:: اســأل والمجلـس يـجيـب :: - صفحة رقم 42 - نادي الهلال السعودي - شبكة الزعيم

وليد القحطاني · #616 26/02/2009, 03:28 AM

[quote=الهنوووف;11203435][/size]

1\ ستار ستي على الدائري الشرقي مخرج 9
وايضا الحكير لاند على نفس الشارع

2\ فيه تولان (صغيره تنفع اطفال يلعبون والبنات تسوق فقط

)
3\ البراجون على طريق الملك فهد
4\ ملاهي الخيمه بحي الورود شمال الرياض
5\ ملاهي الروضه بحي الروضه شرق الرياض
6\ فيوتشر لاند

وكلها اتوقع تفتح من 4 مساء الى 12 مساء

وحياكم الله بالرياض اسفرت وانورت :::>> شفتوا اهل الرياض كيف يرحبون
مو مثلكم من نجي تكشرون بوجيهنا يالشرقيه

[/quote]

هلا وغلا

مخرج 9 قريب من شققنا زين ..
وبيني وبينك الرياض ما ارتحت فيها !
وش هالزحمة ؟ وشو كبري خريص هذا ؟
الهنوف ماقصرتي والله يزوجك قولي آمييين

LBa your heart · #617 26/02/2009, 03:48 AM

إقتباس


	هلا وغلا مخرج 9 قريب من شققنا زين .. وبيني وبينك الرياض ما ارتحت فيها ! وش هالزحمة ؟ وشو كبري خريص هذا ؟ الهنوف ماقصرتي والله يزوجك قولي آمييين

وش مجلسك فيها يوم انك ماارتحت فيها ولا من زين هالخشه تدور ملاهي

وليد نورت الرياض( من يوم جيت والغبار طالع لنا )

المهم سؤالي :

انا عندي كاميرا فديو باناسونيك قديمه وجاي معها شريط كبير اللي ادخل فيه الشريط الصغير

السؤال

هالشريط الكبير ضايع وين احصله (بأي محل)

اللي مافهم

شفتوا هالشريط !!

بالنص فيه مربع هالمربع يكون مفتوح واحط فيه الشريط الصغير

واللي مافهم يمسك الزاويه

وليد القحطاني · #618 26/02/2009, 04:00 AM

إقتباس


	وش مجلسك فيها يوم انك ماارتحت فيها ولا من زين هالخشه تدور ملاهي وليد نورت الرياض( من يوم جيت والغبار طالع لنا )

ياخي جاي مع الاهل !
وانا جاي خصيصاً عشان اقابل واحد غالي هنا وقابلته والحمد لله

ومن ناحية الملاهي وشدخل الخشة الحين ؟! <<

بنزل الاهل وبمشي في ستين داهية

ومن ناحية الغبار الغبار كان في الشرقية ولحقني الرياض ويقول ارجع ترى الشرقية بدونك عذاب

<< سامج

وين احصل محل الرياضة الله لا يهينكم شباب

^ العنود ^ · #619 26/02/2009, 05:04 AM

عندي سؤال انا ولنوووش

الحين حصلت برنامج يعرف لك الي مسوي اوف لاين بالمسن ,, وبلوك

بس صراحه خايفه منه

في طريقه ثانيه غير هالبرنامج وغير حركة المسن بلس ,,

للي يرد اول واحد علي

الســفيرة · #620 26/02/2009, 05:23 AM

^

منزمان ادور عليه ممكن ترسلينه لي عالخاص؟

^ العنود ^ · #621 26/02/2009, 05:28 AM

^^
*******
كله فايروسااات

القيصر رهيب · #622 26/02/2009, 06:42 AM

إقتباس

الرسالة الأصلية كتبت بواسطة وليد القحطاني


	وانا جاي خصيصاً عشان اقابل واحد غالي هنا وقابلته والحمد لله

مالها داعي الاحراجات وليد ..

<<

بالنسبة لسؤالكـ أول مرهـ أسمع بهالمحل في الرياض

لكن أتوقع أتوقع إنك بتحصل غرضكـ في سيتي بلازا

لأنه دايم يبيع ماركة Kappa اللي هي نفس الشركة اللي تسوي فنايل روما على ما اعتقد

صح ولا لا .. ؟

كان هنا · #623 26/02/2009, 10:48 AM

^العنود^
أنتبهي من هالبرامج ترا كلها نصب وتفتح ثغرات بالجهاز : s ..

/،

إقتباس


	وين احصل محل الرياضة الله لا يهينكم شباب

أي محل تقــصد ؟
فيه محلات كثيرة رياضية ..
على شارع العليا العام بعد المملكـة مباشرةً فيه محلـين رياضة ورا بعض ..
ولو تمشي 100 متر قدام بتلاقي في العمارة الي فيها شركة عجلان وإخوانه محل رياضة بعد ..
كلها ماركات اديداس وغيرها ..
ولو تروح بالعكس ع الصوب الثاني بتلقى بيت الرياضة الفالح ^^..
/،
أما إذا تبي محل معيـّــن عطنا اسمه الله يحفظك ^^..

الا يا وليد يوم انك ما تدل بالرياض وشو له مدرعم يمها

..
وعلى فكرة .. ما تبي احد يشتغل عندكم تكسي ، واليوم بـ 200 بس ^^..