::.. EPL 25 ..:: مكينة تشيلسي للحين مخبطة .. الديربي سلبي .. الليفر ينقلب في ملعب بورتسموث .. جيجز خيالي يرفع مانشستر للعلالي .:: تقديم + متابعة ..:: - نادي الهلال السعودي - شبكة الزعيم

أسيــ الزعيم ــر · #1 05/02/2009, 05:18 PM

السلام عليكم

حي الله كل من يقرا التقديم ..

.. الإنجليز منهم و الطليان منهم و الاسبان منهم

و الجاليات الاخرى

كالجالية الالمانية و اللاتينية

ودي أسولف معكم قبل لا أبدأ التقديم .. سوالف انجليزية عن الجولة اللي راحت و ابرز اللي صار خلال اسبوع و اللي انساه عطوني اياه في ردودكم

اول شيء يا الربع الجولة اللي راحت احترقت فيه مليارات مانشستر سيتي بهزيمتهم من ستوك سيتي .. و الهزيمة كانت غير متوقعة أبداً حتى في وقت المباراة للفوارق بين الفريقين إضافةً للطرد اللي تعرض له لاعب ستوك ديلاب .. اللي سجل الهدف نجم قديم في الدوري الانجليزي [ جيمس بيتي ] هـ اللاعب كان موجود و كانوا مأملين عليه الانجليز انه بيكون نجم المنتخب و من هالكلام .. لكن مدري وش صار له و اللحين رجع بأداء ممتاز مع ستوك حتى الآن

و ان كاني بسولف زي كذا مع المباريات الجاية عز الله منيب مخلص التقديم

اقول انت وياه هذي هي النتائج شوفوها وش تبون بالسوالف

السوالف خلوها بيننا في الردود ازين

و بيني و بينكم بعد ما ودي اتكلم عن مباراة القمة اللي راحت

لذلك خذوا

و بـ هالنتائج صار التنافس على الصدارة كما هو مع إبتعاد تشيلسي .. الفارق النقطي بين المانيو و الريدز لم يتغير مع بقاء أفضلية وجود مباراة مؤجلة لـ مانشستر يونايتد

لكن اللي تغير ان استون فيلا تساوى في النقاط مع تشيلسي مع أفضلية فارق الأهداف للبلوز .. و لا زال آرسنال في وضع غير و ابتعد عن المتصدر بـ 10 نقاط و عن المركز الرابع بـ خمس نقاط !

هذا الموسم حتى الآن أندية كثيرة حولها علامات استفهام كبيرة .. و بالأخص ميدلسبرة صاحب المركز التاسع عشر .. فريق بدأ الموسم بأداء أكثر من رائع و لا زال يملك جميع المقومات للمنافسة على مراكز مؤهلة للبطولات الاوروبية لكن اللي يحدث هو عكس ما هو متوقع

الغريب ان الفريق بالرغم من هالشيء استغنى عن ميدو اللي له بصمات مؤثرة هذا الموسم مع الفريق .. و ايضاً معه بلاكبيرن لكنه بدرجة أقل بسبب الازمة التدريبية التي يعاني منها الفريق بعد رحيل مارك هيوز

لكن اللي يساعدهم الفارق النقطي البسيط بينهم و بين صاحب المركز العاشر .. على ما يقولون لا زال الأمل موجود و بقوة

و هذا الترتيب شوفوه أفضل

طيب بعد ما انتهت الجولة انتهت معها فترة الانتقالات الشتوية .. طبعاً في انجلترا تم تمديد الفترة يوم واحد بسبب الأحوال الجوية و جت من صالح بعض الفرق .. خلونا نشوف وش صار في آخر الفترة

أبرز إنتقال كانت الإنتقال اللي خذا وقت .. و هو لـ اللاعب العاشق للآرسنال

لاعب ما خبرته انه قال اعشق الريال او برشلونة .. ما قريت له انه يعشق الا ارسنال

اكيد عرفتوه .. طبعاً هو حب الكل

أندريه آرشافين اللاعب الروسي اللي انتقل للقنرز في 3 فبراير و هو اليوم قبل الاخير لـ نهاية الانتقالات

آخر يوم ما تم فيه الا انتقال واحد و هو لـ اللاعب ستيفين كيلي اللي انتقل من بيرمنجهام إلى ستوك سيتي على سبيل الاعارة .. و كان هو ختام الانتقالات

و من أبرز الإنتقالات هو إنتقال لاعب المان سيتي [ جو ] اللي انتقل إلى بورتسموث عن طريق الإعارة .. و أيضاً إنتقال إنزوبيا من نيوكاسل إلى ويجان

أما أقواها و الغير متوقع أيضاً هو عودة روبي كين إلى ناديه السابق توتنهام .. و مقابل 12 مليون جنيه إسترليني و هو مبلغ أقل من المبلغ اللي انتقل فيه إلى ليفربول .. عاد الرجال يقول خلاص ما راح اخونكم

أما الصفقة اللي نقدر نقول عنها [ الصفقة الباردة ] هي صفقة إنتقال كواريزما من إنتر ميلان الإيطالي إلى تشيلسي الإنجليزي .. صفقة ما طولت مفاوضاتها .. و مع ذلك صار عليها جدل كبير اللي هو ان اللاعب رايح لـ لندن للتوقيع مع توتنهام و فجأة وقع مع تشيلسي .. عاد يقولون ان توتنهام يطالبون بتطبيق ميثاق الشرف

أما أبرز الانتقالات الأخرى كانت لـ ستوك بعد نصيب منها بإستقطابه هنري كامارا من ويجان لـ ستوك بالإعارة .. و أيضاً إنتقل مايكل شوبرا لاعب سندرلاند إلى فريق كارديف على سبيل الاعارة أيضاً

و أيضاً إنتقال بالإعارة لـ اللاعب أوليفر داكور :@ .. من إنتر ميلان الإيطالي إلى فولهام الإنجليزي

في 1 فبراير كانت الصفقة اللي هزت العالم

و هو انتقال تال بن هايم لعنة الله عليه من المان سيتي الى سندرلاند .. أيضاً بالإعارة

و بصراحة كل الانتقالات اللي صارت انتقالات مميزة في آخر الوقت لكن بصراحة أفضل ما حصل هو تحرك السيتيزن للتعاقد مع شاي جيفن و اللي اعتمد في 1 فبراير

هذي كانت الابرز في الايام الاخيرة و لكم التعليق

:: ،، :: مـباريـات الـجـولـة :: ،، ::

هذا تقديم بسيط جداً .. كان ودي أزود فيه و أتفلسف .. لكن ما عندي وقت و ودي انه ينزل بدري بصراحة .. لذلك هيا ورونا وش عندكم

و هذا خبر بمناسبة نهاية التقديم

بيغيب لمدة ثلاث اسابيع بسبب اصابة في ركبته جته امس في مباراتهم مع ايفرتون اللي انهزموا فيها 1 - 0

فيلسوف · #2 05/02/2009, 05:21 PM

أول واحد يرد هييييييييييييييييي

<< يحلفون انه ماذاق الانذار الا مرة ومنك يا اسير بعد ياللي منب قايل

لي عودة بإذن الله ...

B e C k S · #3 05/02/2009, 05:27 PM

الله يعطيك العافيه عبدالله ..

.. تقديم حلو الصرآحه ومبسط !!

..

بس جيرارد بيعلب ضد مدريد والا لا ؟

..

لي بآك ..

ايه صح .. يآريت شبآب تشيلون تواقيعكم ..

R V P · #4 05/02/2009, 05:39 PM

يا لبى قلب البريمر بس

،

.. / ..

Arsenal Vs the chicken

المباراة هذي .. اكيد هي اقوى مباراة بالجوله

،

توتنهام يبدأ المباراة بــ بضاعته القديمه

،

توتنهام ذكروني بالنصر

.. قبل مباراة الهلال بيومين بدوا يتعاقدون مع
لاعبين جدد

،

المباراة راح تكون صعبه جداً على القنرز

،

لأن المباراة راح تكون خارج الديار ! ، لكن إن شاء الله فينجر والشباب ما يقصرون
وبإذن الله يبدعون

،

وإن شاء الله الفوز ارسنالي مع متعة العتيبي

،

Chelsea Vs hull city

مباراة قويه ، وما راح تكون سهله للفريقين

،

هال سيتي يلعب المباراة بأرضه ، لكن إذا لعب بأرضه يفتح اللعب وهذا الشيء
من مصلحة البلووز

،

لكن ايضاً البلوز ما راح يلعب ضد فريق سهل .. وأعتقد اذا انتبهوا لــ جيوفاني
وكينج و كوسين .. هال سيتي ولا شيء

،

بالتوفيق لـ هال

،

Portsmouth Vs liverpool

مباراة ما راح تكون سهله للفريقين ! ،

بورتسموث في الفتره الأخير مستواه هابط ! ،

لكن إن شاء الله ادامز يعدل اموره بهالجوله بفوز ساحق على الريدز

،

الريدز اتوقع راح يتأثر بعد غياب جيرارد لــ ثلاث اسابيع ! ،

لكن عندي إحساس قوي إن بينتيز راح يثبت للناس ان الريدز ما يعتمد على
لاعب واحد ! ،

واتوقع الفوز لــ الريدز

،

West ham Vs Man U

مباراة ما راح تكون سهله للفريقين ! ،

مانشستر يونياتد يدخل المباراة ولا يفكر إلا بالفوز ! ،

وست هام بالفتره الأخير ظابط مستواه .. تعادل وفاز بآخر مبارتين ! ،

وإن شاء الله نشوف جرين يستقعد للمانيو

،

بالتوفيق لـ أبناء لندن

،

.. / ..

الله يعطيك الف عافيه عبدالله على التقديم

،

ولي رجعه إن شاء الله

،

Carlitos 32 · #5 05/02/2009, 05:42 PM

^
^
^

لا جد شباب

.. مانبي تواقيع ..!!

,

الله يعطيك العافية اسير .. تقديم مبسط وفيه ابرز الأحداث

هـ الجولة راح تكون حامية ..!!

اللاعبين الجدد , احداث الجولة اللي فاتت , مباريات قوية هـ الجولة

يعني مولعة من قبل لا تبدى ..!

بالتوفيق للمان

لي عودة إن شاء الله ..

Mr.Anfield · #6 05/02/2009, 06:06 PM

عوااافي عبدالله ع التقديم الوافي

--

جيرارد راح يغيب هالجوله , يعني راح تغيب الإثاره بهالجوله

لكن الله يستر بس , لا تروح الصداره

--

عوااااافي

مجنون الإنتر · #7 05/02/2009, 06:17 PM

تقديم جميل وتعليقات أجمل

جولة مميزة للجميع

وبالتوفيق لعرب ويجان الصعايدة زكي وميدو

زعـيم الزعـماء · #8 05/02/2009, 06:30 PM

السلام عليكم ..

يعطيك العافية ع التقديم

ما قصرت

دوك ذولا المعلقّين لـ هالجولة ..

يآ لبييه يآ أبو خالد

بالتوفيق لـ القنررز

ابو عابد ودي أكشخ بـ لاعبنا الجديد .. اسمح لي منب شايله

شباب شيلوا تواقيعكم ..

< قل والله

أسـير · #9 05/02/2009, 06:37 PM

مشكور خوي تقديم خفيف وبنفس الوقت مفيد وفيه ابرز الاحداث

احسن لك بدون فلسفة ولا شي ريح نفسك تقديم على الخفيف

والله هالجولة فيها مباريات قوية بس للاسف جيرارد غايب

بس انشالله الفوز لليفر وننتظر تعثر المان

اما صفقة كواريزما ماادري وشلون جت سكيتي

D E N i S · #10 05/02/2009, 07:35 PM

ارد والا لا ..

ماني فاضي لكم انتم ودوريكم اللي أكل الاخضر واليابس ..

اذا فضيت رديت واذا مافضيت رديت ..

لــي وشــسمه ..

Msh3al_37 · #11 05/02/2009, 07:44 PM

المان مع وست هام :s

مباراة جداً صعبه الله يستر لكن اتوقع بتنتهي مانشستراويه بصعوبه

اتوقع كوارزما و ارشافيين بيتفلتون شوي بالجوله الجايه

جيرارد ماراح يلعب

اتوقع ليفربول بيتوهق شوي

ارسنال وتوتنهام هي قمة الجوله ان شاء الله نشوف منهم مستوى قوي وممتع

ابو عابد يعطيك الف عافيه

R V P · #12 05/02/2009, 10:20 PM

..( ارشافين " لا اتوقع انني جاهزاً لــ مباراة الديربي " )..

النجم الروسي " اندريه ارشافين " المنضم حديثاً لــ الآرسنال لا يتوقع ان يلعب
مع فريقه الجديد " ارسنال " امام توتنهام في ديربي " لندن " ،

يقول ارشافين " سوف اكون في لندن يوم الأحد ، ولا أتوقع أن أكون جاهزاً لــ
مباراة الديربي امام " توتنهام " ،

واضاف " لكنـني سأبذل قصارى جهدي لــ الوصول إلى التشكيلة الأساسيه فـي
اقرب وقت ممكن " ،

the moon

زعيم يازعامه · #13 05/02/2009, 10:55 PM

مشكوووووووووووووور أسير على التقديم الرائع ..

ما هي غريبه مبدع دائما في رابطة البلوز ..

بالتوفيق للبلوز

بالفوز و لمانشستر وليفربول بالتعثر

إن شاء الله,,,

والله ذيب يا سامي · #14 06/02/2009, 02:24 AM

وش هالتقديم ؟!

<< واحد ما قد انصك إنذار

والله هالجولة حمااااااااااااااااااااااااس

خاصة إنها تجي بعد فترة الانتقالات الشتوية

وبعد فترة الفاينلات

الأضواء كلها راح تكون مسلطة على أرشافين حتى أشوف اللاعب صارت له صور وهو يلعب في النادي

<< روحوا شوفوا صوره في رابطة آرسنال

أبرز مباراتين في الجولة هي الديربي بين السبيرز والجنرز واللي أتوقع إن عودة روبي كين للسبيرز ممكن تغير من شكله وممكن يحرج الجنرز

المباراة الثانية مباراة مانشستر يونايتد وويست هام ومعلومة تاريخية تسجل بانه في آخر 5 مباريات بين الفريقين ، ويست هام فاز 3 مباريات ومانشستر فاز مرتين

بالنسبة لمباراة تشيلسي وهال سيتي الله يستر من عك تشيلسي على أرضه

الليفر وبورتسموث أعتقد أن الحل سيكون بيد النينو متى ما كان جاهز

راجعيييييييييييييييييين

زعيم اسيا (9) · #15 06/02/2009, 02:51 AM

الله يعطيكم العافيه شباب

تقديم مبسط وخفيف وروعه وربي

وفيه رأينا انتقالات الاعبين ... والسؤال هنا هل سينجحون الاعبين مع فرقهم ام لا ؟؟

الله يعطيكم العافيه شباب

واما المـــــــــــــــــــــانيــــــــو حبيب الألب

والله لقائنا صعب مع وست هام ثقيلين الدم

الله يعيننا عليهم .. بس اان شاء الله برجوع روني واحتمال مشاركته هو وايفرا بيتدعم فريقنا وبنكون قادرين اننا نهزمهم وفي عقر دارهم بعد

عوافي شباب تحياتي لكم