أغاني ... أغاني... أغاني
 

كثير من الناس يعتقد ان الاغاني مالها تأثيرعلى النفس مع انها سبب لمشاكل كثيره ..وبالذات للي يسمعها في كل مكان ^^^

تخيلو ان كثير من الشباب يجيب ال km بسيارته ويقطع 3 او 4 اشارات ويسوي

زحمه في الطريق مهب لانه مستعجل..... لانه طربان مع شريط او ان اغنيته

المفضله طلعت في الراديو.....واذا خلصت الاغنيه يرجع لحالته الطبيعيه!!!!

وفيه شاب لطيف كنت ماسك معه خط ... كل ما بدت اغنيه حلوه .. قال هذي

يبيلها زقاره ... الين خلص البكت وتونا في ربع الطريق !!!!

وواحد ثاني صليت جنبه وطول الصلاه وهو يهز راسه ... قلت هذا مهب صاحي

أكيد الرجال فيه شي ... بس انا اعرفه زين ومهب ذي عادته... يوم صلينا...

سألته وش فيك ؟ ... قال لازم اعيد صلاتي.... لاني كل ما بغيت أقرا الفاتحه او

اقول اي شي تطلع معه اغنيه .. واهز راسي عشان انساها !!!!!

والله حرام ... مايكفي ذا الناس اثم الاغنيه ... وفوقها ..

خسارة المال والصحة والدين.

صدقت اخوي .

جزاك الله خير

لكن كيف تحملت ريحة الدخان طوال الطريق

ليتك نهيته او نزلت ربما تكون سبباً لتركه له