دبشه ويبي يشري سوني 2 أنصحوه
 

السلام عليكم

اخواني اناصراحه اعجبني الدوري الياباني 6 وشريته للسوني 1 بس طلع يختلف عن السوني 2 بكثيييييييير ... قلت ياولد وش وراك في هالأجازه طق لك واحد زي العالم , بس عندي كم سؤال :

1) وشي الماشيا ؟؟؟؟ وش سنعها ؟؟ وش تسوي ؟؟؟ اقدر العب بدونها ؟ هي تحل محل القيم شارك ؟ ولا لازم القيم شارك ؟

2) وش احسن البال ولا ntcs us ويختلف السعر ولا لا ؟

3) انا ابي ادخل الشريط والعب بدون قلق وخرابيط شلون ؟

4) ابي اشغل كل انواااع الأشرطه بال وانتسي وكللش وش لازم اركب ؟

6) ابي اشغل كل انوااع الدي في دي والسيدي شلون ؟

5) كل هذا كم سعره و وين القاه ؟

اعذروني بس والله اني عليمي واعجبني الدوري السادس صراحه

وجزاكم الله خير

انا رايي تروح تقط مع عيال خوالك اصرفلك خخخخخخخخخخخخخخخخخخخخخخخخخخخخخخ

وانا راي تاخذ دوره بالبلستيشن 2

مشكور

رح البطحا يعلمونك

لسلام عليكم ورحمه الله وبركاته ,,

هلا وسهلا اخوي صحن قلابه ...

بالنسبه لطلباتك ... شف اخوي :

اذا كنت الا الحين ماشريت سوني 2 , خذ مني هالمعلومات عشان تقولها لراعي المحل :

اول شي قطعه الميشيا ماعليك منها لان النسخ الجديده للسوني 2 القطعه موجود فيها وجاهزه , وبعدين اذا كانت هالقطعه موجوده يعني DVD راح يكون شغال عندك , وبوجود هالقطعه مايحتاج للخرابيط اللي تقولها طلع CD دخل اللعبه ....

المهم ( خذ هالكلام وانسخه والصقه عندك :D )

تدخل على راعي المحل وتقوله عطني سوني 2 وقله ابي يكون التشغيل بدون CD (جيم شارك او اكشن ربلاي ) قله ابي على طول اللعيه ابي اشغلها ,,,
وقله ابي العاب DVD تشتغل بعد فيه ...

الجهاز تقريبا راح يطلع عليك بــ 1250 الى 1350 بينهم ,,

اكيد عندك سؤال يقول وشي الــ DVD ؟
في اشرطه تكون رسومها وحجمها كبير جدا يعني تحتاج اكثر من 6 CD عشان كذا يضغطونها ويحطونها على DVD ,, سعره تقريبا 50 ريال الواحد , واحسن لعبه فيه (ميتل قير) لاتفوتك ,,,

الاشرطه العاديه اسعارها مابين 10 الى 15 ريال وهذي منها الدوري الياباني لانه CD واحد ,,,

واتمنى ان الشرح كافي ووافي ,,

واي خدمه حنا حاضرين ,,

اخوك / abuziz

مشكووووووور اخويabu3ziz

للأني انا بعد ابغى اشري سوني2 وابغى النصيحة

مشكووووووووور,,,,

الف شكر اخوي ابوعزيز ..

طيب عندي كم سؤال .. ممكن تتحملني ؟

1- هل يمكن أشغل أفلام دي في دي بالسوني اللي تتكلم عنه ( النسخة الجديدة )
2- النسخة الجديدة ماتحتاج تدخل cd ثم تشيله ثم تحط اللعبة ؟
3- كيف أعرف النسخة الجديدة من القديمة ؟

وألف شكر لك

السلام عليكم ,,

هلا وسهلا اخوي مجرم هلالي واتنمى انك استفد :)

-----------------------------------------------

اخوي الزعيم 2000 :
1- هل يمكن أشغل أفلام دي في دي بالسوني اللي تتكلم عنه ( النسخة الجديدة )؟
على حد علمي نعم تستطيع تشغيل افلام DVD , لانه يشغل العاب DVD

- النسخة الجديدة ماتحتاج تدخل cd ثم تشيله ثم تحط اللعبة ؟
لا , على طول تحط اللعبه وتشتغل وترتاح من القلق كله :)

3- كيف أعرف النسخة الجديدة من القديمة ؟
بصراحه من الخارج لا استطيع معرفه الفرق بينهما , لكن الان النسخه الجديده هي السائده في الاسواق ,,,

وتحياتي لكم ,, :)

يعطيك ألف عافية

جزاك الله خير اخوي ابو عزيز


الحمد لله شريت جهاز لكن بدون المشيا . انا فكرت وقلت ليه اشري مشيا الي تشغل ديفيدي وانا ما العب الا بالدوري الياباني ؟؟ يعني ما احتاج لها .

واذا نزل دوري ياباني جديد ديفيدي وممتاز ذيك الساعه يكون خير .

لذلك شريت جهاز بالأكشن ريبلي .

وعلى فكره , الاسعار الي قلتها هذي اسعار قبل الأجازه في الأختبارات وقبل الأختبارات . الحين ارخص شي تلقاه في البطحا بـ 1500 مع المشيا .

يعطيك العافيه