|
رن رن - ميــــن؟؟ عامل التوصيل ميدموزيل - اها طيــــب اسعدتم مساءا جميعا ويسعد اكثر بفوز الزعيم الليلة مابي اطول عليكم بالمقدمة لكني من زمان ماكتبت موضوع لاني بالاصل اتجنب اكتب لاني دايما اكتب اللي اشوفه بعيوني ومو الل اسمعه باذاني وهالشي تسببلي بكروت حمراء كثيرة في المنتديات - على ايه حال قريت بعض المواضيع ولقيتها فيها جراءة وماحد اعترض وماحد انطرد - ماعندي اي استعداد انطرد من هالمنتدى الغالي موضوعي اللي بتكلم فيه خطير وعميق سنوات وانا اشوف بعيني مواقف عجيبة - تصير قدامك بالشارع وكانها ماصارت - ههههههههههه رح تقولون من كثر الهجولة بالشوراع (الله يخليلي ديرتي اللي موفرتلي اماكن ومنتزهات ومحلات ومراكز لي ولباقي الشباب) علي ايه حال خلصنا المقدمة اليكم هذا الموقف الذي لم اكتبه بالمنتديات لغاية الان مواصل على قولتهم عندي اختبار الظهر بطلع اجيب اكل الساعه 3 الفجر تقريبا - طبعا هالكلام قبل النظام الجديد (عن الرياض اتحدث) لقيت سيارة توصيل حقت هالمطاعم الدمشقيه والتركيه ومن هالشلة واقفه عند بيت حدا جيراننا بعيدين شوي طبعا حنا صرلنا عشر سنين ساكنين بالحي ولانعرف عنهم شي المهم عادي يعني كنت افكر بالمطعم ماعجبني بروح ماكدونالدز المهم رحت تقريبا ثلث ساعه ورجعت لقيت السيارة ماتحركت واقفه ليش مادري -كيف الحال نقول يمكن لسا ينتظر العامل لفلوس طيب العامل مو موجود بالسيارة مدري وش صار فيني تعرفون الواحد يبي شي يشغله عن المذاكرة كان عندي اختبار مهم والله ولسا ماخلصت وقفت بعيد شوي بشوف وش السالفه من جد وش السالفه اتسائل اقول يعني هذي فيلا العامل يعني ساكن هنا ثلث ساعه اخرى ويخرج ذلك الوضيع واحد سوري تركي بالعشرينات - شكله خايف ومرتعب ومعاه كيس مدري وش فيه شغل السيارة ومشا - وانا عاد قلبي جالس يدق بقوة مدري من الصدمه - كذا اراقب حسيت اني بفيلم المهم - شي مؤثر صح ؟ وش رايكم ؟ موقف اليم ويزعلكم ولا؟ حز بنفسي هالموقف ولا ادري كيف اتصرف كتبت رساله وقلت بحطها عند سيارة ابوهم بس مدري خفت بصراحه وش يدريني ممكن تصير مأساة اخرى ولا اروح اقول للهيئة عشان يلبسوني التهمه وتصير علي - ماتدرون يمكن يخلوني اهلها انا المعتدي تصير صح ماستبعد هالشي قلت اشوف ردودكم ونصايحكم - بصراحه احد اصدقائي المقربين حدثته بالموضوع وش قالي - قالي الكلام المستهلك اللي نسمعه دايما - الله يستر عليهم اوكي ماشي الله يستر عليهم - لكن مادري محتار ودي اطنش بس صعب - اكيد حاسين فيني وفاهمين علي بس يعني مايفكر الواحد انه ممكن انت ياللي قاعد تفرا بكرا يخطبولك اهلك من بيتهم بشكل عام اتحدث بالجملة السابقة واعتذر عن اسلوبي في النقطه هذي بس هذا اللي قدرت عليه لكنكم فهمتم قصدي انتظركم وانتظر ارائكم ورجاءا ارجوكم رجا خاص اللي عنده كلام مستهلك يخليه لنفسه ياشباب ياقوم اللي شجعني اكتب هالقصه اليوم هو الموقف اللي صارلي امس بليل رحت مطعم بتزا شاميه دايما اروحله المهم - وقتها المطعم قرب يسكر صبي الفرن يتككلم مع سعوديه تقوله وينك -تاخرت علي !!! اهلي نايمين من زمان!!!!!!!!! وش السالفة سلامات وين عايشين خلوكم من قصص التاكسي الاستراحات وغيرها لانه الغلط واضح وظاهر وضعف رقابة وحرية بزياده الخ الخ لكن انا اتكلم عن اللي بالبيوت بامان الله وصلوا لغاية البيوت تحت غطاء توصيل طلبات مجـــــانا للمنازل - من سيشك بمطعم توصيل- وماخفي كان اعظم يوجد موقف اخر واعتقدر اني لاحتاج لذكرة فقد تعتبرونه تافها مقارنة بما ذكرت لن اذكره لاني قد لاستطيع التعبير او بمعنى اصح لاحتاج لذكره وقد يفسر ويأول بتأويلات وتفسيرات اخرى بعيدا عن صلب الموضوع. لن اراجع ماكتبت -ولن ارد على اي رد - وبكل صراحه - الموضوع مايحتاج لرد - بس انتبهوا وخذوا الحيطة والحذر وربي امس تعبت بنومتي - انا يضيق صدري بالاصل لم اسمعع قصص زي كذا واحاول اطنش لكن اذا شفت بعينك وسمعت باذنك وش تقول لكن يعني كثرت القصص هذي كل يو نسمع مثلها - الموضوع زاد من حده ياجماعه يعني الشغلة مو شغلة مواقف شاذة واستثنائية صدقوني مافي مطعم ولا حلاق الخ الخ ماعندهم علاقات من هالنوع - عدو عاد كم مطعم عندنا ابو توصيل الوم الهيئة بصراحه من جد بصراحه ياهيئة وينك بس جيدة علينا ملاحقينا ومسويلنا زحمه عشانا مطولين شعورنا شوي ولا مشغلين ميوزك ولا لابسين برمودا الحمدلله الله لايسلط علينا الله ينوركم ويفتح عيونكم ويكثركم بس ركزوا شوي ووزعو المهام بينكم - مو بس كلكم هجولة بالمملكه والفيصليه للموضوع جوانب كثيرة وتحليلات وتعليقات واسباب اعمق واخطر مما ذكرت لكن مالفائدة من ذكرها فلن تغير من الواقع الذي نعيشه شيئا سأحتفظ بها لنفسي كما انتم تحتفظون بها لانفسكم كما اعتقد غير اسف ع الاطاله http://www.alarabiya.net/files/image...3805_58308.jpg لاعقتد بان هذه القصه الشهيرة تخفى عليكم طفل مرمي بالشارع اباه عامل توصيل تركي وامه فتاة سعودية في الرياض وليس باسطنبول اللهم احفظنا |
ياقدم التوقيـــــــــــــــــــــع ^_^ |
ياشيخ الله يستر عليهم ماتدري البيوت اسرار |
الله يستر على المسلمين اجمعين مو العيب في توصيل الطلبات العيب في البنات الله يهيديهم يعني هي اللي رضت لنفسها صدقني ثم صدقني ثم صدقني الشاب مايطالع البنت اذا هي ماسوت لها حركات ولا تتلكم مع احد ولا عليك من احد استر الله يستر عليك |
إقتباس:
أهم شيء طلعنا حنا الاولاد شاطرين مؤدبين فديتنا :ga: وجهة نظري : استر ما واجهت :yes: |
يالغالي الي يحفظ نفسه ربه يحفظه ويحفظ اهله |
وش دراك ان سواق المطعم كان يسوي خرابيط في البيت ,, يمكن يعرف شباب بالبيت وجالس معهم بالملحق .. :naughty: وفرضا لو انه يسوي خرابيط يمكن مع الشغالة مو مع اهل البيت ,, انا ما اخفي ان فيه ان فيه اشخاص كذا .. :no: لكن مو كل ما شفنا سيارة توصيل عند بيت احد راح تفكيرنا بعيد .. وبالاخير انصحك انك ما تتهور وتودي عائلة كاملة في ستين الف داهية من مجرد شكوك ,, ولا تنسى ان من ستر على مسلم ستر الله عليه يوم القيامه ,, |
|
يآ خي صف آلنيـة يمكـن رآعـي المطعـم معزوم عنـد رآعـي البيـت على الفطـور ويمكــن ويمكـن , ظـن بآخيك ظن حسـن :naughty: آمآ عن الاترآك وحقيـن المطآعـم ومعهـم علآقآت مع بنـآت فـ آلي عطـت هذآ التركـي وجـه تحمـل مآ بيجيهـآ</B> </B> إقتباس:
تنآقض غريـب منك ؟.!! |
إقتباس:
كلااااااام سليم والله يحفظ بنات وشباب المسلمين |
شكرا لك اخوي على الموضوع .. و الله يستر على بنات المسلمين حقيقة مواضيع يندى لها الجبين ! اعتقد أن الحل ان تبلغ عن عامل التوصيل حتى يتم مراقبته .. ولو استطعت ان توصل لاعتراف من العامل وتاكد الامر .. فيجب مناصحة البنت مع الحرص على الستر عليها .. >>> موب انت تروح تنصحها :D نسأل الله الهداية للجميع ,,, شكرا لك ,,, |
يآخي امسك هالتركي وفقع وجهه والله لو اني منك لأسوي كذآ والله شي يقهر يعني لو انه سعودي تهون شوي :d |
أنا ما قطع قلبي الا صورة الطفل اللي مرمي على الشارع :( يعني وش ذنبه :( , حرام و الله :( , و نصيحة مختصرة : ان بعض الظن اثم :) :rose: ღ غــزة نــ ص ــرك اللــه ღ<!-- / message --> |
| الوقت المعتمد في المنتدى بتوقيت جرينتش +3.
الوقت الان » 01:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd