نادي الهلال السعودي - شبكة الزعيم - الموقع الرسمي - !! .. كنت أسوق وفجأه واحد صدمني ما تصدقون مين !! + طلب مني نسوي حمله جديده بالمنتدى .. !!

السلام عليكم ورحمة الله وبركاته :stoned: :smilie47:

هلا وغلا اخواني الزعماء :smilie47:

باختصار عشان ما اطول عليكم ... كنت اسوق سيارتي اليوم وماشي بامان الله وفجأه القى الشارع انواع الزحمه وسكر الطريق مرة وحده :bigeek:

وانا اللي اضرب فرامل اقوى نوع عندي ... واتفاجأ ان اللي وراي مو منتبه ويضرب فرامل هو الثاني بس ما لحق يوقف وصدمني :nono:

انا قلت يوووووه النشبه الظاهر بنزل اجلده :d الله يستر ما يطلع عربجي ويهايط ويخليني اعصب واتوطاه :razz:

المهم نزلت والسواق حق السياره الثانيه نزل انا يوم شفت اللي نزل عيوني فتحت وصارت كبر الرياض :d احاول اسكرها ماني قادر ماني مصدق :bigeek: :surprised:

والكارثه اللي بغى يجيني انهيار عصبي ان ياسر كان راكب جنبه :bigeek: بس ياسر ما نزل الظاهر كان يكلم المدام لان سمعت كلمة صامولي:d:smilie47:

انا يوم شفته قلت له مسامحك دنيا واخره ... بس ابغاك توقف تصور جنبي وجنب السياره عشان اذا قلت لاعضاء الزعيم القصه يصدقونها :d

قالي صعبه بنص الشارع يجتمعون الناس ... قلت له ترضاها لي اطلع كذاب :surprised:

المهم دقيت صوره لي وله ... انزلو تحت وتعرفون منهو الاعب :naughty: وبعد الصوره بنزل لكم الحوار والكلام اللي قالي اوصله لكم :d :naughty:<=== اسلوب تشويق :d :smilie47:

777777

777777777777777

http://gallery.7oob.net/data/media/13/01_23_2_web.jpg

:bigeek:

مستغربين :bigeek:

ايه ارنب :d :smilie47:

باختصار كل هالقصه نصب × نصب :d بس حبيت اوصلكم ارحمو عقولنا الله يرحم امكم :d كل يومين واحد ينشب لنا بقصه انه شاف فلان وسولف مع فلان وفلان يسلم علينا ويقول لنا انه يحبنا :d :smilie47:

فيه قصص واضح مرة ان اللي يقولها نصاااااااااااااااااب :d والاعضاء يسلكون له مشكووووووووووووووور وانت ماشي :d :smilie47: اشك انهم قارين الموضوع حتى :d والله ان البعض يتعب بموضوع ويكون متوقع ردود تشجيعيه ويتفاجا ان الكل يقوله مشكور وانت ماشي يتحطم ويتضايق من الرد :yes: الهدف مو كثرة الردود الهدف قيمتها :yes:

الحين انا بنزل الموضوع بعد بدقيقه بلقى رد مشكووووووووووووووور :d طيب بالله شلون امداك تقرا الموضوع وترد بدقيقه :razz: هذي برضو لكم فتره ناشبين لنا فيها بس رد ردود ما منها فايده وزيد مشاركات :d

والا اللي يتهاوشون على اول رد :d تلقى اول خمس ردود كلها هيييييييييي اخيرا انا اول رد :clap: ما يدرون ان فيه غيرهم كثير نفس التفكير بس يرد وما يقرا شي :d

هذا الشي الأول :yes:

الشي الثاني موضوع الحملات :yes: كل يومين وكل سالفة نلقى عشرين موضوع بالمنتدى حملة المليون صوت عشان فلان ... حملة الثلاثة وعشرين الف صوت عشان مدري وشو ... والا يشوف كم عدد الاعضاء وصل ويكتب موضوع حملة جمع اصوات ويحط عدد الاعضاء يبيهم كلهم يردون ... يا حبيبي مو كلهم يبون اللي تبيه :to: لا والاعضاء كلهم يا الله ما نوصل 400 الف وتلقاه يبي حملة المليون صوت من وين نجيب لك مليون يبو :to: نروح نتسلف من مواقع ثانيه :d :smilie47:

يسمع ريحة خبر ان الهلال مثلا بيتعاقد مع فلان من الاعبين ... على طول دايركت لليوتيوب يسوي بحث ويكتب اسمه ... يمكن يكتبه غلط ويطلعله مقاطع لـ الاعب ومقاطع ثانيه :d وطبعا عادة اليوتيوب اللي يدخله ما يخلص شي ورى شي ومقطع ورى مقطع وينسى نفسه هو ليه دخل وعن ايش يبغى يبحث :d اول ما يصحى على نفسه ويتذكر يجي للمنتدى ... ودايركت موضوع حملة المليون صوت للتوقيع مع الاعب والا ترى بترك التشجيع ... وينكم يا ادارة ما لكم داعي تخلوني اترك التشجيع :d

