|
لا للخجل في التعلم ,,, اخطأ تتعلم ,, شوف اخوننا الهنود لم يجي الواحد يتكلم معنا وش يقول (( ما في معلوم ماين انا اش تقول انت صديق )) . |
لغتك الام عربي وتبي تتعلم طبيعي تخطي وتعيد وتكرر وتاكل بعض الحروف بس طبعا الشئ ما يستمر راح يتصحح مع الوقت الله يوفقنا جميعا الشئ انا أعيشة الاَن |
إقتباس:
|
ياولد احمد ربك انك عند امريكان لغتهم ذي لا تستح تكلم ارطن على قولتهم مهو انا رامين نفسي بالهند عندهم اكثر من 26 لغه وش احفظ وش اخلى ههههههههههه |
شوف يا حبيبي اول شي شف لك شخص اجنبي وحاول تتلزق فيه حتى لو كان اضعف منك لغويا وهذا الافضل انا بديت كذا فيه شخص ياباني انا كنت احسن منه شوي في النطق وهو كان احسن مني في الرايتنق طبعا جلست معاه اربع شهور نطلع ونجي مع بعض والولد حبوب وهلالي فتعلمت منه كثير وصحيح كنت انحرج لما تكلم انجليزي في مكان عام حتى في مطعم لكن حاليا ولله الحمد فيه تطور كبير وصرت اطلب واشارك في الكلاس نصيحه لك اذا كان فيه مطعم حولك حاول انك تحفظ الطلب اللي بتطلبه وتطلبه ببصوت عالي اكثر من مره واكثر من يوم وبالتالي تعود نفسك على الكلام بصوت عالي .. وبالنسبة للأخطاء كلنا وكلهم يخطون حتى الاجانب نفسهم عندهم أخطاء في اللغة " الصحيحة " الله يوفق الجميع ان شاء الله اخوك نايف من ملبورن استراليا |
هلا خيو بقولك عن مشكلتى وهى نفس مشكلتك اولاً انا كنت ادرس لغة سنتنين وكانت فى السعوديه لكن المدرسين اوربين المهم كنت انا الوحيد الى فى الكلاس الى كنت داج :to: وكانوا الشباب يطقطقون وكنت اقول فى خاطري وش ذولى من وين تعلموا المهم اكتشفت بعدين انهم مع جنبها لكن كانوا احسن منى كانوا يتكلمون ويخطون ويتعلمون بسرعة المهم ظلت معى هالحاله الخجل انى اخطى سنتنين وكنت ادرس بشكل غير طبيعى وكنت اجيب درجات ممتازه لكن المشكله عندى هى الكلام المهم يوم خلصت السنتنين رحنا للعمل الوكاد رئيسي حطنى مع واحد اجنبى وقال خلاص انت راح تشتغل مع هذا واقعد مع ذا الاجنبى شهر مااقوله الا صباح الخير وثنكيوا و اوكية لوووووووول عاد من جد زهقت ابى اسأله متى نخلص الشغل ولا وين شغلتنا ولا متى ننحاش للبيت لوول واققووم اسأله شوى شوى وابد انطلق لسانى يولد وقلت فى خاطرى يليتنى متكلم ذاك الايام يومنى ادرس كان استفدت اكثر المهم بعد مرور خمس سنوات فى العمل الحمد الله لغتى جيد وتكاد تكون ممتازه لكن الجرأه عنصر مهم وانت رايح تتعلم فنصيحه منى اسأل اول شى انفرد بواحد وتكلم معه وشوي شوى تكلم مع زملائك ومع الناس الى حولك وبعدين بتشووف شوى شوى لسانك ينطلق مثل الارنب لوول اتمنى لك التوفيق |
إقتباس:
عليكـ نصيحهـ ما رح ازيد على الي قالوه الاخوان مع اني مو مغترب بس عندي لغه ودي اطبقها بس مادري وين |
اخوي السلام عليكم لايضيق صدرك يابعدي هذا شي طبيعي بس انت حاول تتكلم بطريقتك كيف يعني اذا كنت مع عائله امسك احد منهم وقله نبي نسولف وانا اخطي كثير وابيك تصحح لي كذا انت راح تتهئي نفسياً حلوو ؟ بعدين كل يوم ترجع من الجامعه ابد سولف كيف قضيت يومك يعني افتح موضوع وعلى شوي شوي راح يكون عندك ثقه وبعدين تبدا تسأل وتتكلم بالمحاضرات ... ممكن انك تشتري كتاب عن الخجل ويكون بالانجليزي بعد وتحاول انت تستفيد منه ولا انك تخلي احد من العائله يقرا عليك من الكتاب وتتناقشون فيه ... وفيه شي ثاني مهم اذا كنت لحالك وتقرا كلمات حاول تقراها بصوت عالي مرا لاتقراها بينك وبين نفسك لانه ترا يختلف ... اسأل الله لك التوفيق واتمنى اني اضفت شي |
| الوقت المعتمد في المنتدى بتوقيت جرينتش +3.
الوقت الان » 11:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd