تلقى محمد الشلهوب -لاعب وسط فريق الهلال- عرضا من نادي الريان القطري من أجل اللعب في صفوفه على سبيل الإعارة حتى نهاية الموسم الجاري مقابل مليون دولار.

وتلقى اللاعب العرض عن طريق أحد الوسطاء الخليجيين، وينتظر أن يتقدم العرض رسميّا إلى إدارة نادي الهلال خلال اليومين المقبلين، وستستمر جريدة المدينه بمتابعة كل التفاصيل.

ولم تبد الإدارة الهلالية ردا قاطعا على العرض القطري سواء بالموافقة أو الرفض؛ إلا أن رئيس نادي الهلال الأمير عبد الرحمن بن مساعد قد أكد في وقت سابق أن الشلهوب لن يغادر الهلال حتى ولو كان الأمر بنظام الإعارة.

وأتمنى مايكون الخبر حقيقي




انا من وجهة نظري اتمنى عدم موافقة الاداره لإننا لانستطيع الإستغناء عنه ولو يكون احتياط .... ؟ وهل انتم ضد او مع انتقال الشلهوب للريان بالأعاره .؟

هذا الموضوع وجدته بمنتدى الموهوب تكفى يابن مساعد لايروح الشلهوب




لانفـــرط بالذهب

الشلهوب لا يمكن ولا أتخيل أن أراه في غير الهلال
يا حبيلك أبوشلهوب
يعطيك العافية وتقبل مروري

بالعكس انا اشوف ان من وجهة نظري الاعاره مفيده للاعب وللنادي ...
حتى يرجع الكابتن الكبير محمد الشلهوب لمستواه الحقيقي

ياليل آخبآر آلصبـح اللي مآل آمهــن دآعي

إقتباس الرسالة الأصلية كتبت بواسطة عزاام الهلالي بالعكس انا اشوف ان من وجهة نظري الاعاره مفيده للاعب وللنادي ... حتى يرجع الكابتن الكبير محمد الشلهوب لمستواه الحقيقي

والله أنا أشوف كلامك 100%
وبعدين عندنا عدد كبير من النجوم في الوسط

انا كنت لاأريد اعارهـ الشلهوب


ولكن لمصلحته واذا يريد ان


يكون اساسي في كل مباراه


انا مع اعارته للريان وهذا الشيء في مصلحته


لانه بيكون أحتياطي ف كل مباريات الزعيم

وانا الحين متابعه قطر عشان الدوخي والريان عشان تفاريس

لا ان شاءلله مايكون احتياطي اساسي بالزعيم

بس اذا بيحطوونه احتياطي انا من وجهة نظري يعيرونه نبي نشوف ابداع محمد

تدري وش مشكلتنا ياخوك

مشكلتنا اننا نحب النادي ولاعبين النادي بشكل مفرط ، يعني فيه مثل يقولك ومن الحب ما قتل

مسوي لي فيها انت وهو وفاء ومدري ايش وما نقوى نشوف الاعب بنادي غير الهلال

ترى الان الدوري اصبح دوري محترفين وانديتنا تسير على نهج الانديه الاوربيه

ولو انا مكان كوزمين أعرت الشلهوب لنادي ثاني لنهاية الموسم

الان الفريدي بنبلش فيها ما راح نلقى له مكان اذا رجع التايب فما بالك بالشلهوب

والي يقول كاس فيصل بنستفيد منه

انا ارى انه كاس فيصل كلها مباريات معدوده صحيح بنستفيد منه لكن بندمر الاعب

الاعب لحد الان ما لعب الا بكاس فيصل ومباريات الدوري ما شارك فيها وكاس ولي العهد ما راح يشارك واسيا ما راح يشارك
واستبعد من المنتخب

وحنا نقول بنلعبه بكاس فيصل وما نبي يروح لنادي ثاني

ايش الكلام هذا

مع اذا كان الشلهوب يبي يروح ومعروف مو عشان المال لان الادراة ماتقصر معاه ولا غيرة من لعيبة الهلال ما شاء الله

بالعكس اذا نحب لاعبينا شي جميل اما اذا نحبهم بس عشانهم لاعبين وبالمستقبل تتفركش ويتفركش هالحب مانبي الحب
مثل الانديه الثانيه يحبون اللاعبين وعقبها يحسرونه مثل ماصار الحين بالشلهوب ياخي الشلهوب اندمر نفسياَ من خبال بعض الجماهير ياخي اذا فيه نقد واعي وجميل وهادف الشلهوب بنفسه بيفرح اما يجيك واحد شوي يودخل بدينه وش بتشوف اللاعب ياخي انا لو اني لاعب واشوف خمسين واحد يسبني والله بخاف واعتزل نرحم بعض اللاعبين والله هو الرحوم سبحانه وتعالى
يجب علينا الاحترام قبل الحب حتى

السلام عليكم يازعماء
والله انا اشوف الاعارة من صالح محمد الشلهوب للرجوع الى مستواه الحقيقي
واتمنى انه يوافق على العرض لعدة اسباب ووجود نجوم كبار في خط الوسط وصانعي العاب
طبعا اعـــــــــــــــــــــــــــــــــــــــــــــــــــــــــــــــــــارة فقــــــــــــــــــــــــــــــــــــط
لانه مستحيل نستغنى عن الشلهوب
اتمنى له التوفيق

الحمد لله لاعب يستاهل واتمنى اشوفه يحترف في نادي خليجي او غيره طبعا من وجه نظري الشخصية ,,,
لابد ان يبعد الشلهوب عن الجمهور الهلالي في الوقت الحاضر خاصة في هذا الموسم ...

من وجهة نظر اخرى احتاج الشلهوب في الفتره المقبله وخاصة بعد غياب لاعبي المنتخب
والله احبك يالشلهوب وما ادري وش اختار

اعارة لنهاية الموسم يعني تقريبا اربع شهور بمليون دولار = اربع ملايين الا ربع من مصلحة الشلهوب فنيا وماديا ان الادراة تقبل العرض