يا شيخ اترك ما حد درى عنك واسمحلي لو بتحكم عليه من مقاطع فيديو اجل انت وتشجعيك واحد ... تلقى يمكن اخو الاعب مجمع له افضل مقاطعه ومنزلها يسويله دعايه وانت صدقت عمرك من اول مقطع :d يا حبيبي مثل هالمقاطع زي صور بعض الشباب تلقاه اسود وسبحان الله بعد ما يتصور الله يخلي الفوتوشوب يطلع ابيض وعيونه خضر بس الشمس لعبت فيه يا حرام :d :smilie47:

بعدين وش الفايده ... شي حلو ان الواحد يكتب موضوع يوضح فيه وجهة نظره ويكتب فيها مطالبه ... الهدف مو بس افتح لك مشروع حمله واكشخ على اخوياك بعدد الردود :d

حملة خلوها تصدي هيضتكم بزياده :d

على الطاري ... يقولكم غبي اشترك بمسابقة يوم السحب اتصلو عليه قالو له مبروك فزت معنا بسيارة لكزس قال ما ابيها خلوها تصدي خخخخخ :d :smilie47:

ما ودي اطول بالانتقاد واعتذر على مقدمة الموضوع لكن حبيت اغير جو واهيئكم نفسيا للقادم من موضوعي ... والاهدف الاول والاخير الرقي بمستوى المنتدى ونريح المشرفين شوي من تحرير المشاركات المخالفه بكتب بعض النقاط الهلالية اللي تفيد الفريق وتفيد المنتدى باذن الله :yes:

( 1 )

الهلال الان في مرحلة الحسم ... ومن اول الموسم وانتم مستانسين من الادارة وقراراتها والنهج اللي تمشي عليه ... جابو لاعبين عالمين ونتائجهم الى الان مرضيه ... نصف نهائي كاس فيصل وصدارة الدوري واستعداد عالي للبطولات الجايه :yes: يوم جينا لوقت الحصاد ونهاية الموسم بديتو انتقاد ومشاكل :no:

( 2 )

الحضور الجماهيري مطلوب جدا والله ... جو الرياض ما يقارن باجواء اوروبا اطلاقا وشوفو الحضور عندهم :yes: اعلم ان كثير من الاعضاء طلاب ... لكن متاكد ان الكثير ايضا موظفين وبامكانهم الحضور والمؤازرة ... اللي عنده ظروف ما الومه والله معذورين ... لكن اللي خلاني اكتب الصدمه الكبيره من حضور الديربي :bigeek: فعلا يجب وضع علامات استفهام وتدارك الوضع قبل فوات الاوان :smilie47: :rose:

( 3 )

المرشدي انتقدتوه والحين افضل لاعب خليجي ... ويلي قطعتو امه والحين انواع المدح انه نشيط ويحرث الملعب ... و و و و كل لاعب نفس الكلام .. ما شبعتو !! ما تعلمتو !! ترى الصبر زين :yes:

( 4 )

فريقكم ما عليه خوف ... كل موسم انواع العراقيل من الجميع بلا استثناء ... واذا خربناها مرة نطلع لنا ببطولة وحده :clapping: ... كل واحد بالفريق عارف وش لازم يسوي وما اعتقد احد قاعد كذا على الفاضي ... النادي بمثابة منشأة استثماريه كل واحد عارف شغله وعبدالرحمن بن مساعد هو مديرها واعتقد انه فعلا اثبت قدرته على الادارة ... اولا واخيرا نجاح اي منشأة هو عملائها وزبائنها ... اذا كانو راضيين الامور تمام ... وزبائن الهلال جمهوره ... والمشكلة والله ان الزبائن راضيين كثير بس ما نشوف احد فيهم يحضر ويساند ويدعم الفريق عشان يواصل مسيرته بنجاح :cry:

( 5 )

لاعبين الهلال بالمنتخب كان لهم بصمة كبيرة بالوصول للنهائي :yes: خط الدفاع هو خط دفاع الهلال وواضح ان دفاع المنتخب اقوى دفاع ... وشوفو نسبة تسجيل لاعبين الهلال من اجمالي الاهداف وتعرفون قيمة فريقكم ... لاعبين شباب كالفريدي والزوري خلال سنه بس يسجلو اسمائهم كاساسين بالمنتخب :bigeek: ببساطه انتم عشاق نادي كبير ومحظوظين بعشقكم والله :smilie47: :rose:

ما ودي اطول ... المطلوب منكم الدعم ولا غير الدعم ... انتقدو ... لكم حرية الرأي والكلام تكلمو وعبرو عن اللي تبون ... بس بالمقابل ادعمو واحضرو عشان تلقون شي تنتقدوه وما تصير الدعوى بس كلام وخلاص :yes:

باختصار يا هلال ... امنيتي وامنيه الجميع هي ان تكون عريس اسيا ... وكل الجماهير مستعدة ان تقدم نفسها كمهر للبطولة الغاليه :smilie47: :rose: يا هلااااااال .... تكفى نبيها :smilie47: :rose:

سي يو ... واعتذر على الاطالة :smilie47: :rose: