السلام عليكم شباب
الله يعطيكم العافية ( فواز 
- يزيد - محمد ) على التقديم جولة صراحة ما يندرى وش بيكون فيها يعني الدوري الإيطالي
حلاته انك ما تصدق توقعاتك دايما عكس دوري التنس 
مباراة نظريا نقول انها سهة لليوفي لكن المشكلة ان اليوفي حاليا نتايجه
الأخيرة سيئة تعادل و هزيمة و هذا بيكون تأثيره كبير على لاعبين اليوفي
و هذا اللي نتمناه طبعا 
, و كالياري ما يستهان فيه ابد لأنه مقدم موسم ممتاز بالنسبة له ينافس على التأهل لكأس الإتحاد الأوروبي , و ان شاء الله يتحقق
مراه و يقشع اليوفي من المركز الثاني , فورزا كالياري أشوفها مباراة مدري وش بتكون ظروفها لكن الانتر بيكون قريب من الفوز فيها
بس الانتر مشكلته ان مستواه متذبذب من تالي يعني جمهوره مو واثق فيه
لدرجة كبيرة , حتى المباراة الماضية قدام كاتانيا صراحة الحظ ساعده و لا
يهون الحكم بعد يعني الانتر ما قدم المأمول منه في ذيك المباراة عاد نشوف وش بيكون وضعه قدام تورينو فريق المفاجئات , ان شاء الله " روسينا "
و أخوياه يبدعون في هالمباراة مثل ما بدعوا قدامنا و صكونا ثلاثة و اتمنى الحظ هالمرة يستحي على دمه و ما يوقف مع الانتر و يكون مساند لكالياري روما ما يندرى عنه فريق صاير مزاجي هالموسم يعني يطلعلك بنتيجة غريبة
في مباراة و المباراة اللي بعدها يطلع بنتيجة أغرب , بس مع " توتي " أتوقع أن روما بيكون وضعه اوكي و بيفوز في هالمباراة بسهولة الا اذا استهبلوا لاعبيتهم
و بدوا يتخاذلون عاد هالمرة فيه مشاكل بين كذا لاعب و المدرب " سباليتي "
صراحة أتمنى فوز روما حتى يحلى الدوري و يجي المركز الرابع بدل جنوى
و يكتمل مربع الكبار في الصدارة
قمة الجولة , يا حلاة مباريات الفريقين , تحس بالمتعة صح , يعني ميلان دايم ما يكون مجنون قدام هالفريق يعطيه اربعة خمسة و هو ماشي بس اشوف هالمباراة صعبة على ميلان كثير لأنه الحين مطالب بالفوز
أكثر من أي وقت ثاني عشان يلحق الانتر اللي كل ماله يبعد و الدوري الحين
النقطة فيه بذهب و التفريط غير موجود لفريق يبي ينافس على الأسكوديتو
بس الله يستر من تخبطات " أنشيلوتي " و تغييراته السامجة اللي طالع لنا
فيها بالمباريات الأخيرة يعني مثلا مباراة ميلان و جنوى اللي راجت على اي اساس
تطلع " باتو " و تطب المنحدر مستواه " رونالدينيو " هالتغيير اشوف انه
أثر في سير المباراة و ميلان كان يستطيع يجيب هدف ثاني يخلص الأمور
بس خروفنا الأحمق !! خبص الدعوه 
, يالله ان شاء الله يبيضون الوجه قدام لاتسيو و نجيب الثلاث نقاط و انا عندي احساس ان اخذ الفريق الثلاث نقاط
بذي المباراة ميلان بيكون بشكل مغاير و بينافس بقوة على الدوري
FORZA MILAN 
تحياتي للجميع
ღ غــزة نــ ص ــرك اللــه ღ
![|| .. FoRzA CaLcIo .. || في ربع النهائي .. اليوفي يقابل نابولي .. التقديم في الرد 199 ][ متابعة ][](iconimages/t709713_rtl.gif)
الوضع الشجري
