|
إلى متى هذا الإستفزاز لجماهير الهلال؟؟ ماحدث في إستاد الملك فهد ..مهزلة.!!..مهزلة!!..مهزلة..!! الســلام عليكم ورحمة الله وبركاته ... في البداية أنا مأعرف أصفف الكلمات وأرتب الأحرف .. راح أتكلم بدون ميثالية ..وهذا أول موضوع لي بمجالس الزعماء..وكنت أتمنى يكون غير هالموضوع لأني أكتفي بالمتابعه للمنتديات دون المشاركة ..وهذا بأسباب أني أخجل أن أكتب بقلمي مع كتاب مخضرمين في المنتدى ..مثل السامي كسموالهلال وغيره الكثير ... الموضوع يأزعماء..ماحصل لنا كـجماهير نادي (الهلال) ولاحظوا اني كتبتها بين قوسين ...لأن باقي جماهير الأندية يدخلون للمدرجات بدون أدنى إستفزازات والشيشة(المعسل)يشـهد لبعض الجيران ... أنصدمت أنا وغيري من جماهير الزعيم من حراس أمن الإستاد بطلبهم الغريب والعجيب بنفس الوقت ..الـكل وماراح أقول الأغلبية لآحظ طلبهم بإنزال الشال الهلالي من كـــل جماهير الهلال فقط..!! طوااابير واقفين بشالآت وأعلام ويدخلون بعد حراس الأمن بدون أي شئ يوحي لك أنهم جماهير داخله لإستاد.. راح أكذب على نفسي وأقول شئ عادي لآكن المصيبة جماهير نادي النصر يدخلون بالشالات وغيرها عاااااااادي..!! ياعالم والله القهر..!!!!! ولمى جاني الدور بالطابور قالي العسكري نزل الشال..رديت عليه هذا شال شراح أسوي فيه يعني؟؟ وبعدين كان معي علم كبير وتركته بالسيارة عشان ماكون مخالف ..رد بكل برودة خلاص رجع الشال لسيارة ...!! رديت عليه ..الآوامر هذي من من؟؟ إرتبكـ وحس إني بنشبله من بين كل هالخلق قال : من الظابط..قلت وين الظابط؟؟ رد: والله مادري بس انت شكلك راعي طويلة لآكن اذا بتدخل إرم الشال وإذا تعرف أحد خله يظبطكـ..!!!!!!! ...قلت انا أعرف ناس يدخلوني أنا والشال لآكن أبيكـ تدخل باقي الجماهير اللي حارمهم عشان مايعرفون أحد ...ماطول عليكم رد علي وبلهجة تحدي إذا تعرف ورنا وخله يفكر يدخلكـ ..!! قلت أشوفكـ بعد ربع ساعه .. كلمت أحد أقاربي وأرسلي أحد العسكر وماقصر دخلني انا والشال ... أللي أبي أوصلــــــه ...ماهي فائدة الشبكة والمنتديات اذا ماتوصل شكوانا للإدارة؟؟ ومافائدة الإدارة اذا ماتهتم فينا ومانتعرض له في كل مباراة من استفزاز يقهر..!!؟؟ سمعت بعد المباراة إن الأمير ممدوح وبمى إنه مالك ماسا وشركة ماسا هي اللي راعية المباراة وإتضح من طباعة التذكرة أللي قمة بالتخلف..!! الخلفية مدرجات النصر وإسم النصر عريض والهلال يبيله مجهر عشان تطالعه..إنه طالب مايدخل ولاشعار لجماهير الهلال يحمل كلمة(موبايلي) وأشـكـ إنه موصل تعليماته للأستاذ/سلمان النمشان أللي للأســـف...!! راح يراضي عشاق العالمي على حساب جماهير الهلال..!!! إلى متى تستمر هذه المهازل لنا نحن فقط(جماهير كل ماهو أزرق)؟؟؟ سمعت بأذني أحد العسكر يرد على أحد المشجعين وهو يفتشه: أنا كذا ..ماسكه معاي اليوم على جماهير الهلال..!!! والثاني يقول : أنا مادري شفيهم مع شال موبايلي هذولا..!!! يا مشرفين يا إدارة ياعالم حسو فينا لو مرة لايجي يوم ولاتلاقون أحد بالمدرج والسبب عااااارفينه لآكن للأســــــف..!! متجاهلينه.!! كـلامي هذا موجه فقط لحراس أمن إستاد الملك فهد فقط أنا من جماهير الشرقية وإستاد الأمير محمد بن فهد عمري ماشفت منهم أي شئ من هالأساليب أللي قممممة بالتخلف..!! نسافر 500 كيلو ونستأجر ونحضر بالمدرجات ونتغيب عن الدوام وآخرتها إذا شكينا كأننا نكلم أنفسنا؟؟؟؟؟؟؟ نبي بس لو لفت نظر من الإدارة لنمشان لآكن ماقول غير... الله يــــــــــرحـــــــم أياااااااااامكـ يابوسلطان ... آآسف على الإطالة ... @ جنون الزعيم @ |
اتمنى من ابو فيصل يشوف حـــل والله كذا ما يصير الفقر يدخلون في أعلام وحنا تفتيش والحالة حالة.....؟؟؟ |
اخوي ها الكلام دااااااااااايم يعانيه جمهور الهلال وربي ياما ويامااا ياخذون الشالات ومع انه مافيها اي اضرار او شي من ها القبيل ومثل ماقلت ها الأمور والمواقف تصير مع جماهير الهلال وانتم تقدرون تشوفون جماهير الأنديه الأخرى وعلى فكره ها الخمبقه تلاقيها بس با الرياض انا من سكان الرياض وموظف با الشرقيه وحضرت مبارات الهلال والأتفاق با الشرقيه امورنا مره طيبه ومافيها اي تعقيد بس عساكر الرياض وانظمه الرياض في الأستاذ او ملعب الملز تخلف في تخلف اخترامي لك اخوي |
والله قهر من جد المشكله بس جمهور الهلال !!! |
واللـه غريب من جد يآ رجآل اللي يفقع الكبد من جد عندنآ في ابهآ طبعآ لآ جينآ نحتفل بأي بطوله للهلآل يسوون نقآط تفتيش واي وآحد معهـ شآل للهلآل او علم يآخذونهـ منهـ طيب وش فيهآ باللـه وش بسوي يعني بالشآل بكسر فيه بيوت النآس ولآ بذبح فيهـ الخلق من جد شي يقهر |
تصدق اني حاس في معاناتك .... |
طيب انا بساال سؤااااال يعني ايش معنى جمهووووووور الهلااااااال لهدرررررررررجه الكره و الحقد وصل فيهم؟! و الله ظلم ما اقول الا حسبي الله على الظالم سلامتكم ... |
هلالي كونكت .. شاكر لك مروركـ على موضوعي يالغالي .. هلالي عسل20 كلامكـ كله منطقي بس ياليت نبعد عن قولة الرياض والشرقية و... حتى ماندخل بمصادمات مع أخواننا فالرياض ويأخذ الموضوع مسار ثاني ... شاكر لكـ مروركـ على الموضوع يالغالي .. أزرق والقلب أبيض ... شاكر لكـ مروركـ يالغالي مرسى الأحزااان ... من الممكن إنكـ تتفهم سحب رجال الأمن لشالات والأعلام في الشوارع عند الإحتفال ..لآكن الغريب والغير منطقي نهائياً إنـك تسحب الشالات والأعلام من جماهير بتدخل مدرجات إستاد..!!! شاكر لك مروركـ يالغالي .. العوباني ... مشكور على إحساسكـ ونتمنى مشرفينا الكرام بالمنتديات يحسون بمعاناتنا بعد ... مشكووور على مروركـ يالغالي ... بنت الهلال ... مشكورة على المرور يالغالية ... أستغرب وين مشرفيننا الكرام عن شكوانا؟؟؟ ولا إشراف بالأسماء فقط ؟؟؟ نتمنى يوصلون شكوانا للإدارة ..نبي منهم بسسس يوصلون شكوانا لشبيه الريح وهو ماراح يقصرررررر بس وصلوا له شكوانا ...هالمرة ماراح نسكت ..لمتى هالإستفزاز ؟؟؟ ويستغربون ليش ماحضر جمهور الهلال؟؟ |
والله سبقتك بنفس الموضوع كتبته أمس من هالمعاناه بس انشاء الله تنحل هالمشكله.. |
البرنسA كلنا نمثل بعض يالغالي .. المهم نلاقي حل لهالمشكلة .. أما يستمر التجاهل لنا هذي هي المشكلة الأكبر ..مشكور على مروركـ |
شكراً لك :) عاااادي جداً القرارات تتغير كل يوم و كل مباراة و في النهاية العسكري اللي عند الباب مسكين ينفذ وبـــس و العلم عن الضابط و إدارة الاستاذ ، و القهر ان ملعب الملز الصباااات منعوا فيه الاسفنج اللي تجلس عليها ..! |
حسبي الله ونعم الوكيل على الظالمين والله شيء يقهر مشكوررر اخوي وان شاء الله توصل للادارة |
يا ابن الحلال هذا تسميه ملعب لهم اكثر من عشرين سنه على هذا الملعب ولا فيه تطور يااخي شف الناس عمروا ديار بهذه الفتره وانت ملعب بمواصفات اوربيه ماقدرت تبني ما اقول الا الله يصبرنا على هذا الاتحاد الي يجيب الهم |
الصراحة مشكلة , وقد تأثر على الحضور الجماهيري لشعب الهلال سلباً لكن بما أنت كتبت الموضوع أخوي"جنون الزعيم" فليكن جسراً لوصول صوتنا بشأن هذه المشكلة إلى الإدارة واتمنى كل واحد من الشعب الهلالي أن يضم صوته إلى أن يصل صوتنا للإدارة أضـم صــــوتي مــــعــكـ ,, تحياتي |
انا كتبت الموضوع عن نفس الحاله .. لكن لاحياه لمن تنادي ,, ووصلت الدرجه للشمغ الشتويه الي لونها ابيض واسود مثل حقت فلسطين .. والجاكيت الي لونه بني عشانه مثل لون العساكر .. وومنوع دخول الشالات الي عليها عبارات يعني شيء مضحك صراااحه والله شيء غريب .. وياليت احد يتدخل بهالامر ... يعني الاعلام ممنوعه ؟؟ تخيل اوربي توصله معلومه (ممنوع دخول الاعلام في الملاعب السعوديه))<<بيضحك ضحك غير طبيعي والله هههههههههههههه |
| الوقت المعتمد في المنتدى بتوقيت جرينتش +3.
الوقت الان » 08:25 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd