|
مشكلة الخجل باللغة,,,,, السلام عليكم ورحمة الله وبركاتة أنا يا أخوان فيني مشكلة وهي أني ما أحب أخطي باللغة وإذا أخطيت أحس أتضايق وأخجل؟؟؟؟؟ فتلاحضوني قليل الكلام مع الاجانب وما اتكلم معهم الا اذا تكلمو معي .... عكس أخوي اللي اصغر مني يبربر مع الامريكان والاجانب رغم ثلاث ارباع اللي يقولة خطأ,,وأحس اللي يسوية صح أبي النصيحة من المجربين |
بسم الله .. اخوي الغالي . هذي المشكله تقدر انك تتخلص منها , بـ البعد عن الخجل .. ! لانه لا يوجد أي انسان لا يخطىء . وانت ما رحت عندهم الا للدراسه والتعلم .. ! يعني .. حآآول انك تسولف مع العائله , واذا كنت ما سكنت عند عائله , هذا اكبر غلط مع بداياة اللغه .. !! الممارسه أساس لكل شي , وصدقني كلما اخطيت تتعلم ااكثر .. ! لانه اللى ما يخطى ما يتعلم .. واللى يخطئ بالتأكيد بيتعلم من خطأهـ .. !! المحاول في البدايه , اساس النهاية .. !! كثرة الكلام مع العائله , له فآآيده كبيره جداً .. واسأل مجرب ولا تسأل طبيب .. !! واللى لازم تعرفه .. انك لازم تخطئ حتى لو وصلت لأعلى مراحل اللغه .. ! لانك , مولود على اللغه العربيه .. وعشت على مدى عمرك , كل حياتك بالعربي .. فـ من المستحيل انك تتقن اللغه خلال , ستة شهور او ما شابه .. !! .. نصيحه من اخ لأخ .. احفظ كلمات , احفظ كلمات , احفظ كلمات .. !! هي الاسآآآس .. !! ** اتمنالك وللجميع التوفيق يارب .. !! اشوفكم على خير .. |
hakemالهلالي يالغلا انا بقولك عن تجربه الوالد كنت من قبل كم يوم اقوله عن قسمي وان قسمي كله انجليزي وحتى المصطلحات مصطلحات تخصصي بالحاسب فكنت اقوله اني ابغى اسافر برى اخذ لغه وادرس وبكذا اطور نفسي باللغه اكثر خصوصا انك هناك مجبور تتكلم انجليزي فقالي الوالد عشانه كان دارس بلندن عن أصدقائه اللي كانوا معاه فكان من ضمنهم واحد يقولي عنه مايعرف شيء بالانجليزي بس كان يتكلم وهو عارف انه خطأ بس على قولته ضربه حظ ان جت جت والا الشكوى لله بس الان تبارك الرحمن يقول الوالد انه تطور كثير بالانجليزي وكان يقولي انه افضل واحد من اصدقائه اللي كانوا معاه بلندن يتحدث لغه ليش لأنه ماكان يخجل ...,:yes: حتى نفس هالشخص يقولي الوالد انهم مره دخلوا محل كوفي بلندن فبيطلبون وقالوا له انت تكلم واطلب منهم يبغون يحرجونه ويخلونه غصب يتكلم :d انجليزي فقال طيب بس اطلبوا شيء واحد مااعرف اتكلم يقول ابوي اخترنا كلنا عصير برتقال وقالنا له رح اطلب لنا رح هالشخص وحاول يتذكر وش معنى برتقال بالانجليزي ومو قادر يتذكر بدا يحوس بالكلمات اخر شيء رسى على كلمه بردقينوس :d على وزن اورنجوس :d فاللي يأخذ الطلبات فهم انه يبغى عصير بردقينوس :d:d وجاب لهم طلبهم بس على كلام الوالد الان كلامه وطلاقته باللغه يقولي الوالد انه افضل منهم تبارك الرحمن .., بس مشكلتنا حنا الخجل حاول يالغلا وخصوصا محد عارفك هناك يعني خذ راحك ..,:d حتى واحد ثاني من اصدقاء الوالد دخل المطعم فيبغى مناديل رح بيكلم النادله وبيطلب منها مناديل نسى اسمه بالانجليزي وبدا يعدد لها كل انواع المناديل اللي بالسعوديه كلنيكس وفاين وكل نوع يبغى بس مناديل بالاخير ماش النادله مافهمته فصرخ له صديقه قاله يأخي قالها تشيو :d :d بس بعدها هالكلمه مانسها خلاص الكلمه اللي تغلط فيها راح ترسخ ببالك فحاول قد ماتقدر والله ييسر لك يارب ويوفقك .., أرق وأعذب التحايا لك |
أختصر نصيحتي لك في (((من لا يخطئ لا يتعلم))) |
إقتباس:
لكن زي ماقلت انا اخطيت اني ماسكنت مع عائلة انا موقع عقد مع سكن الجامعة وهذا اللي خلاني شويء |
إقتباس:
والقصة اللي كتبتها حركتني والله لغير اسولف مع الامريكان واخطي وماعلي من احد |
إقتباس:
ابي اكبر النصيحة ((((من لا يخطئ لا يتعلم)))) شكرا لك.... |
والله مشكلة :to: ولكن اخي طبعا وانت تدرس تكلم مع كل الطلاب ولاتستحي :upset: بتسكت ماراح تستفيد والله اول الايام كنت هادي:confusedw: الحين اكثر طالب يتفلسف يعني :bx: do not be shy go ahead:mr: واصلا اذا شافك المدرس ودك تعلم ينبسط ويحاول يساعدك قد مايقدر يعني امسك خط يابعدي:cs: وربي مني ان شاء الله شهر وانت صاير تفلسف:tz: والله يوفقك ان شاء الله اتمنى اني نفعتك c u |
اخوي حلو انك في سكن ويمكن خيره لك انك مارحت لعائله ثاني شي انا كنت زيك ما اتكلم الا للي يكلمني وارد باختصار والله ما استفدت يعني حتى لو تذاكر لازم تطبق اليي درسته بالعربي انشب للطلاب اليي عندك خل وجهك مغسول بمرق هههه والله جد وتذكر كل ماتخطي انت ماشي صح لانك بتتعلم |
إقتباس:
|
إقتباس:
|
والله انا نفس الشيء انا خجول وهذا الشيء اللي دمرني خصوصا لي فتره في امريكا . |
إقتباس:
حاول تطبق اللي قالوة الاخوان above |
hey man dont be shy you just go say any thing if its wrong or should get a girlfriend live with her she'll help you |
وعليكم السلام ورحمه الله وبركاته.. في شي لاحظته -طبعا اتكلم بشكل عام- وهو ان الاجانب عاده لا يسخرون او يستهزؤن لما تخطئ باللغه.. عكس ربعنا اللى لو تخطئ خطأ بسيط جلسوا يضحكون عليك ويعلقون "ذبحت اللغه ياشكسبير":d وهذي ميزه في تعلم اللغه في الخارج.. بالاضافه الى ان الاجانب يتمتعون بطول البال لمعرفه مايريده ويقصده الاخر.. اذكر اني قرأت موضوع مشابه في كتاب سعوديون في امريكا لتركي الدخيل اتمنى ان اكون قد افدتك ولو بالقليل..تقبل تحيتي ودمت بحفظ الرحمن |
| الوقت المعتمد في المنتدى بتوقيت جرينتش +3.
الوقت الان » 01:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd