك على القائمة الرئيسية لإعدادات الشاشة
6- زر AUX لتوصيل جهاز خارجي مثل أي بود ومدخل USB
7 - زر لجهه القير مكتوب عليه BACK للخروج من القائمة

الشاشة مو لمس

بالنسبة لرفع الصوت وخفضه من المقود أو من الزر الي موجود جنب فتحة السي دي

بالنسبة لركاب المقاعد الخلفية فلهم مثل الي في الأمامية بالضبط
شوفوا الصورة والمعذرة على عدم وضوح الصورة بسبب العجلة

http://www.up-00.com/xbfiles/yPc05648.jpg

هذي الأزرار أيضا أزرار تبريد وتدفئة المقاعد الخلفية مثل إلي في الأمام والتحكم بالتكييف بشكل مستقل يعني التحكم بالتكييف في 4 مناطق كل له تكييفه الخاص مع العلم بوجود فتحات تكييف على الجوانب للركاب بالخلف بين البابين وكذلك في الدرج الأوسط للمقصورة
وكذلك لهم القدرة على التحكم بالراديوا والسي دي والتنقل بين الأقراص الستة الي يقدر يحملها النظام الصوتي للسيارة

مع العلم إنه يوجد مقبس للطاقة داخل التكاية للمقاعد الخلفيين

http://www.up-00.com/xbfiles/D1p06015.jpg

هذا مدخل الـ AUX و USB ومقبس الكهرباء في الدرج الأوسط بين الركاب في الأمام

بالنسبة للدعسات للأرجل تيجي نخطط مثل جلد النمر بس الي اسغربته فيها وجود علامة الجينيسيس عليها ومو موجود على أي مكان بالسيارة غير الدعسات أما كل العلامات الي موجودة بالسيارة هي علامة هيونداي
وعلى فكرة كلمة الجينيسيس مكتوبه في كل مداخل السيارة في البيبان الأربعة وهي مضائة بلون أزرق

http://www.up-00.com/xbfiles/mPk06017.jpg

هذا المساعة للركاب بالخلف أحس إنها أصغر من الأزيرا أو انا غلطان حسب نظرتي لها بس شكلها أفخم بكثير

http://www.up-00.com/xbfiles/Mr406017.jpg

بالنسبة لشبابيك الأربعة كلها أوتو أما بالنسبة لسفط المرآة الجانبية فهي مثل الأزيرا لازم تضغط عليه وماهي على الريموت

http://www.up-00.com/xbfiles/Iws06302.jpg

بالنسبة للأنارة الداخلية للسيارة كلها زينون ومنظر اللمبات شيء يعطيك طابع الفخامة
ما عدا أنوار المرآة للركاب بالأمام إلي بالشماسية لونها عادي مثل أي سيارة
مع العلم إنه الشماسية لم تيجي تفتح المرآة عن طريق السحب مثل الكامري XLI جونيور يعني مو باب تفتحه وهذا الشيء اشوفه ينقص من فخامتها
مثل الي في الصورة

http://www.up-00.com/xbfiles/esm06302.jpg

نسيت أذكر في حق الشاشة الكبيرة الي بالنص إنه توجد بها كاميرا للرجوع للخلف
وتشغل عند التعشيق في R مثل الأزيرا

وأحب أفيدكم إنه البطارية غير موجوده تحت غطاء المحرك بل موجوده بالشنطة جنب الكفر الاحتياطي
وهي كبيرة في الحجم كأنك حاط ثنتين بطاريات جنب بعض

أتمنى التقرير اعجبكم

وسعر السياره 152

:rose: