|
موبايلي الهلال ماهو العشم فيك ... بكل حق بدون فائده ... : السلام عليكم ورحمة الله وبركاته بدخل في الموضوع على طول بدون اي مقدمات اشتركنا في موبايلي لعيون الزعيم ومن غيره لكن انه اشتراكنا يطلع بدون فايده هذي اللي ماتوقعناها ابد يعني معقول موبايلي الهلال ماترسل لي يومياً الا رساله وحده هذا ان ارسلت عن تمارين اليوم وبس ؟ طيب وين خبر توقيع المحياني اللي ادارة المنتدى نزلته وين نتائج المباريات اللي راحت مباراة النصر هل تتوقعون ان رسالة الهدف حق رادوي وتبديل ياسر جتني اليوم الثاني الساعه 12 الليل اقسم بالله هذا اللي حصل يعني معقوله ؟ للدرجه هذي مافيه اي اهتمام ولا فيه اي اخبار عن الهلال بصراحه اشوف ان المنتدى افضل من هالخدمه اللي بدون فائده اشتركنا لدعم الهلال وعلشان الجوال يغنينا عن دخول النت لكن للاسف جوال الهلال الان فاشل بكل ماتعنيه الكلمه اتمنى من الادارة الالتفات للامر قبل ماكثير من الاعضاء يلغون الاشتراك اقسم بالله انه جوال الرياضية افضل من الهلال بمراحل كل خبر عن الهلال يوصل لكن موبايلي لاحس ولا خبر وغير كذا يبون يغرونا في باقة الموج الازرق ويعطون بعد كل مباراة ساعه اتصال مرئي يعني يبون يعجزونا من استخدامها لانه مستحيل يكونون كل الي عندك موج ازرق وعندهم اتصال مرئي بالله وبذمتكم احد يستفيد من الساعات المجانية ؟ طيب ليش مايخلونها لكل شبكة موبايلي اقل شئ ولا ليش مايخلونها ساعه صوتيه لكل الشبكه بدل المرئي ؟ اتمنى النظر في الموضوع وعدم التهاون به والا اجبرتنا موبايلي على العودة للانفصالات |
صحيح ماشفنا شي ......................... |
والله صحيح مافي الى رسالة واحدة بس كل هذا يهون علشان الزعيم |
والله انك صادق انا صار لي نفس الشي مو بس مره اكثرمن مره مباراة نجران ومباراة النصر تجي الرساله 11او12 باليل |
صحيح هذا الخبر انا كنت مشتركه بأخبار الهلال وكانت الاخبار ماتوصل اول بأول وماتجيني الا الفجر ومره اليوم الثاني ومره ماتجي ابدا واستمر الحال هذا شهور وبعدين قلت انا ابي اخبار الهلال وهي ماتجيني وش الفايده من الخدمه اجل والحين حاطين عرض اشتراك لمده 3شهور ب20ريال قلت ماراح اشترك لين يحسنون الخدمه |
مافيه رسالة عن المحياني لأنه لازم يوقع رسميا أولا .. وهذا الشيء ماتم .. اللي تم اتفاق رسمي فقط وغلط إن موبايلي الهلال يرسل كل ما تتفق ادارتنا مع كل نادي أو وكيل أعمال .. كذا موبايلي الهلال بيصير محل سخرية عند البعض !! الشيء الثاني والأهم هو اشتراكنا بموبايلي الهلال الغاية منه دعم النادي .. نشوف أعضاء الشرف يدعموا بالملايين لعشقهم الأبدي .. أتوقع من حق النادي وشريكه علينا إننا ندعمهم لو بـ 12 ريال بالشهر ( على الأقل ) عشان يستمر نادينا الأول بالاستثمار ومانتنازل عن هذه المكانة .. تحيتي ومحبتي لك :) |
ياخي والله جبتها على الجرح ورب البيت ولا ناهيك عن الأخطاء الي يكتبون |
ياخي المشكلة ليتهم يجيبون الخبر صح ارسلولي بداية الدوري .. , تشكيلة الهلال وجايبين بدر الخراشي معهم وهو فالاهلي .. , |
مباراة النصر هل تتوقعون ان رسالة الهدف حق رادوي وتبديل ياسر جتني اليوم الثاني الساعه 12 الليل اقسم بالله هذا اللي حصل يعني معقوله ؟ صادق بس عن جد غرررررررريبة الموسم اللي راح كنت مشرتك تجي المعلومات اول بأول لاكن شوف شالفة |
ياخي والله جبتها على الجرح ورب البيت ولا ناهيك عن الأخطاء الي يكتبون |
فضيحة في حقنا والله ،،، اول جوال الهلال كان افضل من موبايلي الهلال بمراحل ،،، بس وش نسوي ،،، |
والله انا ياخوك .. مريح رآسي بجوآل جريدة آلريآض ..,’ ! ! قسم بالله يا انه منظم تنظيم ماتتخيله .. نصحني فيه واحد من الشباب هنا بشبكة الزعيم .. من جد حسيت بالفرق .., |
موبايلي الهلال مع احترامي الكامل لموبايلي كشركه فاشل فاشل فاشل في الخدمه المقدمه للجمهور بالنسبه الاغلاط وتاخير الرسائل انا مشترك في في الهلال والاخبار الاوربيه نتائج المباريات ما تجيني الا الصباح مباراة الهلال النصر ولا رساله جتني وانا مشترك من التوقيع الاول يعني ما فيه عذر لهم بس وش نقول نختلف ونجتمع على حب الهلال |
مباراة النصر هل تتوقعون ان رسالة الهدف حق رادوي وتبديل ياسر جتني اليوم الثاني الساعه 12 الليل اقسم بالله هذا اللي حصل يعني معقوله ؟ اي والله أنك صادق أنا بالنسبه لي وشباب الأستراحه بطلنا الأشتراك في جوال الزعيم وأشتركنا في جوال الرياضه بلا مو بايلي بلاهم عشق الهلال لايغيره لاموبايلي ولاغيرها يعني لأزم أشترك في جوال موبايلي عشان احب الهلال ياخوي قوووووووم بسسسسسسس |
أقول اسكت انت وياه نشترك للهلال مهما كان |
| الوقت المعتمد في المنتدى بتوقيت جرينتش +3.
الوقت الان » 02:55 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd