سكان شرق الرياض مهضوم حقهم بشكل غير طبيعي من ناحية تنظيم و صيانة الطرق
سكان شرق الرياض مهضوم حقهم بشكل غير طبيعي من ناحية تنظيم و صيانة الطرق
راح اتكلم عن طريقين بس :-
طريق الشيخ جابر (من ناحية التنظيم)
و طريق الامام محمد بن سعود -مخرج 9- ( من ناحية الصيانه )
فضلا عن طرق والشوارع الفرعيه اللي تقعد بالسنين مايسوون فيها شي
وتصدقون بالله ان فيه شارع مايتعدا كيلوا واحد قاعدين اكثر من 6 شهور يصلحون فيه
طريق الشيخ جابر انا ماادري وش الفائده من الدوارات على طول مسكرينها يعني انت جاي من الدائري تبي تروح للشرق مالك الا من عند طريق خريص تسوي (يو تيرن)
واذا كان فيه مباراة في الاستاد عاد شف وش يكون الوضع ..
اقتراحي انا انهم يسوونه طريق سريع بما انه يربط بين خريص والدائري ..
طري الامام محمد بن سعود ( مخرج 9 )
طبعا الطريق من خالد بن الوليد بإتجاه الغرب احسن مايكون
لكن من خالد بن الوليد الى خريص الله لايوريكم مايمر يوم والا ولازم يكون فيه حادث
حفريات وبدون ارصفه وبدون لوحات تحذيريه
سؤال برئ جدا
ليش الشركات اذا مسكوا مشروع يتماطلون فيه ؟؟ ليش مايخلصونه بسرعه ؟؟ ابي رائكم في الموضوع ..