|
كيف تصبح اغريقي هجومي ( السيرفر السريع ) بمناسبة افتتاح السيرفر العربي السريع , حبيت اقدم لكم هذا الموضوع عن كيف تصبح اغريقي مهاجم الموضوع منقول ومترجم بشكل شخصي طبعاً الجميع يعرف ان الاغريق قبيلة دفاعية بحتة خصوصا مع مميزات الكتيبة و المخابئ المضاعفة والمصايد , لكن مع لمسة بسيطة تلاقي الاغريق من انجح القبائل هجوماً في البداية خلص من مدير المهمات ولا تنسى تختار طريق التجارة مش طريق الحرب , لاتنسى تفعل الذهب في تحسين انتاج الخشب والطين والحديد وخل القمح طور حقولك الين توصل للمستوى 6 وبعدين طور المبنى الرئيسي للمستوى 3 ونقطة التجمع للمستوى 1 و السوق للمستوى 2 او 3 او اكثر بس لا تتعدى 5 وابن لك مخبئ للمستوى 2 , المخبئ ماراح نحتاج نطوره اكثر لانك ماراح تتعرض للهجوم في البداية , لكن لو صدف وكان عليك هجوم مستمر طور المخبئ بالقدر المناسب في نهاية اليوم الرابع واذا مشت معك الامور راح تكون وصلت الحقول للمستوى 6 , الان طور المبنى الرئيسي للمستوى 5 والثكنة 3 والاكاديمية 5 والحداد 3 والاسطبل 3 وقصر الابطال 1 ابحث عن رعد الجرمان في الاكاديمية , وبعدين درب 3 واهجم على القرى الصغيرة الي اقل من 20 , كل الي تسرقه من الموارد درب به رعد الجرمان زيادة , ولما يصير عندك مابين 8 الى 10 رعد الجرمان حول واحد منهم لبطل الان اهجم على القرى الي اقل من 40 وتجنب الاغريق , وبعدين ابحث عن الجاسوس ودرب لك 2 او 3 , وتجسس على القرى الي اقل من 100 وماعندهم جيوش واصل النهب الين يصير عندك من 20 الى 30 رعد جرمان و 3 الى 5 جواسيس , تجنب المعارك الغير ضرورية اثناء النوم لا تنسى ترسل فرسانك بعيد على قرية صغيرة بحيث يرجعون اول ماتصحى من النوم اذا تعرضت للنهب , راقب جيش العدو وابن مصايد اكثر من عدد جنوده بـ 20 مصيدة ودرب لك 5 كتيبة الان مهمتنا هي القرية الثانية , طور المبنى الرئيسي للمستوى 10 وخل المخزن يشيل 7800 ومخزن الحبوب 6300 وطور السكن للمستوى 10 والاكاديمية للمستوى 10 وابن بلدية و طلع 3 مستوطنين , حاول تسوي هذا كله في يومين او اقل , واذا واجهتك مشاكل في النقاط الحظارية اعمل احتفال صغير في البلدية خل قريتك الثانية تكون طينية قريبة من قمحية 9 او قمحية 15 الان بعد ماصار عندك قرية ثانية , اعمل احتفالات صغيرة متواصلة في القرية الاولى علشان تحصل على النقاط الحظارية الكافية للقرية الثالثة , وبعدين طور حقول القرية الثانية للمستوى 5 او 4 وابن فيها بلدية وسكن للمستوى 10 وطلع المستوطنين وخذ القمحية القريبة منك الان ابن قصر في القمحية وخلها عاصمتك , وابدأ بعمل احتفالات صغيرة في القرية الاولى والثانية لين توصل للنقاط الحظارية المطلوبة للقرية الرابعة , واختار اقرب قرية حديدية لك طور جيشك في القرية الاولى الى 100 رعد جرمان و 20 او 30 جاسوس و 10 كتيبة , وزع جواسيس على كل قراك علشان تعرف من الي عينه عليك هاجم الجرمان المحيطين بك الان وتخلص من جيوشهم المكونة من اعداد كبيرة من ابو هراوة مستغلا ضعفهم قدام فرسان رعد الجرمان , وبعد تخلص من المجموعات الصغيرة من الجنود الرومان الي حولك ( اذا خلوهم اصلا الجرمالن ) , تجنب الاغريق الان تابع توسع اللاعبين وقراهم حولك في الخريطة 21 في 21 , وحاول تصادق الاقوياء منهم او على الاقل توقع منهم مواثيق عدم اعتداء شخصية الان واصل الاحتفلات وطلع لك بعد زيادة 3 قرى , لاتبني فيهم شي غير بلدية وسكن مستوى 10 و سوق وطور الحقول , ودرب لك فيها مجموعات من الكتيبة حول القمحية الى قاعدة عسكرية لتدريب المبارز و الهيدوانر والمقلاع من الان فصاعداً لا عاد تطلع مستوطنين , ركز على الشيوخ واحتل القرى شرح سريع سريع لكن مفيد جدا جدا في السيرفر السريع العربي القادم |
هو فعلاً شرح سريع سريع ,, لكنــه مفيــد جـدّاً في نظــري ,, خصوصـاً أن الإغريق كانوا مظلوميــن ,, لكــن شكلهم الحين بيرتفـع سوقهــم ,, والذكي إلي يستغل قوة الإغريق في الدفـآع ,, ويعــرف كيــف يصيــر مهـآجم على قولتهم [ شــرس ] ,, ـــ أبو ماكس ,, الشـكر الجزيـل مسدى لـك ,, تحيـآتي ,, سـ ع ـد ,, |
يعطيك العافيه عالشرح ابو ماكس لكن نحاول نسجل اذا رجعنا من المدرسه |
شرح مو حلو لانك ما قلت سو مدافعين الا 10 شيبون يسوون ال 10 ؟ المفروض توصلهم30 - 50 والاغريق للعرب الي بالسيرفر العالمي بيكون عليهم ok والجرمان بالعالمي السريع للمحترفين الاجانب والرومان للي مايدخلون القريه حيل |
البعض يفكر ان الاغريق قبيلة دفاع فقط ,, وهاذا خطأ ,, الاغريق يملكون قوات هجوميه فتاكه ,, لاكن قوة الاغريق الهجوميه ماتبان إلا في وسط وآخر السيرفر ,, ويعطيك العافيه يابو ماكس على الطريقه المفيده ,, تحايتي لك . :rose: |
إقتباس:
أبو ماكس هذا قانونك إقتباس:
لكن الصراحة موضوع جمييييل |
إقتباس:
انسى الكتيبة , انت هجومي الان فقط , الكتيبة بعدين لما تبدى المقاليع في التكسير إقتباس:
والله جايز اخذ انذار , صدقت بس انا قريته وترجمته , يعني مو ناقله , تذكر يوم اقول للشباب اذا لقيتوا موضوع حلو وتبون تنقلونه لازم تعيدون صياغته وترفعون الصور حقته من جديد ويكون عليها شعار المنتدى , يعني نقدر نقول سوينا هالشي |
مشكور على الشرح الرائع الي كبر الاغريق في نضري وبديت احبهم بعد شرحك تسلم |
يعطيك العافيه أبوماكس ........................................... |
إقتباس:
مـآشآء الله عليك يآبو مـآكس .. :) من يوم تركت الآشرآف وآنت تكتب مـوآضيع :) جـُزيت خيـراً |
شرح متميز فعلاً ,, وآن كآن مختصر ,, :) لكن هل تضمن عدم تعرضك لهجمآت آثنآء توسعك ,, ؟ بالسيرفر السريع محد يترك ,, علشآن كذآ آشوف المخآبئ مطلوبة بشدة بالآسبوع الآول ,, ,, مشكوووووووور ,, ومثل مآ قلت ,, القبيلة تسآعد اللاعب على آتقآن آسلوبه ,, لا ترغمه على آسلوب معين ,, ! :) |
إقتباس:
لكن اما هذا السيرفر كلنا من ديره وحده ماتفرق وما انسئ اشكرك |
السلام ^^صحيح كلامك لكن في بعض الناس معطلين الحين مثل اخووي لان ما عليهم اختبارات :d تحياتي لكم وشكري لابوو ماكس على الشرح الطيب للاغريق |
مشكووور وماقصرت وشكلي ابسوي الخطة هذي وان شاء الله تنجح معي |
كلامك صحيح لكن الموضوع مخالف بالتوفيق ,,, |
| الوقت المعتمد في المنتدى بتوقيت جرينتش +3.
الوقت الان » 08:33 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd