يــآإآرب خل لنـا البنــات ]~ - نادي الهلال السعودي - شبكة الزعيم

صِبآ نجّد · #1 14/02/2009, 04:43 PM

.. بسم الله الرحمن الرحيم ..

السلام عليكم ايها الزعيمات والزعماء ..

موضوع اعجبني مرررررره وحبيت اني اشاركه معكم ..

واللي كاتبه ما شاء الله عليه فعلا شخص فاهم يعرف يقدر البنات ..

مآ آقول آلآ لبىـآ كآتبهآ ..

ما اطول عليكم استمتعوا بالقرائه .

ماقول الا

يــآإآرب خل لنـا البنــات ]~

ممكن اعشق وبـ مزاجي
وممكن اخون بـ مزاجي
وكل شي بالدنيا ممكن

يا زمان اهل المزاج ..

ما بقى ومضة امل ...؟!
ما بقى حبة علاج ...؟!
ما بقى كلمة غلا ...؟!
وين عذبات المشاعر ...؟!
وين احاسيس البنات ...؟!

وين " احبك " اللي تسبقها الدموع ~
وحشرجة بين الظلوع
وبلع ريق ...؟!
وما اطيق
واللي يعقبها سهر
وليلها طوله دهر...!!
وتاليتها ينتهي كل [ الغلا ]~

والله يا انه قهر
" كلها ماتت جميع مابقى منها شعرة ...؟! "

وين ذاك الوجد ... والحب العفيف ...؟!
ضــآآآآآآع كله ...؟!
يا عسى ربي يعوضه
صار حب اليوم " موضة "
وصار نزوة
وصار تقليد ~
بعد ماكان الهوى يحسب حسابه

انقلب ]]
" من مصخرة في مصخرة ...!! "

وهذا هو حال الرجال "
كلهم نفس الحكاية ... والرواية ... والموديل
حب كشخة
وحُب يعنني [[ احــب ]]
وآخرتها ..
" كم يوم وبكرة نلقى غيرها ...!! "

ليش يعني ... هي من تكون ...؟!آخرتها بس حي الله بنية
عقب ماكانت غلاآآهـ
وحلم عمر
وآخر آمآله
وكان يسهر ليل
ويبكي ليل

وكان يهذي ويحلف انها " اغلى البشر "
وان غلاها يبقى في قلبه الى يوم الحشر
وفجأة يصحى ويكتشف ما فيه حُب
بس نزوة وانتهت ...!!
وما صار شي

يكفي انه قد تسلى فيها ايــــآآم ومضت
ومات ذاك الحب
راح وين ...؟!
" راح المقبرة "

ليش مات الحب بقلوب البنات ؟!
ليش ذاب الصدق بقلوب الرجال ؟!

ليش انا قبل الزواج كنت اناديها " الغلا "
وكنت اناديها " الغرام "
و " بعد أُمي وابوي "
و " ضحكتي ... وابتساماتي ... وبلسم جرحي المفتوح وجروحي "

وعقب ما ربي جمعنا ...~
واجتمعنا
وصرنا أُسرة
وصرت انا واياها جميع
نصحى وننام
ونشرب بكاس الغرام
ويوم اناديها تجيني ما تأخر
وتقول " ســم ...! "
و " لبي قلبك يا بعد قلبي انا "

صرت اناديها عقب ذاك الغلا
" هيه... وينك يامره ...؟

ليش انا قبل الزواج كنت اكلمها
واسولف
واقضى ساعات وزمان
واحتريها
وحتى لو تأخرت ... او اخلفت ميعادها
ما ازعل عليها

لاآآآآ

ولا حتى اعاتبها شوي
وكنت اشوف عيوبها بعيني جمال
ونقصها بعيوني هو معنى الكمال

ويوم صرنا مع بعضنا
لو حكت لي كلمتين
او سولفت ... او مازحتني وضحكت
قلت : كافي ... بس ... ما ابي قلة ادب
" واعتقد يكفي كلام وبربرة ...!! "

يااااااااااااااااااااااهـ !!
بعد ماكان الحكي بشفاهها ينقط عسل
صار بتاليها حكي ...؟!
لآآآ
وليته حكي ...
صار اسمه" بربرة ... أو ثرثرة ...!! "

ليش اراضيها منوّل يوم تزعلوما آتحمل بس لو لحظة زعل
وكنت ادللها واموت بضحكها
واقول " آسف يا غلاي "
واكتب [ اجمل بيت شعر ] لعينها لين ترضى

وعقب ما ربي جمعنا

من تزاعلني اقول لها" في بليس ... طقي راسك بالجدار أنتي حي الله بقرة ...!! "

وربي احنا صدق [[ مرضى عشق ]]
واشواق
ومشاعر
وعشقنا من دحدرة في دحدرة
ماعرفنا وش معنى البنت ~
ولا عرفنا قدرها
ولا وفاها بصدرها
وما حكينا عن غلاها

بس نتكلم على
ثرثرتها
وبربرتها
وحكيها السامج

...
ما نخاف الله يعاقبنا وهيعطر دنيانا وهوانا ~
بدونها تظلم سمانا ... بدرنا في خدها ~
وصبحنا في قدها ~
وشمسنا بكفوفها ~
وربي وردة ... يا سعد من شمها ~
وغيمةٍ تمطر حنان ... والحلا في دمها ~
وشكل بسمتها جنان والكرز في فمها ~
وبن عمتها المطر ... وغيمة الشوق أُمها ~
و ولد خالتها الربيع ... والزهر هو عمها ~

وشهي الدنيا اذا مابه بنات ...؟!

رجال ماتضحك ابد !
وصحراء مافيها ربيع !
وعيون كاسيها الوجل !
و وجيه ما فيها امان !
وطفل يبكي !
وشيخ يشكي !
ودنيا مافيها رفيق !
وصحبة ما فيها وفاء !
وقلوب ما فيها حنان !
وما احدٍ يرحم احد !

برحمتك يارب ... " خل لنا البنات "
بضحكهم
وهبالهم

ودموعهم
وشموعهم

ويا حلو تدليعهم
ويا حلو تدليلهم

رحمتك يارب ... " خل لنا البنات "

×××

منقول . .

دمي ازرق واحب الابيض · #2 14/02/2009, 04:47 PM

وع فاااشل الموضوع اتمنى من ماجد حذفه

لا وش دعوه حلاه الدنيا البنات
الف الف شكر اختي
تقبلي مروري

مـوت ومـيـلآد ! · #3 14/02/2009, 05:20 PM

اااااااااااااااااااااااااااااااااااااااااااااااااااااااااااااااااااااااه ياقلب...

ماني بنت من بنات هاليومين..
دمعه دمعتين وظنك برضى بعدين..
لا خلني في بالك وأفهمني زين..
داعيه عليه أمه اللي يجرحني مرتين..

هذ احسن رد لهم .....

وتسلممممممممممميييييييييييييييييييين يابعدي..

كلماااااااااااااااااااااااات رهييييييييييييييييييييييييبه..

صِبآ نجّد · #4 14/02/2009, 05:22 PM

إقتباس


	وع فاااشل الموضوع اتمنى من ماجد حذفه لا وش دعوه حلاه الدنيا البنات الف الف شكر اختي تقبلي مروري

حياك الله اخوي ..

وهذا رائيك واحترمه .. يمكن انت ما شفت شي بالموضوع قد يحظى بأهتمامك ..

ولكن البعض له نظره مختلفه ..

والموضوع لا يعبر عن رأيي الخاص ..

لك الشكر على مرورك ..

صِبآ نجّد · #5 14/02/2009, 05:25 PM

إقتباس


	اااااااااااااااااااااااااااااااااااااااااااااااااااااااااااااااااااااااه ياقلب... ماني بنت من بنات هاليومين.. دمعه دمعتين وظنك برضى بعدين.. لا خلني في بالك وأفهمني زين.. داعيه عليه أمه اللي يجرحني مرتين.. هذ احسن رد لهم ..... وتسلممممممممممميييييييييييييييييييين يابعدي.. كلماااااااااااااااااااااااات رهييييييييييييييييييييييييبه..

حياك الله هلاليه ايطاليه ..

اضافتك للموضوع جدا جميله .. اشكرك ..

وكل واحد حر بأنه يبدي رأيه بالموضوع .. وبالعكس انا اتقلب كل الردود بسعة صدر ..

الله يسلمك يآرب من كل شر

ولا يحرمنا من هالطله ..

دمي ازرق واحب الابيض · #6 14/02/2009, 05:32 PM

إقتباس

الرسالة الأصلية كتبت بواسطة MiSs SuN ShInE


	حياك الله اخوي .. وهذا رائيك واحترمه .. يمكن انت ما شفت شي بالموضوع قد يحظى بأهتمامك .. ولكن البعض له نظره مختلفه .. والموضوع لا يعبر عن رأيي الخاص .. لك الشكر على مرورك ..

لا ياختي وش فيك قلبتبها جد
الموضوع جاامد وعجبتني الكلمات
بس قلت ارفع ضغط هلاليه ايطاليه لاني داري انها بتدخل

صِبآ نجّد · #7 14/02/2009, 05:38 PM

إقتباس


	لا ياختي وش فيك قلبتبها جد الموضوع جاامد وعجبتني الكلمات بس قلت ارفع ضغط هلاليه ايطاليه لاني داري انها بتدخل

ممممممممم اوكي

خذ راحتك المكان مطرحك ..

انا جديده بالمنتدى ولا ودي اسوي اكشن ما صدقت على الله فعلوني << خاص !!!

مـوت ومـيـلآد ! · #8 14/02/2009, 05:42 PM

إقتباس

الرسالة الأصلية كتبت بواسطة دمي ازرق واحب الابيض


	لا ياختي وش فيك قلبتبها جد الموضوع جاامد وعجبتني الكلمات بس قلت ارفع ضغط هلاليه ايطاليه لاني داري انها بتدخل

نعم نعم نعم .....

وليش ترفع ضغطي ان شاءالله...

هذا ردك وانا بعد متأكده ان كل واحد لا دخل بيرد مثلك...

عادي سعوديين مارحتوا بعيد..خخخخخخخخخخخخخخخخخخخخ..

جوري الربيع · #9 14/02/2009, 06:53 PM

يعطيكـ العافيه حبيبتي..

كلمااات روعة سلم قائـلها..

وسلمت أنامل ناقلتها..

تقبّلي خالص ودّي..
أختكـ..

جـــــ

ــــــوري

الربيـــــــ

ـــــع

Queen of Hearts · #10 14/02/2009, 07:31 PM

رووووعة

هذي الناس الي عندها احساس وتقدير
مو مثل بعض الشباب

تسلمين غلاي عـ الموضوع

BEST_01 · #11 14/02/2009, 07:36 PM

هلا وغلا فيك اختي ... ومبروك التفعيل

بس وش دعوه ... وش سوينا لكم عشان تقولون كذا
وش ذنبي غيري يسوي وانا اللي يجيني اللوم

ترا مو كل الرجال سوا ... ولا عندكم الشر يعم والخير يخص <<< اعصابك اعصابك

مشكورة اختي على الموضوع الرائع

<<< شفتوا كيف حنا طيبين

ومن مواضيعك الاولة ... شكلك بتعجبين هلالية ايطالية ونسج الخيال

يحبون المواضيع اللي زي كذا

وتقبلي مروري

صِبآ نجّد · #12 14/02/2009, 07:43 PM

إقتباس


	نعم نعم نعم ..... وليش ترفع ضغطي ان شاءالله... هذا ردك وانا بعد متأكده ان كل واحد لا دخل بيرد مثلك... عادي سعوديين مارحتوا بعيد..خخخخخخخخخخخخخخخخخخخخ..

يأرب تهدي السعوديين ..

والله يكون بعون الجميع ويوفق الكووول ..

هلاليه يا بعدي هدي اعصابك ..

خلينا نتاعيش مع الوضع لان الوضع غيرقابل للتغيير

صِبآ نجّد · #13 14/02/2009, 07:47 PM

إقتباس


	يعطيكـ العافيه حبيبتي.. كلمااات روعة سلم قائـلها.. وسلمت أنامل ناقلتها.. تقبّلي خالص ودّي.. أختكـ..جـــــــــــوري الربيــــــــــــع

حيا الله جوري الربيع .. كيف حالك وش اخبارك .. << شطحه

الله يعافيك يآرب ويخليك ..

الروعه تواجدك ..

وانا اشهد قائلها اروع من الروعه ..

الله يسلمك ولا يحرمنا من هالطله يآرب ..

صِبآ نجّد · #14 14/02/2009, 07:51 PM

إقتباس


	رووووعة هذي الناس الي عندها احساس وتقدير مو مثل بعض الشباب تسلمين غلاي عـ الموضوع

حياك الله اختي فديتني هلاليه ..

الروعه حظورك .

من جد هذي الناس اللي تفهم وتقدر بعد ..

الله يسلمك ويخليك .. ولا يحرمنا من طلتك

دمي ازرق واحب الابيض · #15 14/02/2009, 07:57 PM

إقتباس

الرسالة الأصلية كتبت بواسطة هلاليه إيطاليه


	نعم نعم نعم ..... وليش ترفع ضغطي ان شاءالله... هذا ردك وانا بعد متأكده ان كل واحد لا دخل بيرد مثلك... عادي سعوديين مارحتوا بعيد..خخخخخخخخخخخخخخخخخخخخ..

اقعدوا
وش ذا عطوك الجنسيه الايطاليه وانا مادري

المهم
لاتاخذين اللموضوع جد زي بعض الناس