21/06/2002, 08:33 PM
|
| زعيــم متألــق | | تاريخ التسجيل: 25/04/2001 المكان: قصيمي مقيم في الدمام لظروف العمل
مشاركات: 1,191
| |
ديسكو!!!روجينا!!!القاهرة!!!في الصيف!!!
اول شي ( العنوان اليوم كنّه موجز اخبار الساعه الواحده بتوقيت دوار أم سليم )
بس ،، ما تخدوش في بالكم حكيتنا النهارده ( مسكّته ) !!! بس عطوا الحر فرصه
هذا الله يسلمكم ،،، واحدن من الربع ،،، طق بالاجازة العام الماضي وحجز للقاهرة مع ثنين من خوياه !!!!!!!!!!!!!!!!
وصار لهم موقف ( ابن كلب ) في محل يقال له ( ديسكو روجينا ) الظاهر والله العالم انه بقالة تبيع غراش عصير بردقان !!!!!!!!!
نسمع القصة من بطلنا اليوم !!!! ونركّز شوي ،،، عشان مثل منتم خابرين المصاريه عليهم طلعات ( ودحديرات ) قوية !!!
اسمي ( بدر ) ووظيفتي ( بدون ) والقطة ( الفين وخمسمية ريال ) يعني ( رايحن فيها ) بس !! العيال بيرحون لمصر ،،،، وانا زي العادة مع الخيل !!! ( معاهم معاهم ،،،، عليهم عليهم )
شبيت على الوالده الين زرت لي ( ثلاثة الاف ريال ) يعني زود خمس مية ريال ( مصاريف نثرية ) بيني وبينكم ( هي شبت على الوالد الين عطاها الدراهم ،،،، عشان يفّتك منها ،،،، خاصة ،، اذا لبست ذيك الشلحة الخضراء ،، ودقت الديرمه ،،،، واللبانة اللي تسمع لها صرقعه ،، كنّها واحد توه طالع من الحمام وزنوبته رابصة بالماء !!!!!!!! ( قايل لكم ركّزو شوي )
على طاري الشلحة الخضراء !! ( كم مرة اقول لها : يمّه بلاش من هالشلحة !! ترى شكلك طالع فيها ،،، تقل ،،، الحسن اليامي الين ضيّع هجمة ) بس !!! لا حياة لمن تنادي
ما علينا !!!!!!!!!!!!!!!!!!
دبرت الفلوس ،،، وخلّصت ،،،، وصرت قدّها وقدود !!! وقلت للعيال الوعد المطار يــ( هالزلايب ) !!! ( سبحان الله ،، ربي عارف قدري ،، اذا جاء معي زود ريال ،،، رزّيت خشمي ،،، واطقع ما اشوف البشريّة )
وصلنا القاهرة !! وعليها للفندق ،،،، ومتى يجي الليل ؟؟؟ خلّ نفلها !!!
طبعاً ،،،،، معنا واحد راعي سفريات ،،،، وخبرته ( من واقع الملف ) ثلاثطعش سنه سربته !! وسفريات !!! قضاها في ربوع ،، بانكوك ،، ومصر ،،، ودبي ،،، وهالسنه أشوى !! طاح في المغرب !!!
راعي الخبرة هذا ،،، اسمه ( عبادي ) !!! بيني وبينكم ماعرف وش اسم ابوه ،،، ولا منهو ولده !!!! بس العيال ينادونه ( عبادي القرد )
وخوينا الثالث ( طلعت ) على قولة المصريين ( ثور الله في زدته ) ،،،، يعني من جنبها !!! ابعد محل وصل له ( شارع عسير ) !!! وفوق هذا كله يوم جينا نبي نسافر ،،، قطعنا يومين ،، عشان يجدّد جوازه ؟؟؟
المهم !!! وصلنا ،،،، وجاء الليل !! ( هلا والله ) قال ( عبادي القرد ) يالله يا عيال طقو الشخص ،،، ودهّنو شعوركم ،،،، وتطيّبوا ،،، عشان نروح نرّقم بنات خليجيات وسعوديات في الديسكو ؟؟؟؟؟
التفت على ( طلعت ) وقلت له : وش ذا المهبول يقول ؟؟؟؟
وين بيودينا له ؟؟؟؟؟؟؟؟؟؟؟؟؟
هزّ راسه ،،، وقال : هو أبخص !!! تعال بس ،،،، اربط حبل كندرتي !!
وأنا اللي اخمّه بذاك الطراق (طططططططططططاااااااااخخخخخخ )
ما عاد بقى الا هي ،،،،، انت ووجهك !!!! تبيني اربط حبل كندرتك !!! ذا ام عشره !!!!!!!!!!
وهو يقعد يصيح ،،، ويناشق !!!! تقل ميت له احد ( نسيت اني طقيته )
المهم ،،، قعدنا يجي ،،، ساعه ،، نراضيه !!! ويالله ،،،، يالله سكت يوم قال له عبادي : ترى ان ما سكتّ بنادي ( البرادعي ) يذبحك !!!
( والله الخبره لها دور ،، والا وش يسكّت ذا البزر )
عاد هو يوم سكت !!! ما عاد ينشق !!! ( سواليف بزران )
لبسنا ،،،، ذيك التطّقيمه ( كنّا البقرات الثلاث )
وخذنا taxi ( موديل ثلاث طعش ،،، أو هو ياربي اربع طعش ) بس ،، الوكاد انك تشوف الارض اللي تحتك ،، وانت راكب في المرتبة ،،،، الارضية متسحّله !! كنّها زبيرّيت عربجي )
السواق: على فين العزم انشاء الله ؟؟؟؟
عبادي : ديسكو روقينا ،، وحياتك !! ( على باله يفت مصري )
السواق : يا شين السرج على البقر ،، احتس زين لا ادحى فمك تراب ،،
( نصّاب ،،، نصّاب ،،،، اعترف اني نصّاب ،،، بس شي في قلبي ودي اطلّعه ،، أجل ننقد على المصارية الين قامو يحّلفون بغير الله ،،، ويجي عبادي هو ووجهه ويحلف زيّهم )
المهم ،،،، وصلنا للمحل ( استحي ،، اقول اسمه )
يوم(ن) دخلنا ،،،،،،، كل واحدن منا طلّع لسانه تقل كرفته حمراء ( راكبه صح مع القميص الفوشي ،، المقلّم بلون أصفر )
وندخل ،،،، الين المحل مليان ،،،، ما فيه ( مغّز ابره ) عزّ الطلب للتلبيق عاد كل ابونا معنا رخص من دله ( تخصص تلبيق ،،، بالرييوس )
المهم،،، دورنا ماصتن فاضية ( طاوله ) ما لقينا !!!!
وش نسوي ؟؟؟؟؟ قام ( عبادي ) وطلّع من القطّه عشره جنيه !! وعطاها واحدن من الرفقان اللي يشتغلون في المحل ،،، وقال له : دي عشان العيال !!! والله وهو اللي ياخذها ويروح ،،، ولا عاد شفناه !! يوم سألنا عنه ،،، اثرة واحد مهوب في القصه حقتنا ...واحد قطة وجه بس
المهم ،،، ما علينا !!!
دبّرنا ( ماصه ) جنب سعوديين !!! من ربعنا !! بس ،، انهم دشير شوي !! ( يقدّرون الشراب ) من يوم دخلنا ،،، وهم يشربون ثم(ن) يروحون للحمام ( انواع المخارج )
وندوّر ،، ندوّر ،، على البنات اللي يقول (عبادي ) !!! ما عندك أحد !!
كنّا قاعدين في مقهى الشلاّل !!!! ما غير تماسيح وسكارى !!
قال عبادي : اصبرو شوي !!! وتشوفونهم !! توّنا بدري !!
هو يقول كذا ،، وابو الشباب ( طلعت ) يتثاوب !! يبي ينام !!!
قفلت معي ( تعرفون عاد ،، اذا عصّبت ) !! وانا اللي اصكه بذاك الحلف ( جريتكم ،، تحسبوني با طقه ) !!!
والله ثم والله لو ما يجون ،،،، لأعلّم ابوك انك رايح معي لمصر !! وانك تحتسي مصري يــ( الدافور )
طبعاً ،،، اللي جنبنا ،، سمعوا الصجه واللجه !! ودخلوا في الموضوع !!!
ما يصير يا شباب !! انتم ربع !!! عيشو الجو !!! و لا تنكدون على بعضكم !! ( كلهم ،، مغيّمين )
على كلامهم هذا ،، يوم قلب راعي المحل ( الأغاني حقت المصارية ،، وحط أغنية محمد عبده ،، فوق هام السحب ،، وتحية للسعوديين ولأهل الرياض ومنفوحه وشباب البديعة والشفاء ،،،، والف مليون تحية لشباب التخصصي ( حتى المصارية ،، دارين انهم عيال نعمه ))
وطبعاً ،،،، ( ماسكه معي اليوم ،، طبعاً ) الشباب طاحو ( زيران ) !! اثر عبادي القرد فيه ( شيخ ) !!!!!!!!!!!!!!!!!!!!!!
طار في السماء ثم مسط على بطنه في ( البست ) !!!! وقام يحوس يدوّر ( جمر ) يحسب انه في استراحة شيوخ في الثمامة !!
وهو قاعد يحوس ،،،، صدم في ركبة واحد من اللي يرقصون !! وطاح !!
قام الحارس حقه ( البودي قارد ) وعلّقه بصرّواله ،،، ثم شاته والاه ناشب في ( دربزين الدرجه )
قام ( عبادي ) يصايح !!! ويستفزعني أنا و ( طلعت )
والله وانا اللي أسمّي على ( طلعت ) واقوّمه من النوم !!! ( طلعت ،، طلعت حبيبي قم ،،،قم يالله ) وهو يقوم ويرشخ ذيك السعبوله اللي تحت وجهه كنّها ( صبخة القصب )
ويلتفت يمي ،،، و يقول : هاه ،،،، هاه ،، جو البنات !!!!
قلت: قم انت ووجهك ،،،،انت كفو بنات !! الحق ( عبادي ) انّطق !!!
والله ونفزع ،،، يوم هذا ،،، وراعين المحل يطلّعونا براء !!!
قال عبادي : والله ماروح ،،، الين اخذ حقي !!! ابن الكلب ذا البزر ،، يطقني !!!!
قلنا ،،،، زين ،،،، اثر اللي طاقه بزر !!! بنحتريه ،،، ونفقّع وجهه !!!!
يوم خلصت السهرة ،،، وطلعوا الناس ،،، ويطلع ذاك العير اللي كنّه ( الرجل الآلي اللي في عدنان ولينا ) ومن زين الطبايع معه سبعة من خوياة ،،، نفس المقاس ( XXL )
قام ( عبادي ) وعطى خويّه بوقس مع ركبته ( هو يبيها في الوجه ،، بس ما يمدية )
هو ،،، عطاه والا ما عطاه !!!!!!!!!!!!!!
مادريت انا يا محتسيكم ،،،، الا وذاك العير يوم صكني كف !!! مع اذني اليمنى !! وانفقعت طبلت اذني اليسرى !!! ( زين اللي ما انكّب مخي ،،، عاد من كثره )
( طلعت ) الكلب ما جاه شي ،،، ليه ؟؟؟؟؟؟؟؟؟؟؟؟
ما دروا انه معنا !!!!!!!!!!!! يحسبونه ( طراّر ) عشانه نايم على الرصيف !!!
أما ( عبادي ) فلقيناه !! عقب يومين في مستشفى ( العقوزه ) يوم سألنها ،،،،، وش شفت ؟؟؟؟
قال : مادري ،،،، أنا اذكر اني شفت ( دفرنس ،، سيارة بيجو )
اثرهم فقعّو وجهه ،،،، ثم(ن) دخلوه تحت ( بيجو ،، تاكسي ) وقاطعوا راعي التكس ،، عشان يدعسه !! بس أختلفو عند السعر
حظ عبادي من السماء ،،،، والا والله لو عطوا راعي التكس ،، زود جنيه ،،،كان دعسه كنّه داعس قطو !!!!!!!!!
أخوكم:
المهير. |
الوضع العادي
