حبيبي الدنيا سياسه ماهو خذني جيتك واداره الوحده ماتقدر توصل لأي شيء الا بموافقه الاعب بما ان عيسى صرح امام الملاء عبر برنامج الجوله وقال ماراح انتقل لنادي غير الهلال حتى لو اصبح هاوي هكذا راح يضر نادي الوحده كثير واذا تحول لهاوي ماراح يستفيدون اداره الوحده من الملايين المعروضه على اداره الوحده بالضفر بالاعب اما بالنسبه لزعلك على ابو فيصل اذا انت نظرتك للنقطه هذي من سلبياته يجب عليك تنظر لإيجابياته وتكون عادل بجلب الاعبين اللي بالملايين لأسعاد الجماهير الهلاليه وارضاء رغباتهم والامير عبدالرحمن صرح بقناه الزعيم ان عنده التزامات ماديه بالمحترفين الاجانب والتوقيع مع الاعبين المحليين من هاوي إلى محترف يعني ماراح يدفع ريال واحد وقال موضوع انتقال عيسى لنادي الهلال كلفت فيها اعضاء شرف الهلال واذا جاء اعتبره هديه من اعضاء شرف الهلال لي اذا تبي تزعل ازعل على اعضاء الشرف وبعد مو كلهم بعضهم |
كل شي بوقته حلو ياحلو واليوم تشوف المحياني بالمنصه فوق مع عيال مساعد ان شاء الله وصدقني الهلاليين ماراح يتخلون عنه موضوعك حلو ولو اني اختلف معاك بنقطه إقتباس:
احد يدفع من جيبه 8 مليون يورو لولي احد يدفع من جيبه 6 مليون يورو لرادوي احد يدفع من جيبه توقيع عقود احترافيه لــ 10 لاعبين دفعه وحده ابو فيصل سوا المستحيل الى الان ومانلومه على اي شي حتى لو كان هالشيء عدم توقيع المحياني للهلال |
المفاوضات بإيدي اعضاء الشرف وارجي لهم ملف عيسى بالذات فما دخل الاميرعبدالرحمن بن مساعد في المفاوضات على العموم بإذن الله عيسى سيوقع مع الهلال وسنرحب به جميعا كجمهورهلالي وفي لتمسكه ورغبته باللعب للهلال :clapping: بالتوفيق للهلال في لقاء اليوم وحصد الثلاث نقاط بإذن الله |
نادي الهلال كيان ولا يقف عند لاعب معين اعتزل لاعبون كثر لهم وزنهم أمثال أبو يعقوب وأبو عبدالله ولم يتوقف الزعيم عن حصد البطولات بمعنى أن المحياني لو أتى سيشكل دعامة قوية للفريق وإن لم يأتي فسيبقى الهلال بطلا وسيستمر في حصد الألقاب أما من ناحية زعلك على الأمير عبدالرحمن بن مساعد فأنا من نضري لا أطالبه بأي بطولة لأن ترأسه للنادي يعتبر أكبر بطولة بالنسبة لنا وسنقف معه دائماً تحياتي,,,,,,,,, |
إقتباس:
بس انت نسيت ان اللاعب محترف وهذي وظيفته يعني ماراح يجلس سنه ينتظرك ويمكن تجيه اصابه لاسمح الله ويضيع مستقبله يعني اذا ماجاء للهلال في راح ينتقل لنادي ثاني إقتباس:
|
بأذن الله بأذن الله المحيــــــــــــــــــــــانى هلالى ولاتزعل الهلال برئسه\ الاميرعبدالرحمن بن مساعد و بإيدي اعضاء الشرف وأن شاء الله ألايام راح تثبت لك ذلك الهلال محتاج وقفتكم الجاده وعدم الاستعجال فى الاحكام على اى شى وتقبل ردنا المتواضع |
السلام عليكم الاخ مشعل معصب شوي .. طبعاً وباذن الله سبحانه ان المحياني هلالي . وبعدين الموضوع ماهو موضوع مليونين بل الموضوع مفاوضات والاداره الوحداويه لوبيعطونهم وجه كان وصل السعر الى خمسين مليون واللي يقرا كلامك وانت تتكلم عن المليونين يحسب انك دافع منها على الاقل الفين ريال و ماتفوت ولا مباراه الا وتروح تشجع وحنا جالسين نشوف المدرجات الهلاليه ونشوف الحضور والجمهور الهلالي يبي ياخذ بس مايعطي اقل شي وهو الحضور للملعب وتقبل تحياتي :d |
يا شباب بالله فكروا بحكمه لا يطغى حبكم على الهلال على حساب مصلحة الهلال الاداره عارفه وش تسوي واذا على ادارة الوحده يا خوي هذي تبي تستغل نادي الهلال بأي شي قالت خلاص عيسى اذا يبغى الهلال خلونا نستغل الهلال كونه نادي كاش وانا اتوقع انهم يبون الاعب فهد الشمري انتقال وتمريره بنظام الكوبري لنادي النصر زي ما قالوا النصراويه راح نضحك عليكم في الاخير عموما يا شباب بالله خلوا عنكم الكلام اللي ما يودي ولا يجيب وخلونا نساند الزعيم في مبارياته القادمه وخلوا الادارة في حالها بالله ما هو وقت نقد ومشكووور اخوووي |
إقتباس:
مع كامل احترامي لك .. هذي اعتبرها قلة حياء و قلة أدب .. رجال دافع لك ما يقارب الـ 100 مليون بلاعبين أجانب .. و يعمل و يكد .. و يرمم منشآت النادي .. و تجي و إنت منسدح في المنتدى تقول ما راح الجمهور يسامحه ؟ طز في المحياني و عشرة من أشكاله و لا يجي واحد يقلل من اللي تسويه الإدارة و يرمي تعبها و مصاريفها في البحر بسبب لاعب معنده إدارته !!! ياخوي تكلم عن نفسك إذا منت مسامحه .. عيب و الله اللي تكتبه .. و أستغرب .. زادوا المشرفين .. و لازال التطاول على رجالات الهلال موجود ..!! |
إقتباس:
مهلا أخي من قال لك أن الهلال ضاعت فلوسه عقد رالديس للنادي الجديد سوف يحصل الهلال على قيمتة لأنه يملك البطاقة الدولية للاعب لا تستعجل الكتابة قبل أن تتأكد من معلوماتك |
عنوانك يرفع الضغط .. !! بإذن الله اليـوم يتم التوقيع ونفتك واللي خلا الموضوع يطول هو دخول المخربين في الصفقه وأقصد الفقراويه بقيادة خبيلان وزد على ذلك طمع الوحداويين .. !! أرجع واقولك عنوانك يرفع الضغط فياليت تغيره .. |
إقتباس:
قله حياء وقله ادب ؟؟؟؟؟؟ تراك منت مجبووووووور تقرا الموضوع وبعدين منشأت النادي وش بتفيدك فيه ؟؟؟؟ مسوي معك عضويه ورايح تتسدح هناك وانا يوووم اعتب على الاداره اعتب لان المبلغ بسيط على لاعب تنازل عن مغريات على شان الهلال وبعدين 100 مليون في اجانب لو انه صارفها في محليين كان جبت 7 لاعبين سوبر ستار |
إقتباس:
انت اللي تأكد الله يسلمك رالديس جاي الهلال اعاره سنه والهلال الغاء عقده وراح في حال سبيله |
عيبنا احنا الهلاليين نناظر السلبيات لو ننظر للايجابيات سوف نسكت على طول واذا كان بيزعل على الامير عبدالرحمن بن مساعد احد ماراح يزعل عليه الا انت وانا معه مهما سوى وعيسى المحياني بتشوفه ان شاء الله بالمنصه اليوم لموازره ناديه الجديد |
إقتباس:
لكن زعلي عليه علشان ان المبلغ الباقي قليل وماتوصل الدعوه عنااااااااااد وحنا محتاجين اللاعب |
الوقت المعتمد في المنتدى بتوقيت جرينتش +3.
الوقت الان » 09:04 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd