ليــــه ســـاكـت وداخلك زحمـــة حـــكـي .. - نادي الهلال السعودي - شبكة الزعيم

فجر الرياض · #1 03/02/2009, 12:35 AM

السلام عليكم ورحمة الله وبركاته

ان شاء الجميع بخير

وان شاء الله اللي بيختبرون بألف خير

على طاري الاختبار في مادهـ خايفه منها

ودي اسأل الدكتور وش يستفيد
إذا صعب الاسئله اوخلاها غامضه مو معنا هذا انا نبيها اسهل ماتكون لانبيها واضحه مو كل التعقيد فيها
بجد يحطون اسئله تنسيك اسمك

مدري وش يستفيد غير الدعاء عليه اللي نسمعه إذا طلعنا من القاعه من البنات

ماعليه من بدايتها اتشكى

المهم ان شاء الله اللي توهم يختبرون يعدونها واللي مابدوا بعد يعدونها والله ينجحنا

في المسن البعض دايم اشوف توبيكها والا البارسونال كله حزن وهم دااايم يعني داااايم كأن مصايب الدنيا نازله عليها

صحيح الواحد تمر عليه اوقات يتضايق بس مو بهذا الشكل
ليه هالكآبه وهالحزن ليه نضايق اللي حولنا من دون قصدنا ليه النكد ليه

( ياااااااانااااااااااااس اااااااابي انتحـــــر) > واحد من التوبيكات

طبعاً كلمتها

انا:مراحب فلانه
هي: اهلين
انا :سلامات وش فيك اليوم

هي: مافيني شي
انا: طيب ليه الإنتحار

هي: ياختي طفش مليت

انا: اووكي عارفه كلنا نمر بحالات ملل بس انتحارمره وحده عارفه انك من جنبها

وماراح تنتحرين
بس شكلها وهي مكتوبه تجيب الغم

هي: قوليلي وش اسوي طفشت
انا: صدقيني محد يعرفك اكثر من نفسك سوي اللي يريحك برب
<تعبت من كثر ماتواسي

الكآبه والملل هل هي فعلاً موجوده بالشكل المبالغ فيه اللي نشوفه والا هي هاله من لاشي خلقناها حول انفسنا
لما نكثر من الشكوى والملل والتذمر مع الوقت راح نفقد اللي حولنا

الكل عنده ظروفه محد خالي هم
إذا الواحد ماقدر يتحمل اللي بنفسه عشان كذا طلعه وتكلم انت بكلامك رميت اللي قدامك بهم ثاني

صحيح الواحد يتكلم عشان يرتاح ميخالف مو مشكله بس يكون هذا محور كلامه وبس لا

الواحد يحاول يغير من نفسه للأفضل الكل يمر بظروف ومشاكل وغيره
بس لما يتذكر انه احسن من غيره بكثير
يحمد ربه على النعمه اللي هو فيها ويبطل هالكآبه وهالحزن
ومايقول ابي انتحر

الزواج قسمه ونصيب وكل واحد ماياخذ الا اللي مكتوب له طريقة اللي يخطبون تختلف من بيت لبيت
صاحبتي تقدملها واحد عن طريق ابوها مباشره يعني امها وكذا ماجاهم خبر او مكالمه من طريق اهله
المهم شافه ابوها وتقريباً لقاه مناسب جاله الشاب بعد فتره وقاله الابو اوكي <اوما اوكي

المهم قاله خلاص حياك الله كانك بتشوفها هو قال لا امي بتجي قال الابو مو مشكله حياكم الله
جت الام وطلعت لهم البنت وكذا المهم يوم راحوا وطبعا ماردوا وإذا صار كذا معروف ان الموقف رفض
صاحبتي ثقتها بنفسها كبيره ومو ناقصها شي من جميع النواحي تقول هو ماهمني
جايلي قبله وانا اللي رافضتهم وبيجي لي بعده بس اللي جرحني ليه مارد مافيها شي يكلم ويقول
الله يرزقكم احسن منا او أي شي بس يرد مو يسحب كذا بنات الناس مو لعبه يشوفهم بعدين يروح

إذا كنت بتدخل في السالفه حريم ليه مادخلتهم من البدايه والرجال لما يجي شي رسمي ومنعت نفسك من الاحراج
انا ماراح اقول مثل ماقالت انه ماعنده راي وانه رخمـ....
لا راح اقول انه بعيد عن المرجله لأنه واجه الرجال في البدايه وماقدر يواجه في النهايه شي عادي انك تكلمه
وتقول رايك بناء على نظرت الأهل والسالفه توها في بدايتها
يعني يمديك تتراجع ومحد لايمك على قرارك الزواج قسمه ونصيب
بس انك تطنش موقفك ضعيف بالحيل
صاحبتي بعد ماراحوا تقريبا بشهر تقدملها ثلاثه وبنفس مستواها الاجتماعي
بس مازالت نفسيتها متأثره من هالموقف لوهم رادين وقايلين لا كان عادي عندها
بس السكوت كذا اوجعها
بجد بنات الناس مو لعبه يعني يااعتمد على الاهل من البدايه وتعال انت إذا ناسبتك وتقدم بشكل رسمي

يالاتسبب زحمه من البدايه بعدين وبكل بساطه تنسحب وتنسى ان بنسحابك بهذا الشكل جرحت شخص

بجد مدري ليه قلت سالفتها يمكن لأني متأثره معها باللي صار لها ونفسيتها

الله يرزقها الزوج الصالح ويوفقها ويكتب لها الخير بكل امورها

رن الجوال ورديت

....:الوه السلام عليكم
فجر : وعليكم السلام
........: فجر
فجر : معك فجر

........: كيفك وش اخبارك
فجر:تمام الحمدلله
........:وش اخبار الأهل
فجر: بخير <مازلت مو عارفه البنت اللي متصله مشبهه بس مو قارده اوصل للصوت

.......:ماعرفتيني صح
فجر:والله مشبهه بس الصراحه ماعرفت

......: انا لمياء الفلاني

فجر :لمـ ـ ـ ـ ـياء

(رجعت الذاكره لتسع سنين ورى ايام الطفوله واللعب وغيره وغيره تسع سنين كفيله بأنها تشغل الواحد وتلهيه

آآآآآخ يالمياء

معقوله مانسيتيني )

لمياء:فجر معي
فجر:معك معك كيفك يالمياء
لمياء : انا بخير

< وبدا السؤال عن الحال والاحوال من جديد وبدينا نحكي عن ذكرياتنا وووو
خنقتني العبره عند بعض الذكريات والمواقف

تمنيت انها ترجع ونرجع نعيشها من جديد
لمياء هي نفسها ماتغيرت نفس طيبتها ومرحها الهادي الزمن واحد مايتغير الاشخاص
هم اللي يرضون لأنفسهم بالتغيير لكن الكثير رغم كل الظروف اللي يمر فيها يبقى هو بكل صفاته >

نبي شعوركم بهاللحظه شخص يدور رقمك بكل تعب
عشان يوصلك ويسلم عليك بعد سنيييين طويله مانساك هو فيها
وبكل مشاعر طيبه يقول اشتقتلك(

)
صديق مثل هذا حاول انك ماتخـــسره

قبل النهايه هذا ختبار او شخصيتك على حسب التشوكليت اللي تحبها

الشوكلاته بجوز الهند : يفضلونها الأشخاص الهادئين
الشوكولاته بالحليب : يفضلونهاالاجتماعيون والمرحون والذين يميلون للعمل أولاً ثم التفكير
الشوكولاته بالمكسرات : هو شخص عملي ويميل للتفكير قبل العلم وقد يكون إنطوائياً
الشوكولاته بالقهوة : فهو شخص مفكر ومهتم ولكنه يعتمدعلى الآخرين في صنع قراراته
الشوكولا ته البيضاء : هم غالباً من أصحاب الشخصيات الصبيانية
الشوكولاته المرة : يتمتعون بثقة عاليه بالنفس علا أنهم أستبداديون في بعض الأحيان

في النهايه الموضوع زحمة حكي

حالات مريت فيها وبعضها اثر فيني وحبيت تشاركوني اتمنى اني ماثقلت وووبس

ياشــاعـــري قـــل للـدفـــــاتر والأحـلام
مـرت سـنـه والـيـوم كـمـلت (عـــشــرين

)

قـلـّـي كبرتي .. قـل كبرتي .. من العام ..
وأنا احتريها .. وأنت ساكت لهالحين ؟!

وأقــول هـذي كـلـهـا حـسـبـة أرقــــام
هوللسحابه عمر !ردي ؟!وبعدين ..

مـهـمـا تكـبـّـرك اللـيـالـي والأيــــــام
تـبـقـين طـفـلـة قـلـبـي اللـي تـحــبين