|
لمن يبحث عن الماركيز و الفكتوريا ، ممكن يفيدك الموجود بالداخل السلام عليكم ورحمة الله وبركاته من خلال بحثي عن فورد واستطلاعي لآراء الاصدقاء في المنتدى وفي حياتي الخاصه استفدت وها انا اعرض لكم ماذا اخذت وماهي الاسئله التي كانت تدور بذهن الكثير منا في المعارض يوجد نوعان من السيارات سعودي - امريكي سأبدأ بالسعودي السعودي مشكلته مشكله وهو ان اللي يشتريه ما يبيعه الا لعلة فيه وعشان كذا قليل تلقى سعودي نظيف مواصفات السعودي نفس مواصفات الامريكي ما عدا انه ما يجي فتحه ( ماني متأكد من المعلومه هذي لانها جتني من صاحب معرض ) يجي شكمانين للتوافق مع الاجواء السعوديه ( شبه متأكد من المعلومه هذي ) وهو المفضل اذا وجد نظيف وانصح اللي بيشتري انه يشريه من صاحبه يعني ما تشتريه من المعارض الا اذا كان حق شركات مثل أرامكو يشترون السعودي وكل ثلاث سنوات يغيرون مواترهم وتباع الاوله والمطمئن فيه انه ما ينباع لعلة فيه واذا لقيت بالمعارض سعودي ما مشى كثير فهو حلو الأمريكي شكمان واحد ويعدلون فيه بمعنى ان راعين المعارض هم يركبون الشكمان الثاني ليش يركبونه ؟ تجي فيه مواصفات حلوه وما تلقاه ماشي وتضمن انه نظيف وفيه ميزه بالامريكي وهو انه اذا كان فيه شي او مسوا فيه شي تقدر تطلع تاريخه كامل بعكس السعودي اللي ما تقدر تبين شي منه اللي بيشتري امريكي لا يشتري فكتوريا امريكي لان الفكتوريا تستخدم هناك للتكاسي و الأمن فيصير ماخذ حقه من الكرف الماركيز يستخدم هناك استخدام شخصي يعني من رجل صاحبه لرجل المشتري الكثير ( ومنهم انا ) يسأل وش الفرق بين الفكتوريا والماركيز مثل الفرق بين كامري XLI و GLI اربع سرندل ( للي يعرفون الكامري يعني ) يعني مافيه فرق لا بالأداء ولا التحمل ولا الرساوه ولا القوه ولا العمر الفرق بالاكسسوارات فقط الفكتوريا ما فيه اكسسوارات مثل الماركيز فيكون سعره اقل من الماركيز الفكتوريا يستخدمونه للعمل عشان كذا اللي بيشتري ما راح يوفر فيه مواصفات عاليه واكسسوارات اجمل يبيه للشغل وبس وعشان كذا الناس تقول ان الفكتوريا عملي اكثر من الماركيز وهو بس عشان السعر ولو ان الماركيز ارخص من الفكتوريا اخذوه لأجوائنا المتجمده ( من زود ماهي حاره <<< لا عمرك تستخف دمك يفضل انك تاخذ مراتب مخمل لان الجلد بيتعبك من الحراره بس الجلد فخم ويعطي نظره احلى من المخمل للعلم : تجي سيارات من عمان ومن دبي يمكن عن طريق الصدفه معي يمكن ويمكن بس معلومه غريبه جميع السيارات من الديرتين هذول مصديه من تحت وكل ما وديت سياره للفحص يقول لي : من تحت تعبانه مصديه انا ما عندي خبره في الميكانيكا عشان كذا اقولكم ان المعلومه حيرتني لان فيه مواتر جازت لي وما مشت شي كثير وصوتها حلو لكن لما اوديها للفحص يقول لي من تحت تعبانه او ماهي مضبوطه \/ \/ \/ \/ \/ \/ المكتوب اعلاه كله من نصايح الاخوان يعني مهو تجربه مني شخصيه لاني ماني صاحب معرض انا رجال بشتري وشفت كثير من الاخوان محتار قلت اللي كان محيرني ولقيت حله بحطه بموضوع ولكم حرية ابداء رأيكم وحنى هنا نتبادل آرائنا في سبيل الفائده للجميع وهنا بعض الأسئله س / هل يفضل وجود الهيدروليك في السياره ؟ بصيغه اخرى : مخاطر الهيدروليك واذا خرب وش يصير بالسياره وهل هو قليل يخرب <<< ما ادري احس ان السؤال ما وصلته زين س / لماذا البعض يفضل الشكمانين على الشكمان الواحد والعكس ؟ س / لماذا تفضل السعودي على الامريكي والعكس ؟ الجواب افضل انه يكون بالتصويت على الاستبيان الأسئله هذي للحوار فقط والا اجوبتها عندي مو اكيده والسبب الاخر هو استعراض لخبرات الشباب وآسف اذا كان الموضوع مكرر او مهو قد المقام او من هذا القبيل لكن حبيت اضيف للمنتدى لانه اضافلي الكثير اي واحد عنده معلومه لا يبخل علينا تحياتي اخوكم مبارك |
س / هل يفضل وجود الهيدروليك في السياره ؟ بصيغه اخرى : مخاطر الهيدروليك واذا خرب وش يصير بالسياره وهل هو قليل يخرب <<< ما ادري احس ان السؤال ما وصلته زين ج: والله يفضل للي دايم اهله يطلعون معاه فيه لأجل مايكون نازل ويوقع على كل المطبات ودايم اللي يخرب عليه يحول ياي لأن سعر الهيدروليك غالي س / لماذا البعض يفضل الشكمانين على الشكمان الواحد والعكس ؟ للرزة والله واضيف البعض عنده توقع بزيادة قوة السياره س / لماذا تفضل السعودي على الامريكي والعكس ؟ الجواب افضل انه يكون بالتصويت على الاستبيان لأنه اضمن كونه استخدام سعودي أنا من مستخدمي الماركيز وصار لي حادث انقلاب من شارع لشارع ونزلاق السياره على ظهرها وضرب سيارة اخرى ولله الحمد المخاطر اقل كما حدث بالأمس للأبن خالي وجه لوجه بفورد فاكتوريا مع شخص كابريس 91 وتأثر الكابريس اكثر من الفورد الفاكتوريا وانا الأن اشتريت الفاكتوريا الامريكي كذلك وجلد بدون هيدروليك وبلشان فيه والظاهر اني ابركب يايات اكريكي وابقصها لأن الهيدروليك غالي مره بس للعلم الفكتوريا اقوى وأشد من الماركيز لأن ممشاه 170 بالكثير 175 والفكتوريا ياحيك 180 وللعلم (( اي فورد ماتشيكها خايف عليه من التقفيله للوكاله تراه يتقفل مع مرور الوقت تماتك أسئل مجرب انا واكثر شخص من الشباب)) الفكتوريا الاخير اللي اشتريته كان مفتوح ومع الوقت مشى 200 وبالتدريج المره الثانيه 190 للأسف اندق بدني وبالاخير قفل على 180 )) واللي وده يفتحه ياكثر ورش الرياض اللي تفتح بالكمبيوتر وان شاء الله اجيب لهم الفكتوريا الجديد 2010 ان شاء الله يفتحونه لأن اللي معي 2004 راح اعطيه ابوي ان شاء الله يستخدمه رغم انه مايحب الا الجمس واي شخص وده يعرف الفروق او معلومات الفورد انا مستعد الخبره زادت في تجريب النوعين |
| الوقت المعتمد في المنتدى بتوقيت جرينتش +3.
الوقت الان » 12:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd