رابط حقيقي لمن يرغب بالعمل ( مجرب شخصياً ) - نادي الهلال السعودي - شبكة الزعيم

ابو طـــــلال · #1 17/02/2009, 02:39 PM

أولا خلني أقولكم عن الرابط بعدين أقولكم سالفتي انا شخصياً معه !

سجل في هذا الموقع الحكومي وهم راح يدورون لك على وظيفة بالقطاع الخاص ويدعمون بدفع ثلاثة أرباع الراتب أثناء التدريب .. ونصف الراتب أثناء التوظيف .. وبالتوفيق للجميع ..

هذا الرابط

http://www.reg.hrdf.org.sa/hrdf/

==== من هنا أنا ابو طلال اتكلم أو كيه ؟

على السريع إدخل هالرابط وقم بتعبئة الخانات وأرسل .. راح يجيك إتصال بعدها بيومين بالكثير ..

طبعا جاني هالإيميل وكالعاده إيميلات واجد وكلهن عن العاطلين ومواقع للتوظيف .. انا ماعندي شي قلت بجرب .. عبيت الخانات وأرسلتها لهم .. بعد يومين جاني إتصال

وبلغته اني ( موظف ) والحمد الله بس حبيت أجرب .. الرجال ذكر انه تبع ( صندوق تنمية الموارد البشريه ) وإنهم فعلا يرغبون بتوظيف من ليست لهم ( وظيفة ) فالعاطل أحق وأولى >> يلمح لي

طبعا ذكرت له اني بنشر هالرابط لموقع الزعيم .. للإستفاده الأكبر من هالرابط ومن خدماته واتمنى للجميع الفائده ..

اتمنى للجميع التحرك نحو البحث عن وظيفة .. من خلال هالرابط .. خصوصا اني انا مجربة شخصياً واللى كلمني موظف محترم إسمة ( فهد الشريف ) وأتمنى من الأخوة الموظفين ترك الفرصة للعاطلين ..

اخوكم الصغير ابو طلال

>>> أي واحد يتوظف يدعيلي تكفون .. وإلى مايتوظف عاد الوجه من الوجه أبيض

FINAL10 · #2 17/02/2009, 02:42 PM

آلله يجزآك خير .

وآن شآء الله تخـف البطآله عندنـآ .

آن شآء الله يستفيـدون الاعضآء من موضوعك

والله يوفقك دنيآ وآخرهـ .

ذآيب · #3 17/02/2009, 02:45 PM

رٍوٍعــٌة آلمــٌوٍظوٍع ,,
يآلرٍبــٌع آللي يتوٍظــٌف يعطي آبــٌوٍ طلآل ربــٌع آلرٍآتــٌب ,,

ويعــٌطيني ربــٌعه عشــٌآني علمــٌتكم تعطــٌوٍن آبــٌوٍ طلآل ,, :

مــٌآ قصــٌرٍت آخــٌوٍي آبــٌوٍ طلآل ,,

مــٌوٍدتي ,,

عقد الياسمين · #4 17/02/2009, 02:58 PM

هلا بك اخوي ابو طلال ..

الله يفتح ع الجميع .., وان شاءالله كل من يبي وظيفة يحصل عليها .. بس مشكلتي ادرس بالجامعة

يعني ما تنطبق علي الشروط ..

بس تذكرت وحدة تدور ع وظيفة برسلها الرابط ..

مشكور ويعطيك العافية اخوي ..,

~SaKaB · #5 17/02/2009, 03:00 PM

أبو طلال ..

أظن لأنك عندك خبرات وظفوك ..

معي واحد معه الكفاءة , تهقى يوظفونه !!

Mesh3L 21 · #6 17/02/2009, 03:07 PM

جزآك الله ألف خير
وجعله الله في موآزين حسنآتك

أن شآء الله يستفيدون منه أكبر قدر ممكن من العآطلين
وأخوي اللي أكبر مني أتوقع يحتآج للرآبط

مشكور ومآ تقصر والله

وعسى ربي يرزقك بالدنيآ والآخرهـ ..

Fahad Al Sudais · #7 17/02/2009, 03:17 PM

كفو والله يا سيد الكل

ماقصرت ووجهك ابيض يالنشمي

الله ينفع بهالرابط ويتوفق فيه اكثر من واحد وكلهم يدعون لك ان شاءالله

بس هاه... لاتنسى تاخذ 500 ريال من اول راتب لكل واحد منهم