نادي الهلال السعودي - شبكة الزعيم - الموقع الرسمي - الغيره نعمه ام نقمه ؟ ( يوجد ضحيه بالداخل )

بسم الله الرحمن الرحيم

والصلاة والسلام على من لانبي بعده

في مجتمعنا السعودي هناك صفه منتشره كثير وهي شينه مره اذا تعددت حدودها وشينه اكثر اذا انفقدت
صفه كنت احبها

بس الحين اكرهها جدا :no:

كلمه يطلقها السعودي اذا بغى يتحكم :upset:

الا وهي

الغيره :no:

مو عارفه اعبر عن الي شفته وعائشته
بنفسي :no:

لكن راح اطرح عليكم نموذجين من البنات وانتو قارنوا بانفسكم طبعا نموذج (2) هم الفئه المقصوده وهم المضطهده عندنا :no:

السوق

نموذج (1)

تروح مع امها واختها واحيانا اخوها الصغير

ابو عشر سنوات يوديها ابوها او اخوها

الكبير للسوق يخلونها مع امها عشان تشتري

على راحتها واذا خلصت تدق عليهم
ياخذونها

ترجع وهي مقضيه وخالصه ماشاء الله

نموذج (2)

لازم اخوانها الكبار معها حتى لو امها :bigeek:

واخوها الصغير معها لا لازم مع اخوانها

الكبار ومحذرينها تطلب السوق من ابوها

لان ابوها الله يهديه يوديها السوق ويخليها مع امها وهذي جريمه وما يتجرؤن يقولون لابوها لا يحطون الحره فيها المسكينه :bigeek:
طبعا عذرهم (حنا واثقين فيك ثقه عمياء بس الزمان يخوف)

اذا لهت مع الملابس وبعدت (وهي بنفس المحل) 3 امتار (بدون مبالغه) ياويلها وهي مهدده انهم ماعاد يطلعونها للاماكن الجميله الي بذكرها تحت من البيت :no:

الجوال

نموذج (1)

تكلم خطيبها <<<<<<<هذي صراحه مو مؤيدتها فيها :bigeek:

واخوها يدري مع انه لسه ما صار شئ بس عادي عنده ولد عمها وما فيها شئ(بوجهة نظره) :bigeek:

استوديو الجوال

حاطه صور لاعبين واخوها شافها بس بس قالها امسحيها :d

نموذج (2)

مره هاوشها اخوها وهزئها وزعل عليها

لانها

:bigeek:

لانها

:bigeek:

لانها

:bigeek:

دقت عالمطعم <<<<<<يقولها انا موجود ليه تدقين :upset: <<<<<المسكينه تحسبه طالع :cry:

استوديو الجوال

يااناشيد ياصور كرتون :d

ومره شافها داخله منتدى هلالي وهاوشها قالت بكل برائه ابي اشوف المباراه متى :cry:

قال حتى المباراه ماله داعي تتابعين:upset: <<<المسكينه تدخل المنتديات باسم ولد من الخوف :cry:

نموذج (2)تبي تطلع

شلونك فلان (اخوها)

هلا هلا

ابي اطلع من زمان ماطلعت

تامرين امر وين تبين

مدينة العاب

هاه لا انا اسف صراحه كرهتها اختي تلعب قدام الناس لا :bigeek:

امممممممممممممم طيب ابي الكورنيش

هاه اسف زحمممممممه والنور قوي البعيد والقريب يشوفكم لا آسف

طيب اممممممممم السوق الفلاني

بنفس خائسه نعم السوق بس اذا تبين شئ من متى صار السوق للتمشيه :upset:

لا قصدي بس عشان فيه عرس قريب ابي تكون عندي خلفيه عن الاسواق هالسنه قبل الاجازه :cry:

لا يعني لا تفهمين :upset:

ايه خلاص ودني المطعم

ههههههههههههههههههههههه :d مطعم خلاص قولي وش تبين عشاء وانا اجيب لك

الاخت:خلاص انت اختار وين توديني :upset:

الاخو :عندي لك مكان ما فيه احلى منه
فاضي حتى لو تكشفين وجهك مااحد يشوفك :bigeek:

الاخت:وين

الاخو:البر :d

الاخت:روح لحالك :upset:

الاخو:احسن هذا جزاي ابغالك الراحه وماابيك تنكتمين بالعباءه :upset:

الاخت:عادي اهم شئ اماكن حلوه :upset:

الاخو:انثبري تبين البر ولا لا :upset:

للمعلوميه: مو بر عادي الي يوديها لا مكان بسم الله مافيه احد فاضي عشان العالم ما يشوفون خواته :bigeek:

احلام نموذج (2)

مسكينه تقول من كثر مااخوها لاحقها بكل مكان حتى الاحلام معي

تسولف بكل براءه

المظلومه:باركي لي

صديقتها:على ايش

المظلومه:امس تحلمت حلم واخوي مو معي

صديقتها:ههههههههه :d

من كثر ماتحلم باخوها سئلت مفسر احلام عن السبب :d

قالو لها صديقاتها ما يبيلها سؤال من كثر ماهو غاثك :d

فيه حادثه صارت لاخوها الي ما يغار مره يعني اهون تقول اول مره ركب فيها الطائره اول مااقلعت الطائره يقول الناس نشوفهم واضحين يوم اننا قريب من الارض ويقول وانا بين السماء والارض محترق من داخلي اقول اخخخخخ يالقهر

وانا كنت اخلي خواتي يكشفن عن الطائرات <<<<<<<<صراحه لاتعليق :d:d:d
:d

الاسئله

وش رايكم بالنموذج الاول والثاني ومن الافضل برايكم ؟

ماهو الرادع والحل للاخوان الي بالشكل هذا نموذج(2) ؟

للبنات

انتي من نموذج (1) ولا (2)؟

للاولاد

انت مع خواتك زي(1)ولا (2)؟

واتمنى اكون طلعت بعض من هموم البنات :cry:

والظلم الي يواجهونه من قبل اخوانهم

وآسفه على الاطاله

بس اعذروني من الحره الي فيني :no:

حكمه

قال ابن تيمية : مَـن أراد اللـــذة الأبــدية فليزم عتــــبة العبـــــودية