اكثر شيء حز في خاطري -----VYROOOOOOOOOOON

ياشباب انا اعتقد ان المدرب هو السبب في هذه اللعنه اللي حلت على المنتخب الارجنتيني في مباراه نيجيريا ترا فوزهم ماكان مرضي واللعب كان متكدس في الوسط بسبب تشكيله المدرب اما امام انكلترا فانا اقول ان اريكسون هذا مخه مهب صاحي لعب خطه دفاعيه بحته لانه عارف مدربنا ما راح يغير تشكيلته الغبيه يا خي باتي قول وش يسوي لحاله قدام يقشر بصل ....ياخوي لو لعب بتشكيلته ايام التصفيات كان ماصار اللي صار يلعب 4-4-2 المدافعين معروفين والوسط يلعب زانيتي وقالارادو والمحاور فيرون وايمار وقدام باتي وكريسبو وشوف اللعب ...واللي قهرني انه هالمدرب بعد خسارته من الانكليز ما غير تشكيلته ماادري يعني مقتنع فيها والا وش السالفه ؟؟؟
عندي ملاحظه بسيطه اللي هي لو شفتوا المنتخبات في التصفيات او المبارايات الوديه اللي قبل كأس العالم تقول فرنسا والارجنتين على النهائي ما فيه اي شك ...فرنسا كان مستواها مهب صاحي ويمكن شفتوا مستواها الرائع يوم لعبت مع روسيا والارجنتين ايام التصفيات ما فيه احلى من هذا اللعب في العالم والا لو لعبو بتشكيلتهم مع الكاميرون كان ياسلام ....والبرازيل مستوى متدني ايام التصفيات والحين ولا اروع ...كأس العالم هذا اغرب كأس عالم شفته في حياتي...
ملاحظه : المدرب الغبي اصلا من الاول وانا حاقد عليه من قال انا منب مقتنع ب سافيولا ...؟؟؟ ياغبي لو انك ماخذه بدال الحمار كينيجيا الشايب اللي وهو ما لعب انطرد وهو على دكة الاحتياط ...ماكان احس لك كان هبل بالمنتخب الانكليزي وسبب عشر بلنتيات ....
حسبي الله ونعم الوكيل ماقول الا لازم يحضرون جيل جديد من الشباب الصاعد امثال سافيولا وريكولمي واليساندرو وان شا الله راح ينافسون بشكل افضل عام 2006