تركيب [مثبت السرعة] لجميع السيارات .. بالصـــور
 

بسم الله الرحمن الرحيم

أخواني وحبايبي اليوم جايكم بتقرير وموضوع حلو
الكثير سأل عنه وعن تكاليفه وهل هو آمن وهل يسوى ولا ما يسوى التعب

طبعاً الموضوع هو تركيب مثبت السرعة

في الحقيقة وبعد سؤال كل من ركب مثبت
وجدت أن الجميع يقول لا تتعدى فيليب الكهربائي الفلبيني في القصيم

فيه ناس تركب في الشرقية وناس في الرياض ولكن سمعة هذا الرجل تعدت منطقة القصيم وصار الناس يجون من الكويت ومن الشرقية والغربية يركبون عنده وذلك لسببين:
- جودة شغله حيث ان من ركب عنده لم يشتكي ولله الحمد من أية مشاكل وهو يركب مثبتات من عشر سنوات.
- نظافة شغله أو ما يسمونه الفينيش يعني شغل وكالة ما شاء الله.

وهنا سأسرد لكم قصة واحد من الشباب وتجربته مع فيليب
" وسأدع المايك له ليحدثكم بنفسه" :

توجهت له صباح الخميس الماضي بالفورتشنر 2006 V6 ووجدت عنده سيارتين لاند كروزر شباب جايين من الرياض وواحد جاي من الدمام ومعه عائلته ورايح للمدينة راح حط عياله في شقة وجا عند فيليب

السيارتين بدا الشغل فيهم من الساعة ثمان الصبح وما انتهوا إلا مع صلاة الظهر تقريبا طبعا كل هذا وأنا أنتظر لا يروح دوري لأنه كل شوي جايه سيارة تلبق وتمشي

معلومة لأصحاب الفورتشنر أنا شفت فيليب يركب جهاز مثبت أمريكي في الكبوت ويركب أسلاك تربط مع البخاخ وشغله طويله عريضة والكلام هذا في اللاند ولما جا يركب عندي:
فتح الكمبيوتر ومد أسلاك إلى الدركسون وركبها في المثبت وصلى الله وبارك !!!

ليه يافيليب؟ قال الفورشنر من السيارات الجديدة اللي دواسة البنزين ما فيها سلك يسحب الأبنص شغل أول، لا الدعوة حساس ومربوط بالكمبيوتر يعني ما يفتح الكبوت أبداً


أولاً: يفتح الكمبيوتر الموجود تحت الدرج ويوصل منه أسلاك

http://www.brg8.org/upfiles/eSL30735.jpg

ثانياً : فك الدركسون

http://www.brg8.org/upfiles/mvr30735.jpg

ثالثاً: الدركسون طلعت قرونه

http://www.brg8.org/upfiles/Zt530735.jpg

رابعاً: هذا المهندس فيليب ماخد الدركسون على طاولة العمليات
"عشان عمليات اللحام وترهيم القطعة اللي هي طبعاً مثبت تويوتا أصلية حقة كامري لأن دركسون الفورتشنر نفس مقاس الكامري"
http://www.brg8.org/upfiles/luH30735.jpg

خامساً: هنا عملية حفر الديكور علشان تركيب المثبت
"وطبعا أول شي يبدأ بدريل ثم مشرط غير طبيعي ولا مشرط جراح عشان تحديد الفتحة لتطابق دركسون تويوتا وعلى فكرة ياخذ المقاس من دركسون تويوتا "

http://www.brg8.org/upfiles/4ii31343.jpg

سادساً: فك الديكور ومد الأسلاك

http://www.brg8.org/upfiles/iiY31811.jpg


سابعاً: تركيب الدركسون

http://www.brg8.org/upfiles/RAz31343.jpg

ثامناً: الشكل النهائي

http://www.brg8.org/upfiles/mPz31343.jpg

بقى آخر شي وأهم شي

وهي التجربة....
بعد تجربته مع فيليب في الشارع القريب من الورشة ولكن أفضل تجربة هي طريق الرجعة للرياض

والنتيجة ما شاء الله تبارك الله شغل عدل ومرتب
اسأل الله أن يطرح فيه البركة ويطعمنا من خيره وخير ما صنع له ويكفينا شره وشر ما صنع له.

نقاط سريعة:

- المثبت يستاهل التركيب جداً.
- اللي متردد ويبي يركب دعامية ولا تانكي ولا أي شي ممكن الإستغناء عنه أقوله لا حط فلوسك في مثبت ولا تترد.
- لدى فيليب أخ شقيق توأم اسمه مون ممتاز جداً مثل فيليب
لا يختلف عنه في أي شي خاصة أنهم معتادين على تركيب المثبتات لمئات السيارات.
- لك الحق تقول أبي فيليب هو اللي يشتغل ما أبي مون وهم متعودين ما يزعلون أبداً من هالشئ.
- المثبتات أصلية ويركب لكل سيارة حق وكالتها.
- كامل القطع من عنده.
- كلف الموضوع 1600 ريال.(أحد الشباب لاحقاً ركبه ب 1500 ريال يعني ممكن تأخذ خصم مية ريال بشطارتك :naughty:)
- أكثر ناس يركبون عنده اللاندكروزر والباث فايندر.
- المثبت يركب على القير العايدي والتوماتيك.
- أول سيارة ركب لها فيليب مثبت هي كامري قبل عشر سنوات.
- عرضت عليه وكالة تويوتا فرع القصيم العمل لديها بعد أن حل مشكلة لسيارة لكزس :bigeek: طولت في الوكالة وجاء وحلها عندهم في عقر دارهم بعد ما جابه راعي السيارة، ولكنه رفض واستمر في ورشة الفايز بالخبراء ...:cry:

وأخيرا سامحونا على القصور ..
ولا تنسون أخوكم من دعواتكم له بالتوفيق في اختباراته :yes:

دعايه للمحل بطريقه ذكيه

اجل بذمتك يجون من الكويت للقصيم علشان يركبون مثبت ههههههههههههههه

انت تقول اول سياره ركب لها هي كامري قبل عشرسنوات
طيب اول موديل للكامري كان 99 ولسا مكمله العشرسنوات في هذا العام

اعني الرجال راعي الكامري من الوكاله للفلبيني على طول


صـــــــــواريخ

مسوي دعايه للمحل لا يصير يجيك سعي من هالموضوع <<<<<<ههههههههههههه


الله يعافيك صراحه نسمع فيه بس وين السياره اللي تستاهل نركب فيها مثبت ,

تحياتي.............

بصراحة انت نصاب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الموضع .. كــأنـــي قــريــتــه .. بمنــتدى مكــشــات .. يعني منــقــوول.. :d
والــو رشه ذي ترا بديرتــنا ..<< مبسوط انها بديرتهم .. صارت مشهورهـ.:clapping:
بــس على مــا اسمع من النـــاس ان الــفــلبــيني غــالــي مــرهـ....
الي بيجي يركــب . مـثـبـت . يــسيــر علـي..:smilie47:

خخخخخخخخخخخخخخخخخخخخخخخخخخخخخخخخ من جد نصاب بس دعايه حلوووووووووووو :ap::ap:

بصراحة انقلب لوني لما قريت ردك .. :d
المهم ..
أولا : هذا الخبر جاني على الأيميل من واحد من اخوياي اللي يعزون علي ..
ولا أتوقع أنه يكذب .. :yes: وهذا يعني اني ما اعرف المحل ولا هي دعاية
يا ذكي أنت وياه .. :confusedw:
ثانيا : أنا سويت نسخ لصق للمقال وجبته لكم هنا .. قولوا ليه .. لإفادتكم بس ..
ثالثا : إذا الموضوع مسوي زحمة على الفاضي ولا عجبكم لا تكملون قراءته وفيه اكس بالأحمر على زاوية الشاشة .. اضغطه الله لا يهينك .. :naughty:

والله لا يهينكم يا جماعة الربع

طيب ليه ماكتبت منقول علشان مانغلط عليك هههههههههههههههه
اجل انقل ردودنا لخويك وارسله له عن طريق الايميل:ap:

ياخوي وش نصاب

تكذب الرجال عيب عليك

ولعلمك نزلت الكامري عام 1993 مهو من 1999

يعني الكامري تصنع من 16 سنه

بالعكس .. لانه ما يفك الدركسون الا بعد ما يقفلها .. يعني يطفي السيارة [عشان ما يطلع الايرباغ عليه] ثم يلفه يلفه يلفه الى ان يقفل .. عشان وزنية الاذرعة ما تتغير